اشتباه في الحب...بقلم مروة الناغي

الفصل الثامن

  الفصل الثامن
برجع كده لنفس التوقيت والفتره الزمنيه بس في مصر بيحصل ايه

عزت بدا يتابع بجد عند الدكتور ويلتزم بتعليماته
وكان متجنب اي حديث يجمع بينه وبين عمر في الشركه
شوفوا قلب عزت.. رغم انه مكانش بيحب عمر من تصرفاته
طول دراستهم الا انه لما لجأ له عشان يشتغل
متاخرش عليه بس هو ووالده مش هبل
شغله في الدعاية والتسويق
ممسكوش.. ماليات خالص
خلي يوسف هو اللي في القطاع المالي
ودا طبعا زود كره عمر.. ل يوسف وعزت
المهم.. طبعا بعد مقابله عمر.. ل شهاب الألفي
وصي عمر البواب بفلوس مرضيه انه يقول في حقه كل الكلام الحلو.. وميقولش الحقيقه خالص
وكمان بدا يواضب علي الصلاه في الجامع الكام يوم دول
وهو في البيت عشان اللي هيسال عليه يشوفوا
وعلاقاته وقفها حاليا.. بأي بنت من اللي كان بيتسلي معاهم
عشان الحدوته تكمل.. ويفوز ب هاجر

نرجع ل عزت اللي بدا يفوق لحياته بجد بس فعلا بيفكر
في هاجر.. ضحكتها عدم تكلفها.. رغم انه حاول يقتلها
الا انها مسبتوش في الشارع ودته المستشفي
حبها بل عشقها لوالدها اللي حكت عليه والدته له
كل دا خلي عزت ينسي ياسمين وسنينها ويفكر بس
في الحلم البعيد عنه.. ان ممكن شهاب الالفي أو بنته
يقبلوا بيه بعد ما عرفوا انه اتعرض لأذمه نفسيه
هيتطمن علي بنته معاه.. ولا هيرد الباب في وشه من الأساس
عزت فكر وقرر يفاتح أمه.. وابوه في الموضوع دا
عزت : بابا... ماما انا مش هقعد كده صح

حكمت : صح يا قلبي.. عايز تتجوز؟

عزت : يا جامد انت ياماما فقساني علي طول

حكمت : اللي ربي
تحب اختار لك ولا اقول انت عايز مين؟

رأفت : ايه كلام الالغاز دا.. هو انتو فاكرين انكم اللي بتنجموا
لواحدكم مش عايزه شطاره مفقوس يا ابن رأفت
هههههههههه.. طبعا د هاجر

عزت : هو انا مفضوح قوي كده
حكمت : طبعا .. ب انت متاكد انه حب 😍 ولا انت لسه
شايفها ياسمين

عزت : لا يا ماما دا كان سبب ازمتي
بس انا دلوقت فعلا بتمني نن من كل قلبي انها بس تديني
فرصه اقرب ووالدها هو كمان 🎻 يفهم اني مش ممكن أذى
بنته
رأفت :اتطمن يا حبيبي انا معاك.. واللي متعرفوش اني متاكد ان هاجر من نصيبك
حكمت (بشك) : رأفت يا رومانسي عملت ايه من ورايا

رأفت (مدعي البراءه) : دا انا حتي كيوت خالص يا حبي

حكمت :طالما بابا اتدخل في المرضوع يبقي كده لبست يا حبيب مامي
رأفت : بقي كده انا اللي غلطان
مش لاعب معاكم يلا روح روح علي شغلك يا ولد
بلا لعب عيال.. هههههههههه
عزت :طيب استني بس قولي عملت ايه يا برنس الليالي.
يا قلبي انت.. انت عارف انت الحته الشمال يا رأفت باشا

حكمت (بضحك) ربنا يسعد قلبك يا ابني يا رب

😁😁😁😁😁😁😁😁😁😁😁😁😁😁😁😁نروح ل هاجر
اللي بدات غصب عنها تفكر في عزت دا واللي حصل له من مراته
اللي المفروض تبقي سنده وتقويه في اي محنه
وهو ليه مهتم يبرر موقفه قدامي
لا بقي.. وانا هشغل بالي ليه
انا خليني في شغلي والمرصي بتوعي
وفجاه..... حرام عليك يا شيخ

رامز(اخو هاجر) : انت اتخضيت.. عليا التلاج بالتلاته انت اتخضيت يا صلاح.. هههههههههن

هاجر : وربنا ما انا سيباك وجرت هاجر ورا اخوها الصغير
اللي طول النهار في البيت قط وفار
وجرى علي سلالم البيت
لحد ما وصلوا قدام شهاب اللي قعد يضحك علي تصرفات ولاده
اللي مش بيكبروا ابدا
شهاب : هه يا عروسه في واحده يجيلها عريس تجري كده في البيت
اقول للناس ايه بنتي الدكتوره كي جي ون
هههههههههههههه