هلو يا حلوين
شلونكم
#قصة حقيقية
#نجمة بين قمرين
بقلمي بنين ابراهيم
الُبّارَتْ_الُاوَلُ -
احدهما قاسيآ ..متحجر القلب ..يمتلك جميع صفات الخبث والخباءث.... لا يعرفُ قيمة المراة وعظمتها .....بعينيه خلقت
المراه فقط لخدمته....
اما الاخر ...كأضوء القمر المضيء في أفق السماء ....قلبه الصافي كأقلب الطير الذي يطيرُ في السماء عاليآ حاملآ لها حب يدخل الئ روحها ويتملكها فتصبح نجمةُ مضيء بعدما عاشت سنين من المعاناة والالم والخوف
...تفتقد الئ الحنان)
...تفتقد الئ ام تحظنها وتحسسها بالامان)
...تفتقد الئ ام لم تفرق بين اولادها)
س/ولكن ما قصة النجمه والقمرين?واي منهما سوف ينتصر الخبيث أم الطيب?تابعو معي الئ النهايه ....
ـ اعرفكم ع نفسي ـ
زهرة من بغداد عمري 22 سنه.. لون عيوني عسلي طوخ ...شعري اشكر عندي شامه جوه شفتي كلش حلوه وجهي عريض وعندي خدود ...وجسمي هو اكبر مشكله بحياتي... جسمي اكبر من عمري مو ناعمه ...ساكنين بأطراف بغداد بالأرياف عيشتنه كله ع الزرع والحيوانات .. احنه ثمانيه (خمس ولد اكبر مني واني السادسه وبعدي توائم ثنين بنات وحده عاشت وحده ماتت ..وبعدهن اجه ولد الي هو بزر الكعده هههههه صلوات ع النبي)عائلتنه كبيره والسبب انه جدي زوج ابويه من وكت لان هو الجبير بين اخوانه وامي هم ما قصرت خلفت سنه ورا سنه ...وتعرفون العرب يحبون كثرة الخلفه
احجيلكم ع والدي ـ
والدي من المدينه دارس ومتوظف بالكهرباء ...هادئ ولطيف ااني اخذت صفات بابا واختي الي هي احدئ التوائم اخذت صفات امي.. شخصيه قويه ولسان كانت محبوبه عد اهلي... والدي لوشكد ما اوصفه قليل بحقه ..أب بمعنئ الكلمه ...يحبني ويموت عليه من اجيت للدنيه كان يوم عيد بالنسبه اله.. عكس امي مع الاسف المفروض تكون الام هي اقرب وحده ع بنته بس امي ما جانت قريبه عليه تحب الولد اكثر من البنات ...امي صعبه بشكل مو تكرهني...? لــหøـا بس تحس البنيه مسؤوليه جبيره وتربيته صعبه...لهذا كانت حيل مشدده ويايه وقاسيه ...وكملوها عليه اخوتي الي اكبر مني جانو عصبين عليه ودائما يجاوزون ...اما اخوتي الاكبر منهم لا عكسهم جانو حنينين عليه ويحبوني وما يقبلون ع الغلط ويحجون ع امي ويتكاونون ويا اخوتي علمودي ......
زهرة ـ من كبرت شويه حجبتني امي رغم جنت صغيره عمري 6 سنوات بعدها دخلت للمدرسه بس ما جانت فرحتي كامله من يبدي العام الدراسي الجديد ااني ما جاهزه لا ملابس مدرسه ولا جنطه زينه جانت خالتي تنقهر عليه دائما ودزلي ملابس بناته وصلت للخامس وبطلوني اخواني غصب عليه مع العلم جنت شاطره واحب اكمل دراسه وعندي طموح اوصل حالي حال البنات ...بس بالريف ما يخلون البنيه تكمل اهم شي تتعلم القراءه والكتابه ويكعدونه بالبيت ...اما اخوتي واصلين اعداديه جانو بفترة الصباح يداومون ...والعصر يشتغلون بالبستان الي هو ملك امي ...
أنت تقرأ
نجمة بين قمرين
Fanfictionكرسالة أخيرة.. أعلم جيداً أنّك لن تنساني ، لا أحد يستطيع أن ينسى شخصاً أعطاه هذا الكم من الحب.. لن يستطيع قلبك التغافل عن كل ما فعلته لك قد تتناسى أحياناً لكنك لن تنسى أبداً ! ستذكرني فجأة في زحام يومك في ليلةٍ ما شخص يشبهني سيمشي أمامك.. صدى صوتي س...
