باخذ بثارك واقتل الموت.

Part5

طلعو من المستشفى على القاعده

وفي غرفه الاجتماع

عبدالعزيز اللي كان جالس ببدايه الطاوله ومحاوطينه الملازمين

عبدالعزيز وهو يقلب بالاوراق اللي عنده وبعدها سكرها وبحزم:الحين لاننا امسكنا بالرجال والمتفجرات والدواعش ماخذين احتياطاتهم بيغيرون مكان التفجير فاول مهمه عندنا اننا نعرف وين المكان ذا

الملازم باسل: بس كيف بنقدر نحدد مكان التفجير من بين الامكان ذي كلها

قطع عليهم دخول واحد من الجنود وهو يضرب التحيه ويقول: حظره الملازم عبدالعزيز هذا لقيته قدام باب القاعده وكان اسمك مكتوب عليه

عبدالعزيز وهو يوقف وياخذ الظرف: مشكور

طلع الجندي وعبدالعزيز كان واقف بتامل الظرف وهو مايدري وش داخله فتحه وكان فيه زي الفلاشه وورقه

اعطى الفلاشه واحد من الملازمين وطلب منه يشغلها على الشاشه الكبيره وحاول يقرا الورقه اللي كانت كلها رموز

كان مكتوب فالورقه:89// M..R " 5

عقد حواجبه ولفت عليهم وقال:هذي طلاسم وش معنا ذا الطلاسم

شوي اشتغل الغلاشه وكان فيها تسجيل صوت بس كان على شكل اغنيه كانت اغنيه اول مره يسمعونها

صرخ عبدالعزيز وهو يمسك راسه:ايش قاعد يصير هنا وش ذا المهزله اغنيه وخرابيط وطلاسم من ال#### اللي مرسل ذا الطرد مننن

ملازم عبدالله : لحظه لحظه حظره الملازم عبدالعزيز هذي مهي مهزله دقيقه هد

لف عليه عبدالعزيز وهو معقد حواجبه وبصوت خشن : اجلل؟!!

ملازم عبدالله: حظره الملازم عبدالعزيز ذا تحدي

عبدالعزيز وهو يحاول يشبك الامور: تحدديي!!؟؟

ملازم عبدالله: ايه تحدي ومن اللي ندور عليهم بعد

ملازم باسل: الحين اللي علينا نفهم المغزا من ذا الاغنيه والورقه

قرب الملازم عمر واخذ الورقه من على طاوله وقعد يمشي ويحاول يربط المواضيع ببعض

عمر وهو يحاول يفك الرموز: امم 89// M..R " 5 مايعني لكن شيء  mr mr

عبدالله وهو يختبر ذاكرته بذا الرمز :  ام ار وش يعني ام ار (وسكت ثم قال) برج المملكه الرياض

لف عليه عبدالعزيز ثم قال بتفكير طيب : ٨٩//٥ وش يعني

عبدالله وهو بفكر كم رقم شارع البرج

الملازم فواز: ٧٨

عبدالله وهو يفكر ويحس راسه بينفجر: طيب اجل مو برج المملكه