#كبريائي_عقابك
#بارت_6_
للكاتبه
#هدى_ابراهيم
؛:؛:؛:؛:؛:؛:؛:؛:؛؛؛:؛:؛:؛:؛
طلع مهند يفتح الباب
واحنا نباوع من الشباك
شفنا هوسه زلم
دخلو لبيتنا
عمو الكبير ابو رواد
وياه رواد
وخالو مجيد وخالو ياسين
وزوج عمتي الوحيده ابو نور
دخلهم مهند للصاله
واجى همام
وصاحو بابا ..
حبيبي وضعه تعبان حسيته بالكوه يمشي
من فات من يمنا بالهول
كالنا اني وريا : دخلو جوه ..😕
بقو يحجون ويناقشون سوى
ساعه يعلى صوتهم .. وساعه يتبسبسون بيناتهم
مااعرف شيريدون من بابا
مديشوفوه شكد تعبان ..
اجى مهند ياخذلهم مي
جلبت بيه اني كتله : شبيهم ويه بابا .. شيريدون منه ..
جاوبني عالسريع
مو وكتها جنات
اخذ المي .. وراح
ماما حطت شال ع راسها
ودخلت يمهم
بعد اكثر من ساعه
اجى همام كال : حضرو الريوك ..!!
حضرنا الريوك عالسريع ..
كأنو داخلين مسابقه الها جائزه ثمينه
بدينا نودي ع ميز الطعام بالصاله
ونسمعنا كم كلمه
بس كلشي مدنفهم منهم 😞
جهزنا الريوك
كامو ضيوفنا همه يعزمون بابا ..😐
كالوله : فدواتك ابو همام .. الشورجه كلها فدوه الها ..!!
بس كوم ريكنا يامعود
نشف ريكنا وياك .. صدك جذب ..!!
خالو ياسين دمه عسل
احسه دواء لاصعب الحالات
كامو عالريوك السوالف والضحك
تغير المود 160 درجه
اني بس اريد اتطمن ع بابا ..
الحمد لله .. شفته احسن
ياربي تستاهل الحمد ..
بعد الريوك بقو كاعدين يم بابا
لحد ساعه 12
قبل ميرحون ..
عمو ابو نور (زوج عمتي) كال عازمكم عالعشا كلكم
اعتذرو اهلي ..
حلف يمين ع يمين
كال اليوم جمعه والعزومه عندي المفروض عالغده ..
عبرولنا الغدويه
وتشرفولنا عالعشا
بدون اعذار .. ومغثه
راحو الزلم وصلناهم للباب ..
ورجعنا كلنا حاظنين بابا من كل اتجاه ..
ودخلنا للصاله
كان اكو كبس كبير موجود عالتخم
كالها لماما : شفتي حرجوني 😶
كالتله ياحرجوك
نشفت ريكهم واجوي يزعلون ترى ..
بابا سكت احسه مقهور ..
ماما سألته : نروح عالعشا ..؟؟
كالها اي نروح .. تحضرو عود من وكت ..!!
بابا دخل يسبح
اني تسحبت جريت ايد ماما
كتلها تعالي سولفيلي ..!!
كالت شسولفلج ..؟
كتلها ماما شنو وضعكم انتو
متكولون ذوله بنات
وعدهم فضول 😧😧
بس تعرفون تقلقونا لعد ..!!
كالتلي عمج وخوالج وزوج عمتج رادو يعوضون بابا من سمعو بيه خسر هوايه
(جابوله مبلغ )
باباتج تعرفيه عنده عزيه نفس .. ويكابر
ماقبل مساعده من احد ..!
لحد ماكلوله هذه الفلوس دين
ويمين منا ع زعله منا ونكته
قنعوه ..
هدت ايدي ماما وكالت
لااحد يجيب سيره كدامه ..
جنكم متدرون
ولو هو ماكال ( سر )
بس انتو حافظو ع نفسيته ..!
دخلت ماما لغرفتها
واني اخذتلي صفنه ويه روحي
( عنوان القصه الي يتجسد بكل موقف من مواقف البطله ماجاي من فراغ .. طلعت سالفه الكبرياء هذه وراثه ) 🤔
عاطت بوجهي ريا
امشي نغسل مواعين
فزيت من صوتها ركضت وراها للمطبخ
متحلفتلها 😬
ياسلااااااام
كلتولي اليوم جمعه ..!!
