#قصص_قصيره
#هلاهل_زفتج_بكلبي_صارن_طلق💔💔
بارت1القصه الاولى
اسراء محمد
🌹:
لزززمت كامرتي ودنكت عدلت كعدتي
صحتلهم واحد ثنين تلاثه
ابتسموووو .
اخذت صوور
لشاب عريس فرحان
وداير ميدوره اصدقائه
كلما اخذ صور لعريس
اتمنى اعيش هيج لحضه
ويه انسانه احبها
كملت كوولشي
اجاني ولد
شلونك عمي
هلا
اريدك اتصور النا عرس وحنه
كاالو عليك خوش مصور
اي بلخدمه
سجلت رقمه واخذت
عنوانه..
كم يوم ودزو عليه
دخلت لحفلتهم وتغيرت حياتي
من لحضت دخولي
دخلت لمتاهه جنت فرحان
وماجنت اعرف نهايتي وخيمه
دخلت سلمت
مجموعه من بناتهم وولدهم
كاعدين وكالو صورنا
كم صوره اخذت
ام العروس كالت
وين قمر
وين بنيتي
قمرر اجتي بنووته
لابسه كعب عالي
وثوب قصير وحلوه
مرتبه ونازكه
عدها خدود وبيضه ناصعه
ومعانيها مخمليه
ضليت فاتح عيوني
لا اني مجاي اشوف بشر علكاع
جاي اشوف كمر
اجت تتمشى
كعدت يمهم
اني لتبكت ماعرف اخذ الصوره
مدري شسوت بيه
شويه..اخذت الصوره
وصيت علمي
لان ريجي نشف
محد جاب كلها مخبوصه
اني واكف بلباب
اجت نفس البنيه
بيدها كارتونه كيك
كتلها صاار ساعه
طااب كلاص مي
كل هذا الخير ماتضيفون الضيف
هااا اسفه هسه دقايق
واجيبلك
طبت جوا
شويه ورجعت
جابت كلاص مي
نطته الي يدها ترجف
ايدها صغار بيض
وخرت كذلتها من شعرها
يبوووو يبووو
هاي صدك قمر مو بنيه
بعد مااتحمل
كتلها اسمج قمر
هي نشدهت
العفوو
كتلها اسم على مسمى
دخلت جوا بدون ولا كلمه
ضحكت اني خليت الكلاص
علكراسي
البنيه شكلها مفصل تفصال
كل واحد شافها يتخبل عليها
شعرها طويل لونه مو اسود
لونه علصفار
بس بيضه وبياضها عجبني
اكثر شي
ماريد اروح يربي
اجه الولد اتحاسبنا
وكال باجر للحفله هم تجي
كتله تدلل ورده
طلعت بس كلبي
وعقلي هناك
دخلت البيت
سبحت بدلت
ونمت تعبان
بس فكرت بيها
هوواي
شلون الله خالقها قمر اسمها قمر
ثاني يووم
طلعت من الصبح للمحل
فتحته وانتضر رزقي
رشيت باب المحل
شفت سياره فجاه طبكت
كيا سبورتج بيضه
نزلو منها ثنين بنات
الاولى مشفتها مبوشه
الثانيه جانت نفسهااا
اني كضيت باب المحل بيدي
شجابها هاي هنانه
يمكن كلبي هههههن
شفتها دخلت للصالون
ضليت اروح وارجع
الا اوصلها ههههه
لازم ارقمها مابيها مجال
دخلت كلبي
دقايق صاحتني ام نور
ام نور ام الصالون
مدت راسها
كالت تعال حبيبي زيودي
تعال شوف النا جهاز الكهرباء
اووف ههوف مدايشتغل
كتلها لاشيلين هم
هسه بلخدمه حاضرين
كالت انته تكيف اتدور رزق بلكت هههه
كتلها دوخري
فتت جوا شفتها كاعده
يبووو يبوو ملاك ملاك وكاعد
جانت تاكل
من شافتني
كامت بس كلساع شيل عيونها
وتنزلهن يصيرن بعيووني
واني احس نار كلبي تشعل
كلما حجت وشفافها تتحرك
احسها ترفه ترفه حيل
الى درجه
ام تبارك وكفت يمي
والله ياخاله زيد عطب الجهاز
كتلها كلبي عطب
ضحكت شبيك خاله
كتلها خاله منايم ليلي من وراج والله
قمر تباوع وتبتسم
كالت يا سمالله عززا ليش ولك
كتلها شسوي
كاعد افكر بيج تصيرين ام جهالي
يااا عزا يلمعزا بكد امك اني مخبل
زلمتي وين اودي
ضحكت
هيه كالت زاحف اطلع يله
ذني البنات امانه
ضحكت حاولت وياها مقبلت
طلعت
اريد احاجيها شلون..للحكايه بقيه
طبيعي البارت قصير القصة قصيرة
أنت تقرأ
هلاهل زفتج بكلبي صارن طلق
Conto#قصص_قصيره? #هلاهل_زفتج_بكلبي_صارن_طلق?? للكاتبه اسراء محمد ................................................... بين تلك الدروب والمتاهات اضيع بين عينيك الفاتنتين باحدى الطرق والفرعات... واذا بي.. ادمن عطررك الفواح.. ذلك العطر الذي يووحي بانكي قادم...
