اشتباه في الحب...بقلم مروة الناغي

الفصل الثالث

  الفصل الثالث 🥉
في المستشفي
الدكتور :الحمد لله الازمه عدت بسلام لولا ان رأفت بيه رياضي
ومحافظ علي جسمه ولياقته كان الموضوع بقي صعب
بس الحمد لله.. عدت بسلام
نحافظ مفيش توتر.. مفيش عصبيه الفتره اللي جايه ويا ريت كله (طاقه ايجابيه). امل في بكره عشان يبقي احسن
وحمد لله علي سلامته.. يا افندم

عزت:الحمد لله يا ماما

حكمت بدون كلام تدخل (جري) لزوجها مع ابنها:حمد لله علي سلامتك يا غالي
كده يا رأفت عايز الناس كلها تعرف انا بحبك قد ايه
مفيش عندك طريقه تانيه تطلع رومانسيتي غير بالطريقه دي تتعب يا قلب حكمت

رأفت (بضحك) :والله انتي اللي محليه حياتي كلها يا حكمت

حكمت (بابتسامه) : طيب خد عندك بقي ارضي المهجورة اللي في البلد دخلت كاردون مباني والمتر
ارتفع من 5 الآلاف جنيه الي 30الالاف جنيه يا حبيبي

رافت(ما شاء الله) :ربنا يبارك لك انتي تستاهلي كل خير

حكمت:ايه دا ايه دا حيلك حيلك دي بتاعتك انت
هتتباع كلها.. جانب الحساب اللي في البنك.. جانب الدهب
ويتحل الموضوع والشركه تقف
فكر كده يا رأفت دا ربنا عرفوه بالعقل
الارض ثمنها يزيد في التوقيت دا ليه
دا خيرك يا حبيبي.... مش دي كانت هديه ميلاد عزت
وهي جات في وقتها
مش صح يا عزت... بابا اغلي من اي شئ

عزت(شارد) :ايوه طبعا طبعا
يا ريت كل الناس زيك يا احن ام واطيب قلب

حكمت (بأسف) علي حال ابنها وصدمته في زوجته:وعسي ان تكرهوا شئ وهو خيرا لكم
صدق الله العظيم

عزت :عندك حق انا هشتغل ومتقلقيش انتي وبابا
هبقي كويس
والحمد لله ان مكنش في اطفال حتي كنت هتعب وهتحمل عشانهم

خرج عزت عشان يحل المشكله بتاعت الشركه والتأمين

رأفت :انتي ملاك 😇 يا حكمت

حكمت : علي ايه.. متكبرش الموضوع دول شويه ورق ملون
ودهب بيبرق ... انما الالماظ قدام عيني اهو
وبين ايديا زوجي حبيبي وابني ضئ عيوني وسندي في الدنيا...... قوم بس انت بالسلامه
وانا عارفه ومتاكده انك ممكن تجيب الدنيا تحت رجليا
رافت :لا يا قلبي الدنيا والسماء والنجوم تاج فوق راسك
يا 🌸 قلبي وملكه حياتي

حكمت:بطل يا راجل بلاش بكش.. كبرت علي الكلام دا

رافت بضحك: فشر... تحبي اقوم.. واوريكي اني بكامل لياقتي  

.................................................................................

وتعدي الايام وكل شئ يرجع احسن من الاول وكل الوسط في الشركات والعيله
مش بيتكلم غير علي حكمت ووقفتها في ظهر رأفت
والناس بين مبسوط ومتمني نفس الحال
وبين حاسد وغيران

نروح ل عزت
اللي حالته بقت صعبه جدا عنده اكتئاب وزعلان علي نفسه
واللي زاد الوضع انه عرف ان ياسمين بعد ما خلصت شهور العده
اتجوزت مليونير شهير وسافرت معاه بره مصر 🇪🇬 خالص

عزت تعب نفسيا وانهار وهرب من كل اصحابه ومبيرجعش
غير اخر الليل عشان محدش يشوفوا
ومانع الخدم واي حد يدخل اوضته

