سأحطم كبرياءك

الفصل الثاني عشر

شكري: انت اتجننت يا أدهم ازاي يحصل كل دا ومتقوليش
أدهم: يا جدو والله ملحقتش انا كنت قلقان عليها مكانش ف دماغي حتي اني اتصل بالشرطة ف ساعتها واصلاً انا هجيبها واجي
شكري: وهي عاملة ايه دلوقتي(ومين هوّن عليها الوقت😂)
أدهم: الحمد لله يا جدو هي كويسة متقلقش عليها خودها اهي كلمها
شهد: ايوة يا جدو متقلقش والله انا كويسة
شكري: الحمد لله يا حبيبتي خودي امك لاحسن هتتجنن عليكي
شادية بعياط: شهد بنتي مالك يا حبيبتي ايه الي حصلك
شهد: متقلقيش يا ماما انا زي القردة اهو
شادية: يعني كويسة مفيش حاجة بتوجعك
شهد: لا يا ماما انا جايالك اهو وهتشوفي اني كويسة
شادية: ماشي يا حبيبتي تيجي بالسلامة
أدهم بعد ان اغلقت شهد الخط: ايه يلا بقي ولا ايه
شهد: اه اه يلا
ساعدها ادهم في النزول من علي السرير ولكنها تألمت اثناء نزولها شهد: آاااه
أدهم بخضة: ايه في ايه مالك
شهد: مش عارفة يا ادهم الجرح واجعني اوي
أدهم: هو الدكتور قال كدا انه هيوجعك بس يا حبيبتي عشان جرح
شهد: اها طب يلا ولكنها تألمت ثانية ولم تستطيع الوقوف: مش قادرة يا ادهم
أدهم وهو يحملها: خلاص المشكلة اتحلت
شهد بخضة: يخربيتك بتعمل ايه يا مجنون
أدهم: مش هشوفك بتتوجعي واقف اتفرج عليكي كدا
شهد: الناس هتقول علينا ايه نزلني يا ادهم وانا همشي
أدهم: محدش ليه عندنا حاجة وبعدين خلاص الي حصل حصل
سار بها ادهم وخرجا من الغرفة ولكن جميع الاعين تعلقت بهما منهم من ينظر بحرج وآخرين ينظروا بغيرة من شهد..خرج ادهم من المستشفي ووضع شهد بالسيارة وركب عند كرسي السواق
شهد: طب أدهم حاجتنا الي ف الاوتيل
أدهم: متقلقيش في ناس هتجبهالنا
شهد: طب والقضية يا ادهم
أدهم: متقلقيش انا هتابعها..نامي انتِ شوية ارتاحي
شهد: ومين هيسليك في الطريق
أدهم: قصدك مين هيقرفني في الطريق
شهد بغيظ: بقي كدا يا ادهم قصدك ان انا قرفاك صح قصدك تقول كدا
أدهم بإبتسامة: انا لا ابداً مش قصدي كدا ولا حاجة
شهد بحنق: باااارد
بعد فترة طويلة وصلا الي قصر الجد شكري
أدهم: استني متنزليش
شهد: في ايه
نزل ادهم من السيارة ثم توجه الي شهد وانزلها ثم حملها
شهد: يلهوووي طب هيقولوا علينا ايه دلوقتي
أدهم: دول هيزغرطوا من الفرحة
دخل ادهم وجد شكري وصابر وشادية يجلسون مع بعضهم تفاجئوا من منظر ادهم وهو يحمل شهد ولكنهم ابتسموا فور رؤيتهم لهما هكذا...وضع ادهم شهد علي الكرسي
شادية: حبيبتي انتِ كويسة فيكي حاجة
شهد: متقلقيش يا ماما منا قدامك اهو
احتضنتها شادية: قلقتيني اوي عليكي
شكري: مين يا ادهم عمل كدا
أدهم: لسه يا جدو الشرطة بتحقق بس انا شاكك ف حد
شكري: مين؟!
أدهم: هشام النجار
شكري بصدمة: مين!!!!
أدهم: هشام النجار..انت تعرفو ولا ايه
شكري: دا شيطان ماشي ع الارض
أدهم: فهمني يا جدو
