#كبريائي_عقابك
#بارت_3_
للكاتبه
#هدى_ابراهيم_الزبيدي
؛:؛:؛:؛:؛:؛:؛:؛:؛:؛:؛::؛:؛:
طلع رواد للحديقه يدخن جكاره
شافني
اخذ الكرسي اليمي 🤔
وسحب الملزمه من ايدي 😡
يباوعلها بنظره ظاهريا كلها ذكاء ونباهه 🤔
وهو يكلب بالاوراق 🤒
اجتفت كدامه كتله :
مااحب احد ياخذ حاجه من ايدي بدون استئذان 👎
(ياما وياما اختي ريا
مترزله ع هالحركه لحد ماتوبتها منها )
سألني بطريقه بيها نبره استصغار : وين الصعوبه عندج 😠
من شنو تشتكين 😳
كتله : طول عمري متفوقه بجهودي الخاصه 🤓
اتعجب عليك تسألني
صعوبه .. وتشتكين ..!!
قاطعني وصوته بيه نبره استهزاء عاليه : العفو دكتوره جنات 😞
ارجو المعذره 😏
اخذت نفس عميق
وهزيت راسي : شتريد رواد ..😤😤
صفن بوجهي وملامح الاستفزاز واضحه بنظراته المليانه غطرسه .. وغرور
بالذات انو عيونه ناعسه ..
نفخ دخان جكارته صفح بعيد
وهز راسه وكال : داحاول اساعدج 😡
ورجع يباوعلي من فوك ليجوه ..!!
حسيت اذا اجاوبه هسه .. راح اخليه يكره شي اسمه صله قرابه بيناتنا
لهذا .. عضيت شفايفي بنرفزه
واني اهز برجلي !!
بالحقيقه اني دارجف 🤒
شكد مااني بنيه قويه
وعندي ثقه بنفسي
بس عنجد هذا الكائن الاستفزازي خلاني ارجف ..!!
مشيت خطوه
كلت اتركله الحديقه
اروح اكمل دراستي بغرفتي
لان هذا البني آدم اختصاص مغثه 😖
سحبني من ايدي كعدني عالكرسي
ونظره التعجب واضحه بوجهي ..
اباوعله صفح ووجهي كله علامات استفهام ..!!!
كالي : اني اريد اخطبج ..!!
هدءت ملامحي المعصبه
وانعقد لساني تماما
دنك بنص ايده ع ميز
صارت كبالي عضلاته البارزه
واكتافه العريضه ..😧
ياآلهي مايغير هذا الرجل عطره نهائيآ 😯
عنجد ماي بيست
سكتنا ثنينا ..
هو ماعاد كلامه مره ثانيه ..
واني بقيت صافنه ع صفنته بوجهي
هي ثواني ..
وفزينا ثنينا ع صوت اختي ريا الرقيقه
وهي تصيحنا وتكول :
محيبس .. محيبس
لحكو بسرعه ..
دخلنا تلاثتنا اني ورواد وريا
سألونا وين جنتو ..!
جاوبتهم اختي الحبابه ريا
الي مااعرف مين جايبتلنا جينات الغباء هذا كله
وكالتلهم : رواد جان ديدرس جنات بالحديقه ..😣
هنا سيطرت ملامح الانتصار ع شكل رواد باشا 😏
وابتسملي بخبث .. وبهدوء
اني تظاهرت بعدم الاهتمام حتى اخرب عليه مشاعر النصر
وبيني وبين نفسي كلت ماالج يااختي غير الطاوله الاستيل القديمه
اكسر بيها راسج الفارغ هذا 🙃
جو المحيبس قضى ع كل مشاعر السترس والضغط الي جانت بداخلنا
لعبنا بحماس كلش تونسنا
بالبدايه جنا بس اولاد العم اني واخواني
رواد واخوانه
بعدين انضمولنا
بابا وماما وعمو وزوجته 😛
زادت اللعبه تشويق ومتعه ..
عنجد من زمان محتاجين تغيير جو وكعده ونسه مثل هذه
مااخفيكم سر
انو اني تقصدت اخذ الفريق المنافس لرواد
وهو طول اللعبه جان منغاض مني 😌
جان يحارب بشراسه حتى يفوز فريقه
لامبالاتي وتجاهلي اله جانت تزيده استفزاز 😉
بشوط الاخير لزم ايدي حيل ديفحص المحبس
حسيته ارتبك لحضتها
وكال جيبي المحبس من اليمين
طكيته من اليسار وعطت ( بااااااااات )
هو من كل عقله فشل 😖
وبأجواء حماسه فريقي الفائز
كلت والله ماعديها الك يامغرور
ظليت انصب عليه
هو يباوعلي باستهزاء حتى يغطي ع فشلته 😩
كتله همام شوف رواد راح يبجي 😛
كالي حبي كلينكس مو جووووود
وطكينا ضحكه
فديته الاخ من يكون ع قلب اخته ..!!
رواد المغرور بلع كل كلمات النصر بهدوء ع اساس
مايشمتني بيه 🙈
وخلصت اللعبه
وحان موعد الوداع
وانتهى هذا اليوم الاستفزازي .. والممتع بنفس الوقت
ونشوفكم باجر
وتصبحون ع خير ...😩😩
