#كبريائي_عقابك
#بارت_11_
للكاتبه
#هدى_ابراهيم
؛:؛:؛:؛:؛:؛:؛:؛:؛:؛:؛:؛::؛:
جاوبته يرجع يعيد نفس الكلام
وصوته خشن صاير كأنه ديشرب عصير
اويمكن مايكون عصير ..😎
غلقت مبايلي .. ونمت
يرجع يتصل بين فتره وفتره يسمعني نفس الكلام ..
بيوم من الايام محاضراتي قليله
خلصتهم ورجعت عالسريع واني امشي بطريقي .. اجى شاب كدامي كال : تصادقيني لو اكتل روحي ..😤😩
اني امشي هو يمشي بالعكس يريد يصير كبالي ..
واني اضرب بيه بملزماتي
روح منا ياثول ياغباء ..
اجتي سياره من ورايه وكفت يمنا .. نزل منها سعد سحله لهذا الولد ..😩😩
ودك ضرب .. 😯
بين ماوصلت للبيت يادوب غيرت ملابسي
دك عليه سعد ..
كالي لزمج هذا ال ... كذا ..😰
كتله لاطبعا
كالي احجي الصدك لا اطب اسحلج من بيتكم ..!!
كتله مشفتني داضرب بيه ..!!
وبعدين كافي عاد هاي السوالف ..
كافي مشاكل وعداوات ..!!
سيرتي صارت ع كل لسان من وراك
خربت سمعتي كلها ..!!
شلون بينا سعد مانعقل ونهدء ونتوب
بعد ماتلوكلك هالسوالف ترى ..!!
كالي ادك عليج بالليل مو تنامين 😳😳
شتكولون انتو .. داحجي ويه نفسي اني ..
لو ويه الحايط ..!!
ودك عليه بالليل ونفس الكلام .. وقله الادب ..😰😰
لحد ما اغلق مبايلي يلله اكدر انام واخلص من الحاحاته ..!!
برجعتي فد يوم واني امشي فاتو شباب مراهقين ..
واحد يباوع حيل
الثاني كاله : وعلي ياكلك سعد اذا شافك
امشينا لاتورطنا وياه ..
الله ع السمعه الحلوه والصيت الراقي ..
جان يطلع مرتضى من بيتهم لزمهم ثنينهم كل واحد بأيد
هم يتوسلون بيه يكولوله ماندري هاي بتكم ..!!
ضربهم (جلاليق ) ثنيهم
راحو ركض ..!!
رجعت للبيت بنفس اليوم بابا حچه ويايه
كالي بابا رايدج بموضوع .. وكذا
كعدت يمه
دخل بالموضوع بعد المقدمات كالي انو (نور الدين) ابن عمتج
علساس يريد يخطبني ..!!
كتله بابا اني مااتذكره
هو مو جان مسافر ..!!
كالي بابا هو دكتور عايش بكندا ورجع هالايام يريد يتزوج ويسافر ..!!
عمتج حاجتني كالت اريدله بتنا جنات ..!!
كتله بابا مبقالي شي عالتخرج عود الله كريم ..
كالي بابا همه يردون بس خطوبه هسه
كتلهم اذا صار نصيب
الزواج بعد التخرج ..!!
ثاني يوم كعدت من نومتي بعد الدوام
عصريه
واسمع صوت نسوان بالصاله يم ماما
غسلت وجهي
ورحت دخلت اباوع
اشوف ام سعد واخته
جايين يمنا يسولفون ويه ماما
سلمت عالسريع
ام سعد تباوعلي من فوك ليجوه
جنت لابسه تنوره قصيره ظلت تباوع ع رجلي ..🙄🙄
وتضحكلي ..!!
طلعت بسرعه من يمهم
ماما شفتها متوتره حيل ومتضايقه
مامرتاحه
وجان وجهها ثكيل عليهم ..!!
شويه وطلعو راحو
جنت اني كاعده بالمطبخ اكل فواكه
اجتني ماما وجهها صاير احمر
مخروعه منهم ..😨
كتلها ها ماماتي صار عندج صديقات بالمنطقه ..!!
تهز بأيدها وتكلي ياصديقات
عرف .. ولف ..!!