شكري: مش وقته انا الي هروح اتابع القضية دي
أدهم: طب يا جدو هاجي معاك
شكري: لا لازم تفضل مع شهد وتحميها ومفيش شغل دلوقتي انت فاهم يا ادهم انا هعتمد عليك
أدهم: جدو انت كدا قلقتني زيادة
صابر: طب بابا انا الي هاجي معاك مينفعش برضو تروح لوحدك
شكري: طيب ماشي هنسافر بكرة ان شاء الله
شهد: جدو هو يعرفك او في بينكوا عداوة
شكري: مش وقته دلوقتي خالص المهم يا ادهم خلي بالك من شهد كويس
أدهم: متقلقش يا جدو شهد ف عيني..احم احم انا عارف ان الوقت مش مناسب بس انا عايز احدد معاد الفرح
صدمت شهد من هذه المفاجأة وصدم شكري ايضاً
شكري بإبتسامة وفرحة كبيرة: طبعا نخلص بس م الي احنا فيه والفرح هيبقي بعدها علطول
ادهم: طب جدو ايه رأيك نعمل كتب الكتاب اليومين دول وبعدين الفرح
شكري: فكرة كويسة اوي خلاص كتب الكتاب يوم الخميس الجاي
شهد: جدو!! النهاردة التلات مش هنلحق وبعدين انت ناسي الي انا فيه
شكري: دا كتب كتاب يعني مفيش حاجة وبعدين كدا هبقي متطمن اكتر..خلاص نأجل السفر لبعد كتب الكتاب
أدهم: تمام يا جدو انا هطلّع شهد اكيد عايزة ترتاح
وقبل ان تنطق شهد وتعبر عن اعتراضها حملها ادهم وصعد بها الي الغرفة..دخل بها ووضعها علي السرير
شهد: ايه الي انت هببته دا
أدهم ببراءة مصطنعة: انا عملت حاجة!!
شهد: لا طبعاً امي الي عملت
أدهم وهو يقترب منها الي حد كبير: انتِ ايه مشكلتك يعني
شهد: هااا
أدهم بعد ان التصق بها: بقولك ايه مشكلتك!!
شهد: ابعد كدا لاحسن هصوت
أدهم بعد ان اعطاها قبلة علي شفتيها: الموضوع بيتكرر تاني
شهد بحرج: انت قليل الادب وانا مش هتجوزك
ادهم اعطاها قبلة عنيفة: ابقي قولي كدا تاني بقي
شهد: ابعد بقي
ادهم: ولو مبعدتش
شهد: عاااااا الحقوناااااي
أدهم وهو يكمم فمها: يابنت المجانين خلاص انا نازل اصلاً
شهد وهي تضربه بالمخده: احسن يلا...مجنون
مر اليومين سريعاً وجاء يوم كتب الكتاب وتم عمل حفلة ليست بسيطة كثيراً ولكنها تحتوي علي الاقارب فقط

شهد: كدا يا ندلة يعني تتخطبي انتِ وياسين ومحدش يعرف حاجة
دينا: نعم يختي يعني انتِ الي حد كان عارف عنك حاجة دا احنا لينا قاعدة بس اصبري

--في مكان اخر—

أدهم: تصدق ياض انتَ حيوان يعني حتي مقولتش
ياسين: يعم دا انا ما صدقت وافقت وبعدين م انت هتجوز اهو وانا اخر من يعلم
أدهم: هي جات مرة واحدة اصلاً
ياسين بإستهزاء: ااه وبتكره الستات ومبتطيقهومش وبتكره شهد ومش عارف ايه
ادهم: اسكت بقي يخربيت برودك وانتَ عامل زي خالتي اللتاتة كدا
ياسين: سكتّ اهو
انتهي ادهم وارتدي حلة سوداء وكرافت بينك وذهب الي شهد التي كانت ترتدي فستان بينك شيفون طويل مفتوح من اول فخذيها وضيق من الصدر حتي الخصر عاري الكتفين وتركت لشعرها العنان
بدأ كتب الكتاب وانتهي ب بارك الله لكما وبارك عليكما وچمع بينكما في خير..💜
_________
#روايتي
رأيكم🖤🌸