سأحطم كبرياءك

الفصل الرابع

*في شركة الحريري*

دينا: شهد بصي اعتقد ان المكان دا هيبقي مناسب للكومباوند
شهد: لالا بصي دا مكانه احلي
دينا: بس انا سمعت ان ادهم الصاوي كان عايز المكان دا
شهد: طب وايه يعني اسبق انا واخده
دينا: بس انت كدا هتعملي عداوة اكتر ما هي موجودة
شهد: ليه بس دي مجرد تسلية وبعدين الشغل شغل
قامت شهد بالعديد من الاتصالات وقابلت مالك الارض واشترتها واصبحت الارض ملكها
شهد بخبث: عشان تعرف بس يا ادهم انت بتلعب مع مين

*في شركة الصاوي*

أدهم بزعيق: يعني ايه الكلام دا مش احنا الي كنا هناخد الارض دي
ياسين: ايوة يا ادهم بس هي راحت الاول لمالك الارض دي واشترتها منه
أدهم بغيظ: انا هعرف شغلي معاها هي فاكرة نفسها ايه دي

*في شركة الحريري*

دينا: شهد ادهم الصاوي برا وعايز يقابلك
شهد: دخليه انا اصلا كنت مستنياه..
دخل ادهم وجلس من دون ان يحادثها بكلمة ووضع رجل فوق الاخري
أدهم: ايه يا شاطرة انت مش عارفة انت بتلعبي مع مين
شهد بغرور: اعتقد ان انت مش عارف كويس انت بتكلم مين انا صاحبة اكبر شركة بناء في البلد
أدهم ببرود: وانا شركتي برضو مش قليلة في البلد دي وبعدين حتة بت مفعوصة زيك مش هي الي تقف قدامي
شهد: البت المفعوصة دي هتعرفك هتعمل ايه ويلا بقي عشان انا عندي شغل كتير ومش فضيالك
أدهم بغيظ: معرفش انتوا الستات عاملين كدا ازاي بجد صنف غريب بس برضو انا هعرفك مين ادهم الصاوي يا شاطرة
بعد ان ذهب ادهم جلست تفكر ماذا ستفعل في ذلك الوغد اللعين

*في مكان اخر في ايطاليا*

شكري: انا مش عارف العيال دي هتفضل لحد امتي اعداء كدا
الحارس: حضرتك عارف يا فندم ان هما ميعرفوش بعض
شكري: والله حتي لو عرفوا انا عارف العيال دي من وهي صغيرة واحد مغرور وعنيد والتانية كبريائها وكرامتها عندها اهم حاجة بس معرفش ازاي معرفوش بعض بعد الي كان بينهم دا
الحارس: طب وحضرتك هتعمل ايه يا فندم
شكري: لازم انزل مصر احجزلي اول طيارة
الحارس: حاضر يا فندم

(شكري هو رجل بالثامنة والستين من عمره رجل يتميز بالاخلاق الحميدة والكرم والذكاء غطي رأسه الشيب ولكنه لازال يتيمز بعينيه الرمادية)

*في بيت ادهم*

دخل ادهم وهو في قمة غضبه رأه والده فنادي عليه
صابر: ادهم ادهم

(صابر هو والد ادهم يحب ابنه كثيرا ويسانده في الخمسين من عمره)

انتبه له ادهم فذهب اليه وقبل يده
ادهم: ايوة يا بابا كنت عايزني في حاجة
صابر: مالك داخل متنرفز ليه
ادهم: البت دي يا بابا الي قولتلك عليها قبل كدا شهد الحريري
صابر: اه اه مالها
أدهم: علطول واقفالي في طريقي زي العقدة في المنشار مش عارف اشوف شغلي منها
صابر: يبني دي مهما كان في الاخر بنت يعني تيجي بالكلمة الكويسة والمعاملة الحلوة
أدهم: لالا مش دي يا بابا وبعدين انت عارف انا بكره الستات ازاي
صابر: طب يلا يلا الكلام معاك ملوش فايدة قوم عشان عايز اخلص حاجات
أدهم: ماشي يا بابا عن اذنك
صابر بعد ان غادر ادهم: وبعدهالك يا ادهم

*في بيت شهد*

دخلت شهد الي البيت وذهبت الي امها
شهد: ايه يا ست الكل عاملة ايه
شادية: انا بخير طول ما انت كويسة
شهد: الحمد لله يا حبيبتي
شادية: يلا يا حبيبتي اطلعي غيري كدا وانزلي عشان تاكلي
شهد: مش قادرة يا ماما هموت وانام وكمان انا كلت في الشغل
شادية: طيب يا حبيبتي اطلعي ارتاحي
__ذهبت شهد الي غرفتها ثم اخذت حماما دافئا لكي يريح عضلاتها واستلقت علي السرير واخذت تفكر في هذا الوغد اللعين كيف لها ان تتصرف معه ثم غلبها النوم..بعد مدة افاقت علي صوت امها تحثها كي تستفيق__
شادية: شهد شهد قومي
شهد: ايه يا ماما في حاجة ولا ايه
شادية: يا حبيبتي جدك اتصل وهو دلوقتي في مصر وعايزك تروحيله القصر بتاعه
شهد: جدو هنا!!
شادية: يلا يا شهد قومي
شهد: طيب طيب هقوم اهو
__قامت شهد اغتسلت ثم ارتدت فستان يصل الي ركبتها منفوش قليلاً ابيض تغطيه الورود الحمراء ووضعت شعرها علي احد كتفيها ثم ارتدت حذاء بكعب احمر وهبطت واخذت سيارتها وانطلقت بها الي قصر جدها

*في نفس الوقت*

كان ادهم جالسا في غرفته وامامه اللاب توب الخاص به الي ان دخل عليه ابوه
صابر: ادهم قوم يلا جدك اتصل بيا وبيقولي انه جه مصر وانه عايزك تروحله القصر بتاعه دلوقتي
أدهم: جدو هنا!!
صابر: ايوه يلا قوم البس
أدهم: طب وانت مش هتيجي ولا ايه
صابر: لا هو طلبك انت بس
أدهم: طيب قايم اهو
قام ادهم وارتدي ملابسه المكونة من بنطلون جينز علي قميص اسود يبرز عضلاته ثم هبط وانطلق بسيارته الي قصر الجد

*في قصر الجد*

وصل كلاً من ادهم وشهد في نفس الوقت نزلا من سيارتهما
شهد: انت ايه الي جابك هنا
أدهم: انا الي المفروض اسأل السؤال دا
قطع حديثهما الحارس قائلا: الباشا في انتظاركوا ياريت تتفضلوا
دخلا كلا منهما وهما في حالة من الاندهاش
شهد عندما رأت الجد: جدو ثم ذهبت اليه مسرعة وهي تحتضنه
أدهم يقف مندهشا وهو يقول لنفسه: جدو!! جدو ازاي يعني
رأه الجد مندهشا فقال: ادهم ايه مالك مش هتيجي تسلم علي جدك ولا ايه
ذهب اليه ادهم وقام باحتضانه وهو يقول: والله ليك وحشة يا جدو
شهد لنفسها: جدو!! جدو ازاي يعني
بعد انتهاء جو الترحيب قالت شهد وادهم في نفس الوقت الي شكري وهم يشيرا الي بعضهما: جدو!! جدو ازاي يعني
فضحك شكري علي منظرهما وهو يقول: اهدوا بس وانا هفهمكوا
شكري: انتوا طبعا متعرفوش انكوا ولاد عم
ادهم وشهد: نعمممم!!
_______
#روايتي
رأيكم🖤🌺
#بيبو