بارت 2
غيد:- كنت نايمه سمعت صوت واصياح نزلت بسرعه شفت ماما كاعد تبجي وعماتي يهدن بيها
هبه (ام غيد) :-يمه وليدي راح يروح مني ولكم كبرته هذا ابني يمه امييييير
غيد :- الكل ييجي واني اكول شكو شنو صاير
زينب (بنت عمي باسم أبو مشتاق):- امير متعارك وي واحد وضاربه طلقه برأسه والولد مي قاطعت صوت سيارات وكفت ب الباب بيها زلم يصيحون هذولي أهل الولد الميت
مهدي :-دكيت الباب حيل راد يوكع دمي فاير اخوي الصغير امانته أبوي يكتلو بدم بارد
غيد محد من عماني قبلت تروح أشوف ف لبست عبايه ورحت
مهدي :-طلعت لي بنيه اوووف من جمالها والعيون يذوبن مهدي* وينهم الزلم لو خايفين يطلعون ف دزو النسوان بس يكتلون بدم بارد ويختلون
غيد:- كال هيج عن أهلي اني فرت تحجي ع الزلم همه احسن منك وخوش أزلام مو مثلك اجيت جايب هاي السيارات والناس ال بيها (اشرت ع السيارات والناس ) تستقوي ع النسوان وتصير زلمه برأسي تره احنا نسوان وبنات عشيره....... اذا الزلم طالعين احنا انصير زلم الحد مايرجعون واخوي امير ما تلزم شعره برأسه حتلو صار الدم للركب وسديت الباب وطبيت للبيت
مهدي:-طلعت البنيه حجت حجي خلتني افتح حلكي من الصدمه وفورت من العصبيه دفرت الباب ب رجلي وخلصت شاجور مال طلق ب الجوو
مهدي :-عدي عدي
عدي:-أمر شيخ
مهدي:- اريد اجيبلي أخبار عن هذول (اشرت ع بيت امير كتال اخوي)وعن هاي البنيه ألما متربايه
عدي :-تومر يا شيخ قبل أذان المغرب كلشي عندك
مهدي :-أخذت الشباب ورحت للفاتحه واني ع نار اريد أخذ روحه لكتال اخوي
الأوضاع عن غيد
الجهال:-اجا أمير وجدووو
غيد:-رحت بسرعه شبكت امير كلتله خوي خوي خوما صارك شي كلي والله اذبحهم علمودك
امير:-يا بخيت معقوله يصيري شي وانتي خيتي شنو ماتعرفين اخوج ذيب ماينخاف عليه
غيد :-وعدني مايصيرك شي وماتسلم حالك لهذوله المو زلم
امير:-خسا يخيتي
امير :-اشوكت اجوي هذول ومنو طلعلهم
ام جعفر (مرت عمي حسان) :- قبل ساعه اجوي ابني وطلعتلهم خيتك ولعبت بيهم طوبه واحنا ما رضينا عليها
امير :-شسوت شنو كالتلهم
ام جعفر :- كالتلهم انتو مو زلم لو ولم جان ماجيتو ع بيت مابي زلم وإذا ماكو ولم احنا بنات ونسوان عشيرت...... انصير زلم وكالتلهم اخوي امير محد يلزم شعره من رأسه حتلو صار الدم للركب
امير:-كفو خيتي وهيه ماكالت شي غلط ومحد يحجي وياها ماشي ( بصوت عالي )
رحنا أخذنا عطوه والكعده يوم الأربعاء واليوم الإثنين يعني بعد يومين وكفت الناس واتعشينا ونضفنا البيت وكلمن راح ا لغرفته
غيد:- عطشت ونزلت أشرب ماء شفت بابا كاعد يقرأ قرآن رحت ييمه
حسام (أبو غيد) :- صدق الله العضيم هااا بنيتي شبيج اشو بيج حجي
غيد :-بابا اريد احجي وياك واريدك تنطيني كلمه وتلفلي ع كتاب الله القرآن انو مهما صار ومهما جرى ما تخلف ب كلمتك
حسام:-خسا ابنيتي اني أخلف ابكلمتي انتي اتعرفين ابوج كلش زين انو مهما جرى حتلو وصل حبل المشنقه الركبتي ما أخلف احجي ابنيتي
غيد:- امير
حسام :-شبي بنيتي
غيد :- بابه احلفلي انو مهما جرى ما تنطي امير الهذولي المخابيل ولا تنطي شعره منه
حسام :-هاج بنيتي الج طلبج غالي والطلب ارخيص اقسملج بكتاب رب العالمين انو مهما جرى ومهما صار ما اضحي بشعرايه وحده من أمير اخوج حتلو ع مشنقتي
غيد:-أشكرك بابا هسه ريحتني وريحت بالي ورحت نمت وكعدت الصبح بدلت ولبست ملابس المدرسه ورحت ورجعت
.......
مهدي :- جنت كاعد اجا عدي
عدي:- شيخ جبتلك كلشي عن كتالين أخوك.
مهدي:- يله كول احجي شنو عرفت
عدي :- الولد اسمه امير عمر عمره 26 سنه يتيم الابوين من لمن كان عمره 7سنوات وعمه حسام اسمه رباه وتعب عليه وهوه يعتبره نفس ابنه ويحبه لأن هوه عده جهال بس ابنيه وحده وهمه صاحبين سمعه وفلوس ولهم صيتهم بين الناس وكلهم يخافون منهم وهوه حسام الي امربي هوه شيخ عشيره مالتهم
مهدي:- هااا بي وبعد شنو عرفت عنهم وهوه عده إخوان لو لا
عدي :-لا شيخنا هوه ما عده لا أخت ولا أخو
مهدي :- وهاي البنيه منو وشنو عرفت عنها
عدي :- شيخنا هاي البنيه هي بنت الشيخ حسام وهيه اتحب امير نفس اخوها اتموت علي وهيه تفدي بروحه له وهيه اسمها غيد وعمرها 18 سنه وتدرس سادس علمي ب مدرسه....... وهيه كلب أبوها يموت عليها وما يرفض لها طلب يعني أبوها بدونها ينكسر ضهره وامير هم يموت عليها مايكد بدونها يسميها خيتي ويطلعها ويطببها كانو هيه مرته مو اخته ها وهذا امير ما متزوج ولا خاطب أعزب
مهدي :- هااا هسه شوكت الكعده
عدي :- شيخنا الكعده يوم الأربعاء وتومرني بشي ثاني
مهدي :- أريدك أضل عينك ع امير وين يطب وين يطلع وكلشي هوه واهله ماشي
عدي :- تومر شيخنا هسه اترخص اني
مهدي صليت أفكر بيها طول الوقت مع انو اني شايف احلا منها بس محد جذب انتباهي غيرها بحجيها وكلامها ملامحها وعيونها يموتن بس طول السان مالتها لازم الكاها حد واني اعرف شنو راح اسوي اذا ماقبلو ينطوني كتال اخوي
