راحـتي الـنفـسـيه (روايات ليبية )

الــبــارت الــتــالــت والــعــشــرون

روايــة
#راحــتــي_الــنـفـسـيــة
"الــبــارت الـتالـت والــعـشــرون "
—————

مــؤلـم عندمــا يــكــون حــصـاد الــصــبــر
أشــواك 💔
سميره في غرفتها تسمع في اصواتهم
اصوات الهدرزه ، الضحك
مسحت دموعها وهيي تدعي لربي يصبرها 💔

.
.
محمد : طابت
قيس :مد لسانه : قريب مت
شهد : هههههه شن صار ي شيف
محمد: ابتسم : طابت
شهد: هيييي واخيراا 
محمد : هي تعالي وتي الصواني
شهد وجوري دارو كل شي
محمد: ايوب مشيت ليوسف
ايوب: اي مايبوش مرافق معاه وحالته كويسه
جوري شافت لشهد وضحكت
شهد :😒
جوري رن نقالها ردت
الو
محمد شافلها
جوري: شن حالك توا
يوسف: الحمدلله
جوري: كويس الحمدلله علاش قاعد فايق
يوسف: مش جايني نوم وين انتي
جوري: في حوش عمي عبدالله
يوسف: اهاا
محمد: بهدوء: مني
جوري: ماردت ع محمد وكملت المكالمه : خلاص نهدرزو غدوه ولا ت نجيك انا
يوسف:امي في حوش بروحها وله
جوري: اي
يوسف: روحي توا وت نكلم محمد ايسايرك
جوري: لا بنقعد
يوسف: جوري هي كلمة روحي جنب امك هيي تصبحي ع خير
جوري: وانت من اهلو

.
.
محمد يشوفلها وعيونه يفنصوا
اما ايوب : مني
جوري: هذا يوسف
ايوب : اهااا
جوري: اي انا بنروح
رن نقال محمد
محمد: ايوا ي صاحب
يوسف: شن الجو ي برو
محمد: الحمدلله ع سلامتك
يوسف: الله ايسلمك
محمد: وين تدلع راقد غادي
يوسف: هههه ايي الجرح ي كلب
محمد: تيي شن الامور
يوسف: كويس قتلك اسمع
محمد: نعم
يوسف: روح ب جوري ماتخليها تطلع بروحها
محمد: عيب ي راجل اختك اختي
جوري :بداخلها " اختك 😶😏"
يوسف: منوور ي بروو خلاص نتلاقو غدوه
محمد: تمم تصبح ع خير
يوسف:سلام
.
.
اماا شهد فكانت منتبهاا للمكالمةة 😍
قيس شافلها وضربها
شهد: ايييي
قيس: خيرك سارحه
شهد: نستنى في حضرتكم امته تاكلوا
محمد: خلاص هيي ناكل ونروح بيك ونزل عيونه
قعمزوا الكل ياكلوا
كانت صونيه "خشب ، قصعه ، لوح كبيره ، مش عارفه شن تقولولها "
قعمزوا : شهد ، جوري ، ..... فاضي
بعدها ايوب ، قيس ،
اما سند فكان في مطبخ ومحمد يغسل في ايديه ،،،
في نفس التوقيت طلع محمد وسند ،
محمد شاف سند ماشي جيهةة الفراغ اللي بين ايوب وجوري فسبق سند وقعمز 😌
سند حس بالموضوع بس في داخله ابتسم
ومشى جنب قيس ....

بعد كملوا العشاء ع ضحكة ولعبة
جوري : هيي انضموا الماعين ع السريع
شهد : لالا بري روحي انتي وغمزتلها
جوري : فهمت قصد شهد ابتسمت في داخلها ☺️
شهد : هي ايوب برا وصلها 😇
جوري :😵😵
محمد : انا بنوصلها هيي البسي عبايتك
جوري شافت لشهد :🤗🤗