#حقوق_اصبحت_اماني
#طيبة_الربيعي
___البارت الرابع "صدمتان"___
اعتذر عالتأخير الصار
بارت طويل لعيونكم.. واريد تفاعل حبايبي متخسرون شي اذا دستو النجمة وعلقتو بكلمة تنطيني حافز
قرائة ممتعة💖
~~~~~~~~~~~~~~
اخي مصباحٌ ينير دربي ونبعٌ ارتوي منه🍃
انا من دون اخي
كمُحارب بِلا سِلاح
كوطنٌ بِلا إنتماء
كجسد بِلا روح
كنهراً بِلا ماء.. جَفيفاً وَ بِلا حياة...
اباوع ابوية منتظر السرة بفارغ الصبر ويباوع لجعفر بخوف وحزن.. اني ساكت ومتوكل علة الله سبحانه وادعي يطلع مابي شي خطر..
اجة دورنة ومن فتنة الدكتور حسيتة يحاول يلطف الجو رغم وجهة ميبشر بخير
ابو زياد: دكتور علة بختك طمني
الدكتور: ابو زياد مراح الف وادور، وبنفس الوقت ماريد اخوفكم الولد عندة اعتلال بعضلة القلب...
ابوية بصدمة: شلووون؟'طيبة_الربيعي'
ابو زياد: خليني اكمل لتخاف، اذا تريدو يتحسن ويرجع بحيلة ابعدو عن اي شي يقهرة لو يصدمة، اي صدمة او هبطة راح تقتلة خلاص، والملح ابعدو عنة قدر المستطاع افضل لو متنطو ملح اصلاً، عضلة گلبة كلش ضعيفة ولتستهينون بالنصيحة الوجهتهة الكم، ابعدو عنة اي شي يأثر علة نفسيتة سلبياً
ابو زياد: زين دكتور ماكو علاج شي يطيبة بأقرب وقت ممكن؟
ابو زياد: اني راح اكتبلك هذا العلاج، تنطوهيا وتستمرون عليه وانشاءالله بأذن الله تعالى يتحسن ويطيب
ابو زياد: امين
كتبلنة الراچيتة.. تشكرنة منة وطلعنة
ابو زياد: بابا زيودي هاك هاي الفلوس روح جيب الدوة من الصيدلية وتعال عالسريع، اني راح اخذة وارجع عود انتة ارجع وحدك
اخذتهن: ماشي يابة
رحت للصيدلية اشتريتة ورجعت وراهم.. فتت للبيت شفت ابوية يحچي وية امي عالحچي الگالة الدكتور..
امي تبچي وتبوس بجعفر.. سلمت وگعدت
زياد: يمة لاتبچين وتزيديهة عليه، هسه خل نحمد الله موزين اكو علاج يطيبة
ام زياد: موبيدي يوم مو بيدي، شوفة شلون خلصان وجوة عيونة اسود
ابو زياد: الله كريم مادام يستمر علة هذا العلاج انشاءالله يطيب
زياد: يمة دير بالچ تنطي ملح ابد حتة لو هو يطلب
ام زياد: لا يمة ماانطي'طيبة_الربيعي'
جعفر مو بحالنة يون من الوجع ويباوع بالوجوه.. گمت گعدت يمة وحطيت ايدي علة ذراعة.. گام يباوعلي
زياد: ضلعي انشاءالله اطيب وترجع احسن من الأول، يلة شد همتك حتة نشوفلك مرة
ابتسم: ادعيلي خوية الوجع البية ماينحمل
انعصر گلبي بس ماحب اشوف ضعفي وهم ماريد اقلقة
زياد: جعفوري انتة زلمة تتحمل هذا الوجع وتقاومة، انتة اقوة منة وراح تتغلب عليه بأذن الله بس لاتقهر روحك واخذ كلشي ابساطة
جعفر: انشاءالله ابو غضب انشاءالله
