#جندي_اوصوبتني_ابنيه
#الـجـزء_الـثـانـي
#بقلمي_دمعه_الم
#البارت_الثامن. 8
هزار...... الي عرفته بابه او سمر همين موافقين صاحولي حت ياخذون رئيي اجه سمر دخلني غرفته
سمر..... هزار حبيبتي راح يجي سامال احجو شويه اذا شفتي نفسج ماعدج مانع وافقي واذا تردين تفكرين همين انطينه رئيج اوك
هزار..... اوك
سامال..... ماعرف شلون راح احجي وياهة او هيه هسه ماخذه عني نضره كلش موووحلووه او متخيلتني انسان ماعدي اخلاق اووووف ساعدني ياربي غلطت او منك الصلح😢😢
سمر.... تعال سامال استريح هنا يالله اني اتركم تحجون شويه ورجع
سامال.... تسلم حبيبي
هزار.... اجه سامال بقيت گاعده ابمكاني اولا حجيت شي اصلن ميحتاج اگول شي هوه يعرف قراري شنوو
سامال..... بقينه ساكتين ماعرف شحجي او ششرح الهة
اخر شي قطعت السكوت الي احسه يخنكني ليالي تخيلت هل يوم بس مجنت اضنه راح يجي بهل شكل😞
هزار اسف الي صار والله موبيدي والله من اول يوم شفتج حبيتج او بلش گلبي يتحكم بيه حت من اتصلت جنت بس اريد اسمع صوتج ماردت اكثر من هل شي احجي شي هزار
هزار.... بقيت ساكته مرديت عليه
سامال.... هزار ماعرف شلون اخليج تقتنعين اني شخص مو سيئ مثل ماانتي هسه مفكره او ماخذه عني صوره هزار لاتضلمين گلبي الي حبج ارجع اگلك والله موقصدي شي او اني اريدج الي او مستحيل اقبل تصيرين الغيري اذا تحبين انتضرج اشگد متگليلي بس اتراجعي عن قرارج فكري بكلامي تره هذا كله حجيته لان حبيتج اواريدج
هزار..... اعتذر منك او مثل مكتلك البارحه اني مموافقه اترخص منك هسه
سامال..... شفتهة مصره على كلامهة وترخصت لزمتهة من ايده هزار اوكفي محلفج ب العباس. تفكرين بكلامي لاتستعجلين وتضلميني
هزار..... اترك ايدي منو سمحلك تلزمهة او ميحتاج تحلفني من رخصتك فتحت الباب او طلعت تلگاني سمر جاي اتجاهنة ابتسمت بوجهة مردته يحس على شي او رحت للمطبخ
سامال..... اووووف ياربي ساعدني ماريد اخسرهة او ماعرف شلون اخليهة تصدگني
اجه سمر او رجعنه للستقبال بقينه نحجي عن الشغل والدوام
هزار..... رحت بلشت اسوي غده لان حيتغدون يمنه اجت امي سئلتني عن رئيي او مجاوبتهة شي استمريت احضر او رحت خبزت
رجعت صبينه غده او تغدوو يمنه يبقو للعصر اتعاملت وي اهله على گد مااگدر بشكل طبيعي لان مالهم ذنب بشي صار العصر او راحوو لهلهم او گلولهم اهلي يومين وردلكم خبر
