عشق الرهينه
بارت 3
جا يوم الأربعاء وكعدنا من 6 الصبح والبيت هوسه كلها نسوان وكرايبنا والشيوخ والزلم ب الديوان احنا الديوان مالتنا مو ب البيت بابا مخلي اكبال البيت يفصل بيناتنا بستان كلش جبير والديوان 400 متر يعني هواي جبير لأن عشيرتنا كلش مشهوره وهواي فصول وطبابن خير ندخل ب المشاكل مال العشائر
غيد :- كعدت من 5 طبيت سبحت ولبست دشداشه لون بيجي وأسود وجواها برموده سوده بس ما تبين ونشفت شعري ومشطه ولبست شال بيجي ونزلت البيت هوسه رحت ع الوالده
هبه (ام غيد):-صباح الخير حبيبتي روحي اتريكي لأن البيت قد اشويه راح يصير هوسه
غيد :-صباح النور وبستها من رأسها بي هسه يمه أروح هوه البيت على اساس ما متروس بس يمه اكلج هبه:- كولي بنيتي
غيد :-امير خويه وين
هبه:- امير ابوج ودها البغداد همين بين ماتفض السالفه وتخلص الكعده وهم اكو شغل عدهم اهناك
غيد :- زين يمه شوكت يرجع امير
هبه :- والله يمه الباجر يرجع لو اليوم باليل
غيد :- نشالله يرجع ب السلامه
هبه :- يله يمه روحي اتريكي لأن اليوم راح اتعبين لأن هوسه
غيد :- حاضر يمه هسه أروح
رحت اتريكت واجوي عماتي كلهن ونسوان عمامي والبيت صار هوسه وصبينا غده واجوي أهل الولد الميت +
..... الأحداث عن مهدي.....
مهدي ضليت طول الليل أفكر بيها شلون تسترجي هيج اسوي شنو ما تعرف اني شيخ عشيره...... وصار الصبح كعدت الساعه ب 5 صبح سبحت ونشفت شعري لبست زي عربي (دشداشه) لونها ازرك ورحت بست رأس الوالده وصبحت بوجها
مهدي:- صباح الخير حجبه وبين رأسها
ام مهدي :- صباح الخير يمه شلونك
مهدي :- الحمد الله يمه بخير انتي شلونج
ام مهدي :- بخير يمه اكول يمه اليوم الكعده هدي وصير عصبي وتره انته تعرف انو أخوك هوه السبب بموته
مهدي :-اعذريني يمه اخوي ماله سبب وابنهم إلا اكتله وأخذ دم اخوي بالدم هذا الخسيس حتلو صار الدم للركب
ام مهدي :- يمه هدي لا تتهور لأن احنا عشيرتنا جبيره والها صيتها ومكانتها وكلها اتخاف منا وهمه هم عشيرتهم جبيره والهم صيتهم وكل الناس اتخاف واحنا اتخاف ربنا وماريد دم يزيد واتروح ناس مالها سبب
مهدي :- يمه دم اخوي أخذه حتلو على موتي
وإذا احتاجيتو شي كلي العدي يجيبه ماشي اني طالع
ام مهدي :- الله وياك يمه الله ينور طريقك
1
صارت الساعه ب 3اجوي وصارت الكعده
أبو غيد حسام :- الله بالخير
الكل الله بالخير
حسام :- شيخ مهدي احنا حاضرين للفصل من الميه إلى ألف
مهدي :- اعذرنا شيخ حسام دم أخو مايتعوض ب الفلوس
حسام :- لعد شنو طلبكم
مهدي :- احنا اريد الدم ب الدم اريد كتال اخوي يعني اريد امير
حسام :- اعذرنا شيخ مهدي احنا ما ننطي الشيخ امير لو مهما يصير وإذا اتريد شي ثاني احنا حاضرين بس الشيخ امير ما ننطي ولمن اجيتو النا حتى النسوان كالت انو الشيخ امير ما ننطي حتلو صار الدم ب الركب واني انطيت احجايه الخيته وحلفتلها بكتاب رب العالمين انو ما انطي شعره منه واني ما أخلف ب احجايتي
مهدي :- احنا ماريد غير امير وغير هذا الشئ ماريد
حسام :- اسمه الشيخ امير مو امير
مهدي :- نرفزني من حجايته وكلتله لو دم شيخكم لو ماريد
حسام :- واحنا ما ننطي شيخنا
مهدي :- اي شي راح اسوي اني وعشيرتي بعد محد يحاسبنا عليه الحد ما أخذ دم شيخكم امير (بستهزاء)
مشتاق (ابن عم امير، ابن باسم أبو مشتاق ):- أحترم نفسك شيخ تره انته كاعد تحجي وي شيخ عشيره..... شيخ حسام كلها تحلف ابراسه لو يطلب الروح ننطيها وشيخ امير ما ننطي شعره منه لو مهما صار
صار اصياح بين العشيرتين وكلها دمها يغلي وما صار شي مهدي ما يريد غير دم امير وحسام ما يقبل
...... الأحداث عن غيد........
رجع بابا بسرعه رحتله
غيد :- ها بويه شنو صار
هبه ( ام عبد ):- ها شيخنا شنو صار احجي
حسام ( أبو غيد ) :- ما صار شي وهمه ما يريدون غير دم امير وما قبلنا وخابرت امير كلتله يبقه بغداد وديت زلم يبقون يمه كلشي يصير
غيد :- ودموعها تصب على اخوها :- بويه انته حلفتلي ما تنطي امير الهذولي مو
حسام :- وهو يمسح دمع بنتيه شياله همه احزام ضهره :- خسا يا بنتي اني كلتلج اخوج ما انطي لو على روحي وهاي لدموع بعد ماريدهن ينزلن ماشي
غيد :- تومر أمر شيخنا
حسام اريد عشا اكو لا
غيد :-بي بويه اكو ثواني ويكون يمك من عيوني
حسام :- تسلم عيونج ابنيتي
صبيت عشا للبابا. وغسلت الماعين ونمت وكعدت الصبح بدلت ولبست ملابس المدرسه وطلعت من البيت ما أحس إلا واحد لازمني من حلكي وعافوني ب السياره........
...... الأحداث عن مهدي.......
ماقبلو ينطوني كتال اخوي وكتلهم كلشي اسوي انتو المسؤولين وقررت إلا اكسر هيبتهم بين الناس والا اكسر ضهرك يا حسام وامير
مهدي :- عدي عدي تعالي
عدي :- تومر شيخ
مهدي :- أريدك تأخذ الشباب وتسوون نفس ما راح اكللكم
عدي :- تومر شيخ كول
مهدي :- كلت المهدي شي سوي
وراحو واجوي......
