مرت الايام و انا اكتب أشياء حلوة في مذكراتي و ايامي الحلوة ...جا اول يوم مدرسة لبست ملابس المدرسة يلي امي جابتهم لنا انا و اختي و تجهزنا،،، انا ما كنت متحمسة كنت
متوترة و مقهورة و مش مرتاحة ،،نزلت انا و اختي و ركبنا باص المدرسة (مابدي اقول شو صار و شفت مين لان
هاي اللحظة غيرتني و ياريت ماعشتها😢💔)،،ظليت طول الطريق افكر فيه و اتحمس شوي شوي للمدرسة،،وصلنا
و وصلت اختي لصفها و رحت لصفي ،،دخلته و شفت اولاد و بنات جالسين يتعرفوا على بعض ،،سكتت و تذكرت زينب
و تذكرت كيف كنا نتصل على بعض و دعيت الله ما اكون لوحدي ،،تعرفت على بنت اسمها مريم و دخلت قلبي(و هي
للحين صديقتي المقربة 💜💛شكرا مريم انا بحبك ) و تعرفت على بنت اسمها ضحى ،،مشت اول ايام الدراسية و انا
مع مريم و ضحى بس ضحى كانت تروح مرات مع بنات غيرنا و انا و مريم كنا مثل البنات الغير مرغوب فيهم بس
انا طنشت و ما اهتميت لا للاولاد ولا البنات ،،تسألوني انا ليش احب الشر و اكون هيك؟؟بكل بساطة الناس يلي حولي
خلوني اكون هيك و الحمدالله عاجبني الموضوع اكون wicked girl 😈
مريم تحب مرة القدم و كثير في حصص الرياضة كنت انا و هي نجلس و نشوف الاولاد و هم يلعبوا كرة قدم و نشجع
بتذكر هي كانت تشجع واحد اسمه زايد و انا يحيى بس زايد ماشاء الله لعيب (و الحين 2018 بالمدرسة هو لعب
بفريق المدرسة و مدرستنا فازت بسببه)،،أتذكر مرة و احنا بالصف و ما علينا درس انا و مريم تحدينا ولد بصفنا
اسمه علي نتضارب مريم تضاربت معاه لانه كان سمين ضرب دف مريم و تكسرت المسكينة على الحيط ههههههه
و ساعدتها و صرنا نضحك ،،ضحى و بنت بصفنا اسمها عائشة كنا نلعب في أوقات الفرصة لعبة اخترعناها اسمها جيش
مريم الجندي لانها كثير رياضية و انا و ضحى بنات الصغار و عائشة أمنا و نهرب من مريم هههه كانت ايام حلوة
،،كنا كثير نهرب من حصص الرياضة احنا الاربعة و ندخل الصف و تسكر الباب و نتكلم عن نفسنا ،، وقتها كنت مش
خايفة من شي الا مش شي واحد و هو الحب (عشان هيك مابدي اقول مين يلي حبيته و هو يلي شفته اول مرة ركبت
الباص😓)،،في المدرسة بصراحة ما كنت مرتاحة كثير صديقاتي كانوا يغيبوا كثير و كنت اظل لوحدي مع طلاب
مايحبوني و بطلت اداوم لخلصت السنة و انا ابكي لامي ما اداوم ،،بس كان عندي شي واحد يخليني اداوم و هو اني
اشوف يلي حبيته ،، اعرف اني صغيرة بس ما اعرف ليش جذبني😓و هو حتى مواقف كثير صارت بيناتنا مثل لما
شفته بالصدفة بالمول و وقف جمبي قصدا و قريب مني ....😟اخ
يتبع.....