ليالي الجحيم

يدخل من باب شقه سكنيه صغيره.. ثلاث شباب من نفس الفئه العمريه تقريبا في اوائل العشرينات ويتفقدوا محتويات الشقه القديمه ومتهالكه .. والاثاث الموجود بها قديم للغايه وشبه محطم .. . الا في بعض القطع المحدده والتي تبدو عليها بعض الحداثه .. والشباب هم سمير شاب نحيف وطويل وله بشه سمراء ويرتدي ملابس عصريه شبابيه .. والثاني شريف وهو شاب ضخم الجثه واقصر من سمير قليلا .. والثالث سلامه الشاب الريفي ذو اللكنه الريفيه الشهيره .. وجسده مفتول العضلات ولونه خمري .. بداء سمير يأخذهم في جوله داخل الشقه الصغيره وتعلو فوق وجهه ابتسامه كبيره ..

سمير : خشوا .. خشو ا .. وسمو اسم الله كده وانتم داخلين .

الجميع : بسم الله الرحمن الرحيم .

سمير يحدث زملائه بسرور شديد .. " اهلا بيكم في فيلتنا المتواضعة ايه رايكم .. "

شريف .. " (بلامبالاة) يعم اي حاجه .. اي خرابه نقعد فيها وخلاص مش هتفرق معايا كثير. "

سلامه يتحدث بلهجه ريفيه وعلي وجهه ملامح العبوث .. " هي دي بقي ياسيدي الشقه اللي وجعت دماغنا بيها .. جايبلي شقه من العصور الوسطي وعايزنا نقعد فيها .. "

سمير .. " ليه ياعم سلامه بقي .. مش عجباك الشقه في ايه .. ؟."

سلامة .. " يابني دي قديمه جده والعفش مسوس .. انا خايف لازعق في مره جامد الحيطه تقوم واقعه . "

يعني شقه 3 اوض وصاله ومطبخ وحمام في الدور الثاني وفي وسط البلد وبمبلغ تافهه في الشهر ومش عجباك .. ده انت طلعت طربش صحيح ثم انت بتتامر علي ايه هو انت دفعت فيها حاجه مش كفاية هتسكن بلوشي من غير ولا مليم .. .. "

سلامه .. " يعني عايزني اسيب البلد واجي اتنازل واتواضع واجي اقعد معاكم هنا وادفع كمان .. مش كفايه هغسلكم هدومكم واطبخلكم وفوق كده كمان هذاكرلكم ياشويه طلبه فاشله . وكمان ادفع فلوس .. "

شريف .. " يعم سمير سيبك منه .. سلامه ده واد جلده مبيطلعش مليم من جيبه .. "

سلامه .. " انا مش جلده ولا بخيل ياعم شريف .. انا بس حريص ومدبر انتم قاعدين هنا في القاهره جنب ابوكم وامكم لكن انا متغرب بره بلدي .. فلازم اكون حريص علي كل قرش .. "

شريف .. " واد ياسمير .. انت لقطت الشقه دي ازاي .. شقه في وسط البلد بالمبلغ الصغير ده .. عملتها ازاي ..؟ "

سمير .. " يابا .. انا شاب خلاصه فضلت ادور وادعبس لحد مالقيت سمسار ابن حنت فضلت وراه لحد مادلني علي الشقه دي واقنع البواب ان يفهم صاحب الشقه ان المبلغ الصغير ده.. بمقامت مبلغ كبير في مصر دلوقتي ..وانه كده ضحك علي الزبون اللي مااجرها .. بس البواب ظرفله 500 جنيه لوحده في الموضوع ده .. "