كتلها شكو
كالت شفتي ذولي النسوان .. تعرفيهم انتي .. شايفتهم قبل
كتلها يمكن شايفتهم بالفرع .. جيران همه ترى ..!!
كالتلي من كل عقلهم جايين يخطبوج ..!!
كتلها لعد قابل بنص عقلهم يجون ياامي ..!!
كالتلي ها ماما ..!!
كتله ها امي ..!!
كالتلي الولد شايفته انت ..؟؟
عندج علم بالموضوع ..!!
كتلها امي داكلج ذوله جيران شايفتهم اني
كالت شنو رأيج انتي ..!
كتلها انتي شنو رأيج ..!!
كالت يارأي .. نعرفهم يعرفونا .. ابنهم مامكمل دراسه ..
همه تجار مثلنا
بس تجار جدد
مو قديمين ..!!
كتلها شنو ماما
سالفه جدد .. وقديمين شله علاقه ..!!
قابل همه موكفيلنا شرطي عالباب ..!!
هو سؤال .. وجواب
والموضوع يمنا اول وتالي ..!!
كالت اني ابد ماانطيتهم وجه
كتلها خلص بعد شكو ضايجه ..!!
خابرني سعد بالليل كال شكالو اهلج
كتله قبل يوم ابن عمتي خاطبني من بابا ..
وبابا شكله حيل مقتنع بيه ..!!
سعد كبت نار جهنم بيه ..!!
صياح وهوسه وحلفان يتحلف ..
وغلط .. وكفر ..
ماخلى شي ماكاله ..!!
كالي ماتوافقين ..
رفضيه
كتله الموضوع موبيدي سعد
وبعد اني شلون اوافق عليك
شلون اكدر اعيش وياك ..!!
انت انسان عصبي وماتتفاهم
مااحس اكو اي صيغه تفاهم بيني وبيني
معقوله انت ماحاس بهذا الشي ..!!
المهم شال الاول وحط التالي ..
وكالي ماياخذج ..
محد ياخذج غيري ..!!
بعد فتره اسبوع او اكثر
بالليل اجينا ننام
همام متأخر بره حيل
ندك عليه مانحصله ..
كله مغلق ..
كاعدين كلنا منكدر ننام
ننتظره يرجع من بره
وكلش قلقانين
تأخر الوقت اكثر
هو جان رايح مطعم للمنصور من العصريه .. وماشفنا بعد ..!!
خلص الليل كله
للفجر همام ماكو ..
ماما كامت تلطم
كل تنهار اعصابها
كمنا نروح ونجي
نسأل
مانعرف اي شي
لحد الليل دكو جماعه ع بابا ابنك يمنا
تدفع كذا مبلغ تستلمه ..😱😱
وهددو بابا لايحاول يبلغ
لان اسم الله ع اخويه ياربي ..😥
احنا فقدنا وانهارت اعصابنا
عيوننا عالمبايل شوكت يدكون .. شوكت يتواعدون
شوكت يرجع همام
لعبو بأعصابنا لعب ..!!!
سعد افندي يدك عليه بالليالي افصله ويرجع يدك
لايجوز ولايمل ..!!
رحت للغرفه جاوبته
كتله سعد بشرفك عوفني ..!!
اترك المبايل لاتشغله
محتاجته ضروري
انهد عليه بالرزايل الحلوه ..!!
منو يدك عليج
احجيلي ..!!
كتله مو وكت سوالفك اني بيا حال هسه
مايجوز مني ومايقبل يسده ..!!
كمت ابچي ..
كالي شبيج ..!!
كتله كذا .. وكذا
سألني شوكت وشلون
اخذ مني كل التفاصيل ..!!
كتله ليش دتسأل ..
مالي ماعليج انتي ..!!
وتبلغيني بكلشي يكولوه الكم ..!!
عاد حس بيه
وسد المبايل .. وراح ..!!
مااعرف شراح يسوي
وشلون راح يتصرف
احنا متنا بخوفنا
ماسوينا اي حركه
حتى ولابلغنا شرطه
نخاف ع ابننا ..!!
وره يومين دك عليه سعد بالليل
كالي يطلع اخوج منا
زواجنا وره شهر ..😨😨
كتله شنو هاي
كال مثل مااكولج ..!!
يساومني الحقير
كأنو ناقصته اني ..!!
