جندي اوصوبتني بنيه

9

#جندي_اوصوبتني_ابنيه

#بقلمي_دمعه_الم

#البارت_التاسع

ابشع شعور من ينشغل بالك على شخص تحبه اوماتگدر تعرف اخباره اولاعندك طريقه تتواصل وياه يبقه گلبك مشغول منهار كل دگه منه تحسه عمر وسنين من الأنتضار ياخذنك
مثل موج البحر يشيلك ويرجع يشمرك للگاع الم النتضار مزعج اكثر من ماتتصورون الدقايق تنعد سنين تبقه رايح راد ماتعرف شنو تسوي تريد شي اوماتعرف الطريقه الي تخليك تحصل عليه تبقه مهزوم لحدما يقرر القدر يرحمك اويرئف عليك ويخلقلك فرصه تريح گلبك او بالك

سامال..... سمر شبيك من الصبح لهسه ماتعبت من الوگفه الشمس راح تمرضك والله تعال تحت السقيفه على الأقل

سمر..... مشغول بالي عليهة خايف صار وياهة شي سامال مشفته الصبح شلون وجهة اصفر او مبين عليهة مريضه ماگدر اذا مااطمئن عنهة

سامال..... اي اعرف والله انشاءالله تكون بخير. زين ليش ماتتصل على صديقك اوشوفه ليش اتأخر اكيد اذا اكو شي يگلك

سمر...... شكله خوما اگله ليش اتأخرتو

سامال..... لا گله بعد يومين انزل اذا عدگ مكان ارجع وياك احسن ما ابقه للمغرب اوهيج تعرف اذا صاير شي اولا

سمر.....  والله بلياك ماعرف شسوي

سامال....  لايهمك واجبي هذا ضلعي يالله اتصل اواني رايح المكاني

سمر..... اوك تسلملي. اخذت تلفوني  وتصلت عليه حجيت وياه ب الگوه خايف يگلي صار وياهم شي گلي اي اكو مكان اوگلي هوه هسه يمر عليه بعده مطالع منتضرين بقيه الطلاب

الحمدالله اطمئن گلبي عليهم بس محتاج شوفته يالله ارتاح سديت خط ابتسمت السامال انو ماّكـوًشــ͝๛ــٍ͝يِّ࿈﴾ؐؓ الحمدالله رحت غسلت وجهي اوجبت بطل مي بارد شربت منه بقيت منتضرهم

وره نص ساعه شفت السياره اجت طلبت من سامال يحاول يأخرهم اتمنه اگدر احجي وياهة وطمئن عنهة وصلو سلمت على صديقي او عيني عليهة حت شكلهة تعبانه موذيج النشيطه شويه ونفتح باب السياره نزلت هيه او صديقته گلتلي صديقته اريد بطل مي اذا اكو اريد اغسل وجهة انطيته الي بيدي نزل صديقي اواجه سامال بقه يحجي وياه شويه لهاه كتلهم تعالو اگعدو هنا خل ترتاح شويه احسن من خنگه السياره هيه طلبت من صديقته تجيبلهة علاجهة من الجنطه مالته راحت صديقتهة اواني بقيت واگف يمه اتمنيت اگللهة احبج او خايف عليج بس ماگدر كتله شنو صرتي هسه اجيبلج مي بارد غير هذا اريد اسمع صوته جاوبتني بتعب شكرا رحم الله والديك بحته صوته اجنن بقيت اعاين عليهة رفعت راسهة صارن عيوني بعيونه مبين عليه الخوف احسهة حست بهل شي  دنگت راسهة او اجت صديقته جابت  جنطته ونطتهة حبوب ثنين ماعرف شنو رحت جبلتهم بطل ثاني غسلت وجهة خلت صديقته اشرطه الحبوب ع المسطبه الي نگعد عليه او گعدت يمهة سئلته شلون صرتي ردت عليه الحمدالله خل نرجع عيب اخرناهم خطيه والجو حار اشكرآ مني او بسرعه صديقته خلت الكتاب اوكم ورقه اوشرطه الحبوب الجنطه او راحن احسهة اخذت روحي وياهة مشو اورجعت للمكاني الي گعدت بيه لگيت بطاقه واگعه ايجوز وگعت بدون متنتبه عليهة صديقته فتحته بيهة صورته او اسمهة اسمهة ورده  اجت ابالي صديقتي ورده نفس الاسماء😞😞 والله مفتقدهة اومشتاقلهة لو موجوده جان حجيتلهة عن حالتي اكيد حتساعدني