🌹:بارت٨
🌹:
ثاني يوم طلبت من امي مهلة
طلعت للستديو
هاي الفترة كلها
اني ما رايح للمعهد
تركت المعهد نهائيا
وصلت الستديو ادك على قمر
وتلفونها مقفول.كعدت.اشرب وادخن
ومالحك وضعي النفسي كلش تعبان
يومين اتصل وقمورة ماكو
بجيت دم بجي مصاير
باليل افز حلمان بيها
اخخخ قمر اخ اخخ
اشديصير بيه
ماريد اعيش
طلعت بره بسطح مثل المخبل
اريد اشمر نفسي
دك التلفون
جريته والهوه عبالك رجع بريتي
من قريت اسم قمر
فتحت خط كلت الو
كالت شلونك يروحي
كتلها هله هله
كالت اكو شي حبيبي مو علبعضك
قمرر تعبان والله ..حبيبي سلامتك
سديته منها ...
رجعت اشررب جكاير للصبح
اصبح.طلعت للشغل ورجعت بليل كلش
كاعد اتعشى
امي سئلتني
ها يمة شقررت
كتلها هذا هو يمة
روحي شوفي البنيةموافق اني
فرحت امي كلش
واني من شفت امي فرحت
شوية راتاحيت
ثاني يوم امي راحت
هي وبيبتي و عمتي والبنات
اتفقوا وية اهل البنية
ومن رجعوا خابرتني امي
كالت يمة اتفقنا وية الناس
بقت نروح علمود تشوف البنية
وتشوفك كتلها
يمة خلصيهة من يمج بدون ما احضر
كالت ما يصير يمة
لازم تتشوف البنية تريد تشوفك
كتلها خليها باجر باليل
رجعت للبيت بالوحدة باليل
بس حالتي النفسية كلش تعبانة كمت لا اكل بالبيت ولا اكعد مجرد بس انام واغير ملابسي ثاني يوم رحت للستديو ذبيت حركتي كلها بالشغل وامي كل ساع تخابر اابو الستديو ظل يلح عليه روح زيد واني روحي مقبوضة شلون ربي اسوي هيج واعوف قمر ..
احنا بنينة امالنا سوة المهم رجعت للبيت غيرت ملابسي ورحنا لبيت ابو حسين بيت البنية همة هم اصدقائي ويعرفون بكل الظروف المريت بيها
وصلنا دخلنا جوة كعدنا اني وابوها وامي وامها وبيبتي ظلينا نسولف وعدة ربع ساعة وبيبتي كلتلهم حلي تجي سهام
عرفت اسمها سهام دخلت البنية كعدت مقابيلي واني ولا يمها ولا شفتها ربي شاهد ما شفت البنية وتفكيري كان بيني وبين نفسي يكول اذا ابواع اشوف قمر كبالي بس ما اكدر اباوع ظلينا كاعدين شوية جان بيبتي كلتلي زيد شفت البنية شنو رأيك كتلها هذا هو بيبي سئلو البنية وافقت هية مباشرة اني بهذا الاثناء الهوى صار كلش بعيد عليه بالكوة اجر النفس
سلمنا عليهم وطلعنا وصلنا للبيت وولكيت البيت مكلوب كلب كله تدك وترقص تباركولي صعدت فوك للغرفة وقفلتها عليه ولا يمي الموضوع كعدت ادخن بالغرفة
امي حددت وياهم موعد الخطبة ومهر السيد ورة اسبوع اجة الموعد وقمر كل اخبار عنها ماكو
التموا كل اقاربنا بيت انترس ترس عمام وخوال صارت هوسة
رحت للحلاق زينيت ورتبت رجعت للبيت سبحت ولبست قاط سمائي وقميص اسود وطلعت والحبايب تلكني على الدرج كلها ترقص وفرحنا واشوف امي الفرحة ما شايلتها الكاع
طلعنا رحنا لبيت سهام كعدنا بس القلق باين بوجهي قرينة فاتحة العباس ابوية كلي يلة بابا كوم وية السيد أدخل جوة
كمنا اني والسيد دخلنا
من دخلت هية كاعدة على قنفة ووموبشة سئلنة الشيخ كم سؤال وافقنا عليه وتباركنا وكام
كمنا اني والسيد دخلنا
كعدوني بصفها ويصفقون ويركصون واني احس نفسي بعالم ثاني مالي خلق بكلشي جاي يصير
اجتي امي جابت الحلقات لبستها الحلقة ولبستني واني ما مباوع بوجها
كامت عمتي اتغني حبها والك حبها
اني خجلت وكاموا يلحون عليه تقربت عليها جاي اشوف وعيني صارت بعينها احنا شفت ضيم سبحان رب الخالق ما شاء اللة شنو هالجمال ظليت صافن بجمالها ربي شاهد جمالها جان غير شي بستها ودخلوا ولد عمي واخوية كام يرقصون وكموني اني وسهام على اغنية هادئة رومانسية رقصنا شوية وكعدنا شربنا شربت واكلنا كيك وطلعنا
رحعنا للبيت مسوين حفلة وامي وابوي يرقصون شفتهم فرحت كلش علمودهم أول مرة اشوفهم هيج فرحانين رقصت وياهم شوية وطلعت برة يم الولد
المهم خلصت الحفلة وكلمن راح لبيتة
عدة ٤ ايام ابوية دز عليه
المهم خلصت الحفلة وكلمن راح لبيتة
رحت ل ابوية ها يابة داز علية اي بابا اكعد يلة بابا كمل اجرائات المحكمة علمود تعقد يابة مو تشوفون نفسكم مستعجلين
ابوية لا بابا ما يصير نطول الخطوبة وامك ما نعرف وضعها شنو
اوك يابة خلي امي تخابرهم تتفق وياهم انروح باجر نكمل اجرائات الفحص
ثاني يوم رحت بالسيارة وكفت بابهم دكيت هورن طلع حسين اخوها كلي تفضل زيد كتلة لا حسين صحيهم خلي نروح عندي شغل اريد ارجع من وكت
شوية وطلعت هية وامها رحنا للمحكمة كملت المعاملة وطلعنا لمستشفى الكندي فحصنا ورجعنا ماكو كلام بيناتنة مجرد تسئلني وارد على السؤال فقط
وصلتهم ورحت للمحل اشتغل بس الدنيا كلها ضايقة بية وكلها تنصح بية بان اتجه لحياتي ومستقبلي
عدة ايام واني لا اسئل عليها ولا اخابر
خابرتني اختي كالت زيد ليش ما تخابر سهام خابرتني تسئل عليك
كتله هذا شي راجع الي اخابر ما اخابر بكيفي
طلعت نتيجة التحليل ورة ١٠ ايام
رحنا للمحكة اني وامي وامها وهيه من دخلت صدفة صارت بوجهي ام قمر ظليت صافن عليها وهي تباوعلي وعلامات الحزن تارسة وجها دخلنا
شفت قمر كاعدة على المصطبة
ولد كاعد بصفها
هية شافتني
وجها كام يذب اللوان
والدمعة بعينها
أنت تقرأ
هلاهل زفتج بكلبي صارن طلق
Cerita Pendek#قصص_قصيره? #هلاهل_زفتج_بكلبي_صارن_طلق?? للكاتبه اسراء محمد ................................................... بين تلك الدروب والمتاهات اضيع بين عينيك الفاتنتين باحدى الطرق والفرعات... واذا بي.. ادمن عطررك الفواح.. ذلك العطر الذي يووحي بانكي قادم...
