عشق الرهينة
بارت 14
خيالك من طرف عيني...... ولا راح
وذكرك دوم ب الساني...... ولا راح
اسمك عايش ب كلبي........ ولا راح
...... و أذكرك كل دقيقه تمر عليه
♡♡♡♡♡♡♡♡
غيد انصدمت صدمه كلش كبيره لمن عرفت انو مهدي كان يضحك عليه ليش ربي اني اسويت ابحياتي حتى هيج يصير وياي بس احمدك وأشكرك يارب وجابته
غيد :- ههههههه عود عبالك تكسرني اذا اخذتني لا حبيبي اني بس ربك يكسرني انته بعدك ما تعرف بنت الشيوخ شلونها واصلن عادي انته أخذتني ب الحلال مو ب الحرام عبالك تكسرني ولك اني سلمت روحي الك علمود حيات اخوي و اولا واخيرا انت راح تأخذني هههههه عبالك راح انكسر لا والله ما انكسر عادي انته خنتني وخنت ضقتي بيك وشنو مو أول واحد يخون الثقه
مهدي:- صراحه فاجئتني عبالي راح تنكسر بس صدك من يكولون بت الشيوخ ما يهزها ريح بس هيه صدك اتحبني بس هيه الي اجتي ب أديها العذاب خل تتحمل نتائج أفعالها كتلها
مهدي:- ههههه انتي بعدج ماشايفه شي وسحبتها من شعرها وكتلها
مهدي:-يلا روحي حضري الحمام واكون كل الملابس وسوي اريوك وتعالي عندي الج شغل
غيد :- رحت حضررت الحمام ورحت سويت اريوك كعد يتريك اني طبيت سبحت بسرعه ومشطت شعري ونشفته صاح عليه رحتله وداني الغرفه كلها التراب امبينه هاي الغرفه محد داخللها ابد كلالي تبدين اتنضفين الغرفه لمن أرجع أريدها جديده يمه
مهدي :- صحت على غيد كتلها ننضف الغرفه عدنا ب البيت ضالتها أكثر من سنه محد فايت عليها وبعدها ما شايفه شي الا اعذبها عذاب ما صاير خل تستنه ها اتحب ابن عمها واتجذب عليه اوكفيلي هيه عبالها راح تكدر انو تخدعني
ترجيع الأحداث.....
مهدي :- كنت كاعد العب ب المبايل لمن رحنه للنجف متصل ب الانترنيت على الرصيد دا أتصفح الفيس بوك دخلي واحد خاص
....:- عوف غيد لا ما تعرف اش اسوي بيك
مهدي :- منو انته
...... :- البنيه ما تريدك عوفها
مهدي:- غيد مرتي تفتهم وهيه اتحبني يا س....
...... :-ولك هيه اتحب ابن عمها غصبن ما عليك وهوه يحبها
مهدي :- اكول بابا روح منا احسلك
...... :-حبيبي راح اكلك معلومه هيه هسه اتحاول تتقرب منك علمود تشرد وي ابن عمها يله بأي
وانطاني حضر
مهدي:- ما اعرف شنو اوصف شعوري بهاي اللحضه انكسار خيانه صدمه تحطمت آمالي وأحلامي وحبي كلها مره وحده معقوله غيد اتحبه معقوله لا ما اصدك غيد اتحبني خل اشوف لمن أرجع أسلم نفسها لو لا اذا سلمت نفسها ف كلامه صح وإذا لا كلامه غلط بس يمكن غيد اتحبني واسوي كلشي علمودب اوووووف هسه شنو اسوي بيمن اصدك ماكو أحد حتى اصدك بي
₩₩₩₩₩₩₩₩₩₩₩₩₩₩₩₩
غيد :- سمعت مهدي ايكول العمه وهدى
مهدي:- اذا أحد ساعده لا تلومون إلا حالكم ماشي
أم مهدي :- يا يمه شنو شبيك هسه انته انكلبت اشو البارحه جنتو عرسان هسه شبيكم
مهدي:- يمه يا عرسان يا بطيخ هيه فصليه بت عمه لكتال اخوي
ام مهدي :- يمه شنو صاير اني اعرفك كلي اكو شي انته اتحبها للبنيه بعد شنو الي اتغير ب ليله وضحاها ها كول لا تضم عليه
مهدي :- يمه ما صاير شي
تسريع الأحداث بعد مرور شهر :-
غيد مهدي مادري شبي متغير تغير 180 درجه صاير شي بس هوه ما يقبل يكول وكل يوميه جايبلي شغله شكل انضفها وميته من التعب بس لمن يطلع هدى تجي تساعدني مرات مرات عمتي بيون كنت دا انضف وخلص العملاق (مسحوق تنضيف) ف نزلت حتى اجيب واحد وشفت اجا مهدي اجا فرحان بس هاي الفرحه جذبيه مو من كل كلبه اجا كال العمه
مهدي :- يمه هلهلي
ام مهدي :- خير يمه ليش اهلهل
مهدي :- هلهلي واكلج
ام مهدي:- كلللللوش
مهدي :- يمه راح يموت
ام مهدي :- منو هوه
مهدي :- يمه امير بن عم غيد وكتال حيدر مسوي حادث وراح يموت
.....
جنت دا اصعد على الدرج سمعت امير مسوي حادث وراح يموت ما اعرف شنو حسيت ماشففت كدامي
.......
مهدي :-سمعنا اني ومي صوت وكعه شفت غيد واكعه من الدرج الخوف البيه عليها ما اعرف لوصفه ب الكلمات ابد ابد انكسرت شلتها ورحنا بسرعه السرعه الي سقت بيها 220 سرعه ماريد اخسرها ابد اجوي الممرضات اخذوها الطوارق واني راح أموت من الخوف طلعت الدكتوره كال
دكتوره :-منو زوج المريضه.
مهدي :- اني ازوج المريضه دكتوره
دكتوره :- مبروك مرتك حامل بس حالتها الصحيه مو زينه اي ضرر يصير بيها تفقد الجنين
مهدي:-........