اي بلي اليوم جمعه ..!!
واني جنت تعبانه من موضوع ( خط ) وشمس 🤒
ناوشوني السبت
لابو اليشتكي من الشمس ..😳
لابو اليعيب ع الفورتات .. 🤧
حضرنا نفسنا نروح عالعزومه ..
واخيرا راح نطلع طلعه عائليه
والله مشتاقه لهيجي شي من زمان ..❤️
طبعا اخواني الاعزاء راحو تكاسي ..
وبابا اخذنا بسيارتنا اني وماما وريا ..
هستونا طلعنا من البيت ..
لمحت هذاك الشاب جارنا
واكف يم سيارته ابابهم ..
من فتنا من يمهم
مد ايده بسيارته المجعمره مثله
وطلع منها ....😳😳
لك عنجد راح انجلط 🙈🙊
ممعقوله كميه استفزازه الحيوانيه ..!!
طلع العطر مالتي من سيارته 😨😨
يوريني ياه ..
يشمه .. ويبتسم بلؤم ..
انهجم بيتك ع هالقابليه ..😳
بس .. لااااا .. لحظه
هاليوم بالذات مو
موعد مغثتك ..!!
هاليوم جمعه ..
خصوصي انو البارحه ماخذه دوز عالي من المغثه ..!
فمراح اخليك تغثني اليوم ..!!
بس عنجد بقيت افكر طول الطريق 🤔🤔🤔
خاف هذا الشخص عنده شي بعقله ..😳😳
خاف ميكون صاحي ..!!
واخيرااااا .. وصلنا لبيت عمتي (الصغيره والوحيده) الحلوه .. الوكيحه .. الجريئه ام لسان عسل 😘
عماتووووو : مممممواه
لج حقيره جناتي ممممممممممواح
لج انتي بذاته ..
لج انتي سخيفه ..
ليش متسألين ع عمتج ..
واستلمت الكل ..😜
سلامها نصه ترحيب
نصه ( فشار) 🙈🙈
بس اني احبها حيل
دمها عسل ع قلبي 😘
دخلنا جوه شفنا العشيره كلها ابيتهم
طبعا زوجها هم تاجر
(ابآ عن جد مثلنا) ..
وبيتهم ماشاء الله ..
العزومه جانت ع شرف بابا ..
بس محد يجرء يكول
حتى مايحسسوه ..!!
بس ابشركم .. كلنا حاسين بهالشي 😜
بس لحظه .. اوكفو ..
مو وكتها ..
اللمه تخبل هنا ..
واني مشتاقه للكل
اجيت عالسريع اريد اسلم ع ساره بنت عمتي
هي بنفس عمري .. بس هي صيدله حبيبتي مشتاقتلها
ساراااااتي ...
جنااااااتي ....
ممممممممواه
مممممممممواه
مشتاقتلج .. بذاته ..
اجتفت واني اسولف وياها
من كد مافرحانه بردت احس جسمي يرجف ..
اخبارات .. امورات ..
وانطلقنا نسولف
لمحت رواد واكف بزاويه ويباوع عليه
تجاهلته تماما
كأنه حايط
حسيت بيه يحوص
يريد يحجي ويايه
واني اتنطط منا ومنا
مشتاقه للكل
حسيت كأنو اليوم عيد ..
نفس الاجواء بالضبط
صار وكت العشا
وجابو الاكل الزين
والسفره التفتح النفس
والسوالف الحلوه والضحك ..
اني عيني ع بابا
كل شويه اتطمن عليه
لكيته متفاعل الحمد لله
عنجد شنو فايده الاهل
اذا مو لهيجي ازمات يوكفون ..
ياربي ابد لاتقسى القلوب
وتبقى الحنيه ع طول
خلص العشا اليخبل
وطلعولنا فقره الشاي وسوالفه بالحديقه ..
الجو تحفه .. والكعده ماينشبع منها
ماادري شلون بعد شويه راح نعوفهم .. ونطلع ..😔
ساراتي حبيبي تعالي وصليني للحمام ..😬
اي حبيبي صدك جذب ..