كالي تقنعين اهلج
تكوليلهم موافقه
ومااسمع اي كلمه زايده ..!!
اني تعاركت وياه
سديته ..!!
ظليت افكر متت خوف
هذا سعد عنده عصابه لو شنو ..!!
زين شلون كدر يوصللهم
مين عرفهم ..!!
اصلا اتوقعها منه
عنده معارف مشبوهين اصدقاء وكذا ..!!
رجعت دكيت ع سعد
مجاوبني
دكيت مرتين .. تلاثه
ماكو ..
هذا كاعد يلعب بأعصابي ..
ساعه تقريبا ب 3
دك عليه هو ..
كالي هسه تجاوبيني وتنطيني رد
لا اخليج تندمين طول عمرج ..!!
كتله : موافقه ...!!!!!
كالي اذا اجينا ورفضتونا ادفعج الثمن غالي ..!!!
ماعندي وقت اضيعه بعد ..
تزوجيني ورجلج فوك راسج ..!!
هو من يمه ينسق
واحنا من يمنا ..
لحد ما دفعنا نص المبلغ الطلبو اول مره ..!!
ورجعولنا همام ..
والحمد لله والشكر شفناه من جديد ..
وره فتره من الوقت
اجونا بيت عمتي ( ام نور ) علساس ابنهم نور الدين يشوفني
اني مااريد حتى اطلع اسلم ..
بس لازم الكالي حجه وارفضه ..!!!
طلعت سلمت عليهم شافني (نور ) شكله انعجب واقتنع ..!!
باب وعمتي والعريس كلش فرحانين ..
واني كاعده معقوجه ..
حسو بيه .. عمتي كالت ماسمعنا رأي جنات شتكولين حبيبتي ..!!
نريد جواب اليوم
كتلهم بكيفكم عمه ..!!
مااقتنعت بكلامي ..!!
كالو نروح اليوم وردولنا خبر براحتكم ..
كامو طلعو ..
اني اباوع عالعريس اريد الكالي حجه عليه ..!!
اجى بابا يسألني ماعجبج العريس باباتي
اشو احسج مامرتاحه ..!!
كتله بابا شنو هاي
شطوله هذا ..😧
بعد لاتخلوه يجي يخزينا بالفرع ..😧
كالي شنو بابا (شطوله) ..!!!!!!!!
شدتحجين انتي ..😲
ماما صفنت عليه داخت ..😨😨
كتله ماعجبني بصراحه ..!!
ماعجبني ابد ..!!
بابا كالي تريدين ترفضيه .. تنطيني سبب ..!!!
ياربي .. مااعرف شحجي وشكول ..!!
ارتبكت حيل
كالولي شبيج ..!!
احجي خل نفتهم ....!
كتلهم ليش بابا تريدوني اسافر بعيد عنكم .. مااكدر اني اعيش بعيد عنكم ..!!
ليش انتو ضايجين مني حتى تزوجوني بره ..!!
كالي باباتي مستقبلج بره افضل
كتله بابا عوف الموضوع اني ماموافقه ..
عدلي .. بدلي ..
يحچون .. يقنعون .. يحاولون ..
ماكو .. ابد ..!!!!
اضطر بابا يرجعلهم جواب
همه ظلو يحاولون هوايه ..
تالي ايسو مني ..
عمتي ام نور الي احبها واموت عليها
زعلت مني وقاطتني وراها ..!!
رجع سعد دز امه وخواته
ماما بالكوه استقبلتهم ..!!
متخبله منهم ..!!
من طلعو نسوانهم
كتلها ماما اني موافقه ع هذا الولد ...!!!!!
ماما تخبلت عصبت عليه ..!!
هاي تاليتج جنات
ترفضين دكتور ..
وتزوجين غريب ماعنده شهاده ..!!
كتلها ماما اني مقتنعه بيه الولد لاتوكفين بطريقي ..!!
كالتلي انتي تعرفيه ..؟؟
كتلها شايفته هوايه ..!!
ومقتنعه بيه بصراحه ..!!
وصلت كلامي لبابا
صاحني وظل يحقق ويايه ..!!
ميه سؤال وميه جواب ..!!
اريد بس اقنعهم ..
بالكوه سكتو ..
واجى سعد .. وجاب الزلم ........!!!!
يتبع .......
يتبع ............
يتبع ...................
