#جندي_اوصوبتني_ابنيه
#الـجـزء_الـثـانـي
#بقلمي_دمعه_الم
#البارت_الخامس. 5
#الغيرك 😔
مو قسمتك ✋
هيج كالولي وبجيت 😢
#💔
ورده...... راحوو خوالي او اجتني امي تاخذرئيي او مدري ليش متوقعه تحصل موافقتي اواني رفضت او هيه نهالت عليه ب الرزايل وتهدد بيه بموضوع الدراسه اذا ماقبل متخليني اكمل او امتحن ضلينه نصايح او تعاركنه تريدني اوافق متريد اخوهة يزعل منهة لان اذا موافقت راح يزعل اكيد
اختنكت هوووايه خليتهة او رحت للحديقه گعدت بس شنو روحي بطرف خشمي الي يحجي وياي كلمه يبتلي على عمره احتاجيت سمر هووايه متت على شوفته ردته ياخذني لحضنه ويگلي انتي بس الي محد يخذج غيري
اخذت تلفوني او صعدت للسطح اتصلت بيه او بدت دمعات عيوني تنزل مثل المطر لو سمعت صووته ماعرف شراح يصير بيه بده يدگ التلفون منتضره يفتح خط
سمر.... قبل المغرب بساعه لازم واجب او دگ تلفوني لنهة ورده حبيبتي استغربت هاي اول مره تتصل هيج وقت اشرت السامال ياخذ مكاني او فعلآ بستغراب اجه سئلني شكووو صاير شي كتله ماعرف بعدين احجيلك اورحت
سمر.... فتحت خط الوووووو
ورده..... سمعت صوته لو اختنگت فدمره بدت اشهگ ب البجي اريد احجي كلمه ماگدر
سمر.... فتحت خط اصيح الوووو مترد اسمع بس شهگات بجي او متحجي متت خووف عليه خاف صاير شي وياهة متقبل ترد عليه
حبيبي شبيج ردي عليه بس گولي الووو خل اسمع صوتج وطمئن انتي مبيج شي ورده ردي عليه ورده مواحجي وياج جاي تخوفيني عليج او ماااكو مترد😲😲😲
ورده..... اختنگت فدمرره لزمتني الگحه او شهگه البجي وره نص ساعه يالله گدرت ارد عليه
سمر
سمر..... يبعد رووح اوگلب سمر شبيج تبجين احجي والله موتيني خووف ردي عليه
ورده.......بقيت ساكته ماردت اخوفه اوبس اگله على سالفه خوالي خايفه يلومني لان گلي اجي اخطبج مقبلت
سمر..... ورده يعمري ردي عليه شبيج تردين تموتيني خووف عليج
ورده..... مشتاقتلك مابيه. شي
سمر..... هل بچي كله لان مشتاقتلي لا صاير بعد شي يالله احجيلي
ورده..... تعاركنه اني او امي او گلتلي مااخليج تكملين دراسه
سمر...... بس لاتبجين اوخل افتهم منج ليش هيج حجت وياج شنو السبب
ورده..... ماعرف شبيهة شو فجئه هيج گلتلي