جرتها رؤى بنت عمي (اخت رواد )
كالتلي بشرفج جنتونتي عندي سالفه وياها ..!!
ساره انتبهتلي ولج جنات تستحين من بيت عمتج ..!!
كتلهم خلص اني اروح بلا منيتكم عابتلكم 😜
دخلت للبيت جوه
مشيت خطوه .. رجعت خطوه ..🤧😜
البيت كبير جوه هدوء ويخوف 😳
محد يتبرع يوكفلي يم الباب ..!!
وين الحنيه الحجينا بيها قبل شويه 🙊
وجيت اكتب شعر عنها ..😜
طلعت بسرعه من الحمام
الله لايعوزني عليكم حكيرات ..
داطلع من الممر لكيت رواد واكف وحده 😐
ها رواد محتاج شي
جانت جكارته بيده ومرتبك ..!
كالي : انشالله الازمه عدت ..😞
(انزعجت من كلامه
ليش ديحجي بالموضوع كدامي)
كتله : ياازمه ...وميعجبني اعلق اكثر ..
اخذ نفس جكاره
وصفن .. داخ ..!!
معقوله هاي مطفيه كلشي متدري !!
لسان حاله هيجي يكول ..!!
انفعل كالي عندج علم بالموضوع .. لو لاء
اففففف هذا مصر يحجي 😖
كتله ياموضوع رواد
نترت بيه
ردته بس يحس
ويتركه ..!!
كحلها بالزايد كالي : انتي محتاجه شي 😮
قاطعته كتله كلشي ممحتاجه 😠
كالي : لاتكابرين ..
كتله : مدتشوف نفسك لحيت بالموضوع .. مدتحس ميعجبني اعلق عليه ..!!
اصر ولح عليه كالي : اذا تحتاجين شي طلبيه مني .!!!!!!
مو من اهلج ..!!
كتله : ترى طوختها كلش .. مو لانك ابن عمي تكعد تخربط بالحجي بكيفك كدامي ..!!
فتح عينه كالي : تخربط ..!!!
كتله : حجيك كله خرابيط .. كله حجي زايد بصراحه
اتعجب عليك من شنو تشتكي انت ..!!
كلما تشوفني تستعرض خدماتك
الي مدافهم شنو وراها ..!!
مره تدريسيه ومره ماديه .. ترى عنجد عيب ..
اخر همي خدماتك وكرمك
افهمها عاد
مامحتاجتك بشي
ولاتسألني هذا السؤال بعد
مااقبل ..
بلكوه سكتت
هو صافن عليه يباوعلي مصدوم
عفته وطلعت !!
رحت للحديقه كعدت يم ماما
نغص عليه فرحتي
ياربي ليش صايره الفرحه متلوكلي ..!!
اجيت افرح بمعدلي العالي .. بنفس اليوم انباع بيتنا ..
جيت افرح بكليتي
نفس اليوم سكن عفريت بفرعنا يخرعني بروحاتي وجياتي .. !!
ياربي مين يطلعلولي هالنماذج الاستفزازيه يحركولي اعصابي
عابتلكم كلكم بساعه وحده ..!!
تنهدت .. طلعت العزومه كلها من خشمي
ليش هيجي رواد بيش طالبني كلما تشوفني تحرك اعصابي ..!!
طبعا الاهل والاقرباء
مقبلو ينهون العزومه قبل ال12 صباحا
ياالله خل نرجع
مليت .. دمعتي واكفه بطرف عيني ..!!
الطريق كله افكر انو باجر عندي دوام
واني مادرست ..!!
هم ارجع اسهر الليل
وثاني يوم يغمى عليه بالشوارع ..
واوكع بحضن فلان مدري علان 😠
هذا الحجي ميصير بعد ..!!
اروح انام .. وطز بالدراسه .. وبالدنيا كلها ..
وصلنا للبيت نمت بملابسي
اصبعي ماحركته ..!!
حسيت الساعه تقريبا 3 ونص
ياسلاااااام
جنات عدها دراسه وتنام ..!!
عاد زين نمتلي 3 ساعات
كعدت ادرس لحد ال 7 الصبح
ب 8 رحت لكليتي
ب12 خلصت محاضرات
رجعت اتمشي .. كالعاده ....
يتبع .......
