بسم الله نبدا وانشاءالله بدايه خير لايك قبل لا تبدا تقراء جعل والديك الجنه ....
وفي حديقه من حدائق مدينه الرياض
عبدالعزيز وعبدالله يمشون مع بعض في ممشى الحديقه ويسولفون مع بعض وفجاءه وقف عبدالله وابتسم ابتسامته البريئه الي مايطلعها الا عند عبدالعزيز
لف عليه عبدالعزيز وهو مستغرب وبتسائل:عسى ماشر عبدالله ليش وقفت وليش ذا الابتسامه يالله اتحفني
عبدالله وهو يقرب من عبدالعزيز لين وقف جنبه وببتسامه تفوح منها الطيبه:عزوز فيه مفاجاءه مني لك بس غمض عيونك وافتح يدك
عبدالعزيز بستهبال:الله يستر لايكون بعرصي اعرفك مايجي منك شيء زين
عبدالله تكتف وهو رافع حاجب ومنزل الثاني وبستعباط:هه ومن قالك اني عبدالعزيز ما اهدي الناس الا بعرصي وصرصور اقول يارجال لايكثر وافتح يدك ولا اقول ماتستاهل الهديه تعبت نفسي على الفاضي
عبدالعزيز وهو يفتح يده :خلاص خلاص يارجال فتحنا يدنا اتحفنا وش الهديه الملكيه هذي يالله
عبدالله مسك يد عبدالعزيز وحط فيها خاتم رجالي فخم الشكل وجنبه مداليه مفاتيح تطابق الخاتم بالشكل وقال بكل صدق : اسمع عزوز هذي هديه مني لك ولا ابيك تفرط فيها ابد وخلها ذكرى عندك عشان لو صار شيء لي ولاشيء ابيك تتذكرني بحاجه وعساني اشوفك منزل الخاتم من يدك ولاناطل المداليه على الطبلون
عبدالعزيز فز :ورع عبدالله وش قاعد تخبص انت الله يطول بعمرك وبعدين ليش تقول هالكلام صاير لك شيء تعبان قل لي
عبدالله وهو يتذكر حلمه الي حلمه امس ويبتسم وبكذب:لا مافيني شيء الحمدلله بس حبيت اسوي نفس الافلام الي يعطون بعض عربون صداقه وكذا يعني
عبدالعزيز وهو يضرب عبدالله مع ضهره:الله يقلع افلامك البايخه ذي خوفتني ياورع لاعاد تسوي فيها حركات اجانب لا افجر وجهك بالزبيريه
عبدالله وهو يضحك على كلام صديقه :ههههههههههههههههههههههههه خلاص خلاص معاد اني مسوي شيء اعبر فيه عن صداقتي لك مرا ثانيه
عبدالعزيز:اقول امش بس امش قال يعبر عن صداقته قال يارجال حنا نعبر عن صداقاتنا بالفدى والتضحيه ماهي بالهدايه
عبدالله وهو يرجع ويتذكر حلمه: ابشر بعزك بنعبر عن صداقتنا بالفدى والتضحيه ماطلبت شي
عبدالعزيز:ولد خلنا نكمل مشيء احس اننا طولنا وحنا واقفين بنص الممشى
عبدالله وهو يضحك على شكلهم:هههههههههههههههههه يالله نكمل وش ورانا
وبدو يمشون وسوالف وضحك وفجاءه صار الي ماكان يتوقعه عبدالعزيز
سمعو صوت مكبر صوت جاي من سياره سودا عليها شعار الله اكبر وطالع فوقها رجالين ومعاهم رشاش وموجهينه يم الحديقه والي فيها
أنت تقرأ
باخذ بثارك واقتل الموت.
Actionالقصه: صديقين من يوم انولدو وهم مع بعض بس بيوم ينقتل واحد منهم من طرف داعش وينذر نفسه الثاني للانتقام اللهجه:السعوديه
