حقوق اصبحت اماني

البارت الثالث

#حقوق_اصبحت_اماني
#طيبة_الربيعي
___البارت الثالث "عودة غير مبشرة"___

مساء الخير حبايبي
النشر راح يكون بين يوم ويوم انشاءالله
وانتو هم تفاعلو ليش نايمين

~~~~~~~~~~~~~
چان يحچي وية الرجال ومعالم وجهة كلهة تغيرت.. انعقچ وجهة ويگلة اي اي لا حول ولا قوة الا بالله انشاءالله الله كريم..

واحنة اغلبنة گاعدين نستمعلة نريد نفتهم شكو.. اني صارت بية خوفة من هل امور بس مطمن كل اقاربي موجودين هنا يعني اذا الخبر الوصل لابوية ميسر فأكيد مو بخصوص واحد بينة..

سدة وصفگ ايد بأيد: لا اله الا الله، الى متى يا عراق
الجميع: شكو، شصار يمعود

ابو زياد: طابين علة بيوتنة وشايلين الغراض، ونص بيوتنة حاجزيهن صارت فرهود
عون: بلة هاي حالة هاي، منو هذا
ابو زياد: ابو مصطفى جوارينة، يابة صار سيطنة روافض وحلالنة مو النة
مقداد: هو شنو مو النة يمعود خوية گول غيرهة، خل نرجع ونفضهة نسوان احنة ونبقة نتهرب
ابو زياد: مابيهة سباعية هاي ونسوانة وين نوديهن نعوفهن وحدهن هنا!؟ والجهال نضيع مستقبلهم؟؟

احچاية منا احچاية مناك عمامي وخوالي اتفقو يرجعون لديرتهم.. اما ابوية عاند وگال

ابو زياد: اليريد يرجع الله وياه اني مامستعد اخسر جهالي
سجاد: ليش مترجع، قابل هنا مرتاحين احنة شو صاير ضكة وحسرة علينة الهوة
ابو زياد: امان هنا عاد مطمن مايطبون علينة علة غفلة وينهبونة، رجعو الله وياكم'طيبة_الربيعي'

گام ابوية امي راحت وراه

عون: هاي هية حضرو غراضكم نرجع باچر بإذن الله
محمد: وكريم يبقة هنا؟ شلون
عون: خلي نجبرة يعني؟ منعوف حلالنة شفنة العيشة شلون مرة هنا، هو الامان انمحة بالعراق وين منروح القاعدة موجودة والارهاب تارسين الشوارع

كلام عمي صحيح.. بس ابوية حاطنة بعيونة ومستعد كلشي يسوي في سبيل يحمينة.. ابوية انسان طيب وفقير والحنية العندة مو طبيعية.. وللأسف اني طلعت عليه.....

رغم لحو عليه مقبل وقفل الة نبقة هنا.. مشينة بشورة هو ادرة بمصلحتنة.. ضايجين علة وضعنة اني والولد بقينة نسولف طول الليل لحد ما نعسنة ونمنة..

ثاني يوم الصبح تريگنة والبيت صار هوسة هذا يحضر هذا يصيح وين غراضي ذاكة منتظر البقية يخلصون..
اجتني شذى لابسة حجابهة وجبتهة.. اصغر مني بسنتين

شذى: زياد
زياد: ها شذى شبيچ

چانن عيونهة حمر يمكن باچية

شذى: ليش عمو مايخليكم تجون ويانة، غير لازم كلنة سوة
زياد: ميخالف شذاوي قابل مراح نشوف بعض، ماطالعين من ديالى راح ترجعون لبيوتكم
شذى: وليش ماتجون'طيبة_الربيعي'
زياد: ابوية ميقبل شسويلة
شذى: حاول تقنعة