وفجأه قرر يعالج نفسه
لازم يفوق راح من نفسه دكتور نفسي
وحكي له كل اللي وجعه واتكلم وفضفض عشان يرتاح
ويرجع زي الاول

بس مع...... الاسف حكمت عرفت بالصدفه

حكمت :عزت حبيبي قوم عايزاك في موضوع مهم

عزت( بنوم) :خير يا ماما بابا كويس

حكمت :الحمد لله انت اللي مش كويس يا قلب ماما
خبيت عليا ليه يا عزت
هو اوا مش أمك ..... دكتور نفسي يا عزت ليه يا حبببي

عزت (بصدمه) وزعيق : انا مش عيل انا راجل
مين قالك؟
وأول مره يتعصب علي امه

حكمت مصدومه ومزهوله من ود فعل ابنها
كده يا عزت بتزعق في امك

عزت : ما انتي يا ماما بتفتشي في اوضتي من ورايا

حكمت :لا طبعا الموضوع غير كده خالص......

فلاش باك

حكمت :عزت انت يا حبيبي في الحمام..... ومنظر الاوضه زفت
هدوم مرميه ورق
ايه دا ازاي... أم إبراهيم سيبا الوضه كده
وابتديت اوضب الاوضه واروقها

وبالصدفه لقيت علبه الدوا والروشته في درج التسريحه
واتصدمت.... ليه كده يا حبيبي يا قلبي يا ابنى

رجوع للواقع

هو دا اللي حصل وانا أمك ومن حقي اعرف عشان ترتاح ومش ممكن لما تبعد عن كل الناس تبعد عن أمك
مع أمك ترتاح

عزت :انا اسف يا ماما انا بقيت كويس وان شاء الله هتلاقيني قريب جدا واحد تاني

وتعدي الايام وفي يوم غريب كده
عزت كان راجع من الشركه متاخر شويه
وركب عربيته ومشي بسرعه وهو بيفكر في كل حياته
وفجاه عدت عربيه من جانبه احدث موديل

وعزت بزهول معقول (بعصبيه) : ياسمين هي رجعت امتي
وبخفه بدا عزت يطارد العربيه

عزت لنفسه: انا لازم اموتك لازم اخلص الناس من شرك
وبدا يسرع العربيه

البنت بدات تاخد بالها من العربيه اللي بتطاردها
وبدات تخاف
مين المجنون دا
هو انا ناقصه قرف ومعاكسات
يا ربي وبدات تسرع عربيتها
ومن خوفها
اتصلت بسرعه بوالدها : الحقني يا بابا
في عربيه بتطاردني مش عارفه دا مين
انا لحاول ارجع البيت بسرعه انا لسه مخلصه العمليات في المستشفي حالا متقلقش يا بابا انا هتصرف وان شاء الله يلبس في حيطه
وبدات تسوق العربيه بلياقه عاليه وقدرت تفاديه لانها لاحظت ان الشخص دا بيبص لها ب منتهى الشر لحد ما في لحظه
شرد ومخدش باله من الشجره وخبط فيها

ووقع دماغ عزت علي الدركسيون ودماغه نزفت

البنت وقفت بالعربيه واتصلت بالأسعاف
واتصلت بوالدها
وأخذت تليفونه من جانبه واتصلت بأهله
بعد ما وصلت المستشفي تاني وتابعت الحاله
ونظرت بشرار
لهذا الغريب الذي لا تعرفه ويريد قتلها

وعندما وصلت حكمت المستشفي
ابني ... فين ابني
عَملتوا فيه ايه
خرجت.... هاجر مرتديه بالطو الدكتوره ابن حضرتك كان عايز يموتني بعربيته يعرفني منين

وعندما استدارت هاجر لمواجهه الام
الصدمه الجامت الام
وفي نفس واحد : ياسمين... انتي ايه اللي جابك هنا

هاجر : ياسمين مين حضرتك... انا د هاجر شهاب الألفي

انتم مين؟؟؟