راحـتي الـنفـسـيه (روايات ليبية )

الــباارت الـرابــع عـشـر

روايـــة
#راحتي_النفسية
"الــبـارت الـرابـع عـشـر"
————————————

ايوب نزل لابس سورية عربيه والبرفان  ريحته قويه
هشام وسند وايمن وقيس ومحمد  وزيكو: اوووو
ايوب: ابتسم
شدت شهد: وقت السيلفي
استعدوا الكل وبدت تصور
خداه زيكو : هاتي انتي قصيره 
وبدت مراسم التصوير انضمت امينه وسعاد وربيعه
مع الضحكه واللعبه والفرحه اللي عاشوها في اول عرس ليهم
.
.
قاطع هـ الضحك صوت عبدالله
عبدالله:هيااا وقت انت وياه امشوا قدامي
ايوب مداير فيديو: وهذا الولد وهو معصب
عبدالله: امشي تحرك

.
.
.

3:00م

شهد:كلميهم شوفي شن صاا ر
ربيعه: مزال
شهد:شن بطيبي اليوم
ربيعه:رز بوك يبي
شهد:اها باه خلي نركب انضم
.
.

جوري: فتحت عيونها: خيرك
شهد: اوقفي ياسرك نوم
جوري: اففف منك
شهد: هيااا
جوري: باه هي

.
.

طلع زيكو من الجامع وبدت مراسم الاحتفال
الشباب شادينه الاول يريش التاني يضرب فيه التالت بهدله الرابع  يلوح فيه بالبيض والخامس  والسادس
كانوا يضحكوا وفرحانين بيه
فجاءه بدت مراسم تسطريب السيارات بقيادة ايوب لانه محترف في القيادة
مع اصوات الاغاني والضحك
كل شخص فيهم يسبق في الثاني
طبعاا رقم 1 كان ايوب معاه زيكو
والتاني محمد ويوسف
اما التالت سند وهشام
والرابع اسماعيل واحمد وامجد
و و و و

وصلوا قدام الحوش ونزل زيكو متبهدل مريش يضحك
امينه: ووك عليا خيرك وليدي
زيكو:داهش يضحك: تزوجت وحضن امه
امينه: روروروروروروروروروروروروري
نزلت شهد وجوري وربيعه
وبدت مراسم الزغاريت والغناء
امينه: العقبه لباقي الولاد ي رب
ربيعه: روروروروري
شهد: الله يهنيكم وحضناته
زيكو: شدها من شعرها :
وبدا الجري والصراخ بينهم
امينه: نحي يدك خوك عريس
شهد: شداته من شعره: لالا 😌
زيكو: شعري ي حماره
عبدالله خش يضحك : هذا العريس هكي
زيكو: كلموها ي بوي
عبدالله: ههههه تستاهل

فجاءه تحول الموضوع لمراسم العواله
فرقة النساء :-
ربيعه امينه سعاد سميره للعواله في العشاء
شهد جوري ساره اية لشغل
وكالعاده ياسمين روحت وهبه فاتحه نت

اما فرقة الرجال
زيكو ركب يدوش وبيغير حوايجه

ايوب ويوسف ومحمد يركبوا في الخيم
اما سند مشى يجيب في المشروب وباقي العواله
العم حميد شغله العالة والشاي
عبدالله مقعمز مع رجاله يهدرزو
اما احمد وايمن وامجد فكانوا واحد يسيق قدام الحوش
وتاني يضم ويساوي
الا قيس فكان مختفي ومش عارفين وين هو ولكن متاكدين ان سبب الاختفاء كارثه ك عادته

.
.

زيكو: شوشو  اكويلي السوريه الاوله توسخت
شهد: من عينيا
زيكو: ابتسم شاف لجوري : ماباركتيلي ي قرده
جوري: سلمت عليه : الف مبروك
زيكو: الله يبارك فيك
جوري: ابتسمت
زيكو: العقبه ليك وغمزلها