اشتباه في الحب...بقلم مروة الناغي

الفصل الرابع

  الفصل الرابع

فصل دسم بالاحداث يا رب يحوز القبول

_حكمت(مزهوله) من الشبه الرهيب بين هاجر وياسمين متفرهمش غير من الصوت والطريقه

هاجر :هو في ايه حضرتك انا علي فكره مش هعدي اللي حصل دا علي خير
اصابه ابنك بسيطه
بس انا هعمل له محضر
والكاميرات علي طول الطريق الدائري
هتجيبوا وهتثبت انه هو اللي كان بيطاردني
وعايز يوقعني من علي الكوبري
ودا يعتبر شروع في القتل
ولولا اني بعرف أسوق كويس كنت زمان اهلي دلوقت بياخدوا عزاءي

حكمت : اهدي يا بنتي .. اهدي انا هفهمك

من بعيد.. تلمح هاجر.. والدها ياتي مسرعا عشان بنته

الأب شهاب:بنتي حبيبتي والله ما هسيبه هدفعوا ثمن انه
كان ممكن ياخذ مني ضئ عيني وقلبي

حكمت شافت الحب الخالص من الاب لبنته

شهاب : انتي والدته مش حرام عليكم انا مش هسكت
انتوا متعرفوش انتم بتلعبوا مع مين
انا شهاب الألفي.. الا أولادي دول خط أحمر
انا هربيكم بس ابنك يفوق

طبعا كل دا كان ضغط علي اعصاب حكمت
اخذت تتنفس ببطء

حكمت (مزعوره) :ارجوكوا.... اسمعوني ارجوكوا

هاجر (بهدوء) : اتفضلي معليش اهدي يا بابا

حكمت(اتنهدت) :سامحيه با بنتي
ابني مريض 🤒 ابني بيمر بأذمه نفسيه

هاجر : وانا مالي

حكمت ( ضحكت) : مالك إيه.. دا انتي فتحتي الجرح
بمنتهي العمق وطلعت صوره فرح عزت وياسمين من شنطتها
ورتها ل هاجر ووالدها : هاجر ايه دا .. دي انتي يا هاجر شوفي كده

هاجر: مش ممكن الشبه دا بس بردوا مش فاهمه
وهو دا يديه الحق انه ينهي حياتي انا

حكمت : لا يا بنتي اصل ياسمين دي خدعته
واخدت فلوسه ومل شئ وطلبت الطلاق
لما كانت شركتنا بتمر بأذمه
وابني كان بيحبها بجنون قوي
ولما شافك افتكرك هي وشكله كان عايز ينتقم منها
ارجوكي سامحيه
وهو اول ما يفوق كده انا هخليه يعتذر ليكي و لوالدك
ويصالحكوا بس والنبي بلاش.. محاضر
عزت.. ابني الوحيد واكيد المحضر دا هيدخلوا السجن لانه غلط.. غلط كبير... بس انتي ان شاء الله قلبك أكبر

هاجر بصت لوالدها : رايك ايه يا بابا

شهاب :ربنا يشفيه انا اب وحاسس بسيادتك
بس دي بنتي وحته مني

ولو سمحت ابنك ميتعرضش لبنتي تاني.... لان المره اللي جايه مش هرحمه

وروحت هاجر مع والدها عشان نبطشيتها خلصت اصلا
وحكمت فضلت جانب ابنها لحد ما يفوق من الخبطه

عزت:هقتلك.. هقتلك يا ياسمين
مش هرحمك يا ياسمين هقتلك.. منك لله دمرتي قلبي

حكمت(😣) علي حال ابني:ياسمين مين فوق يا عزت
فوق يا ابني

عزت:ماما انا فين.. هو ايه اللي حصل انا شوفت ياسمين

حكمت : بلا ياسمين يلا قرف اش جاب.. لجاب
دي يا سيدي د هاجر اللي انت كنت عايز تموتها
هي اللي جابتك هنا بعد ما اتخبطت في الشجره
وطلعت بنت حلال.. هي وابوها
انت كنت هتتحبس لان دا شروع في القتل
حرام عليك نفسك

عزت: د هاجر مين دي ياسمين

حكمت :لا دي شبهها الخالق الناطق .. لا واه بنت شهاب الالفي رجل الاعمال المعروف
والناس طلعوا محترمين وراعوا ظروفك
ومعملوش لك محضر

عزت (اتنفض من علي السرير) :ظروفي انتي قولتي ايه؟

حكمت: قولت الحقيقه.. انك تعبان امال كنت عايز تدخل السجن
ودا كمان شروع في القتل
قولت انك بتتعالج نفسي بعد ازمه ياسمين اللي شبه هاجر
وان دا اللي دفعك تعمل كده.. انك افتكرتها طليقتك

عزت (تنهد بحزن) : خلاص عزت انتهي واصبح الناس
بتشفق وتعطف عليه
حكمت :فشر... انت سيد الناس يا قلبي
بس هي ظروف تعدي وتنقي زي الفل
انا اتصلت لك ب بابا وصاحبك يوسف دا حتي كمان
كان جانبه صاحبك عمر
وكلهم جاين دلوقت

عزت : عمر.. ليه عمر مبرتاحلوش

حكمت: مش ذنبي والله يا حبيبي كان جانب يوسف وعرف انك في المستشفي فصمم يجي يتطمن عليك

ساعه كده ووصل رأفت مع أصحاب عزت

رأفت : حبيبي الف سلامه عليك عامل ايه دلوقتي
عزت :الحمد لله على كل حال جت سليمه

عمر (بخبث) :سلامتك يا وحش.. ايه يلا ما يقع الا الشاطر

يوسف : الملافظ سعد.. الف سلامه عليك يا حبيبي مش تاخد بالك من نفسك وتسوق بالراحه

شويه كده الباب خبط

دخلت د /هاجر وسط ذهول الجميع
رافت و عمر ويوسف .. في نفس واحد : ياسمين

هاجر ضحكه ضحكه مدويه سحرت قلوب الحاضرين
وخطفت قلب عزت ونسي ياسمين.. واللي جابوا ياسمين
وكل دا علي مرا ومسمع من.. عمر الذي ابتسم بخبث

هاجر : هههههه تاني.. ياسمين
انا د هاجر الالفي عامل ايه دلوقت حضرتك

عزت (بانكسار) : انا اسف فعلا اسف يا د هاجر

هاجر (احمر وجهها خجلا) : لا لا حضرتك متتاسفش حصل خير
وخد بالك من نفسك وانت سايق
وانا كتبت لك علي خروج لان الحمد لله اصابتك سطحيه بس هي شويه كدمات من الخبطه وجرح بسيط هتمشي علي المسكن دا عشان هيكون في صداع كام يوم كده
والف سلامه
جت هاحر تخرج
وقفتها حكمت : انتي بنت أصول
وربنا يسلمك من كل شر

هاجر : ميرسي دا واجبي
وكمان دي تربيه والدي ووالدتي (العفو عند المقدره)