Sa daraang araw, oras at sandali,
Kahit na mag-isa, ako ay ngingiti,
Kung maaalala ang suyuang huli,
At ang matatamis na sintang mabuti
At ang minamahal kung makakapiling
Ay tila kaybilis ng oras sa dingding
Hahalik sa pisngi at saka yayakapin,
Limot ang problema, hindi makakain.
Kung ika’y iibig, tandaan mo lamang,
Ang tunay na kulay, sikaping sulyapan,
Pagkat marami diya’y nagpapanggap lamang,
Sa baba ng lupa ang pinanggalingan!
