اليتيمه وما تعيشه

بارت 2

راح ننطي القلام لام ازهار لان ازهار بوقت بدايه الاحداث كانت صغيره يله ام ازهار تفضلي
حوراء هيه وتحجي ويه ابو ازهار : اليوم هم راح تطلع
سجاد :اي حبي راح اروح اوزع اكل للفقره قبل الفطور
حوراء: يا رجال اكعد تفطر ويانه اليوم اول يوم رمضان لا تطلع
سجاد: لا حبيبتي خطيه الفقره خل نكسب بيهم ثواب
حوراء: اوووف بكيفك هو انته يهو يكدر يكضك
سجاد: شو تعاي يمي
حوراء بدلع :شتريد
سجاد :انطيني بوسه فدوه
حوراء وهيه تحاول تفلت ايدين سجاد: اللهم اني صائمه
سجاد :اهوو يله اني طالع انتبهي ع الجهال
حوراء : الله وياك
حوراء :وره ما طلع سجاد اني هليت الجهال يلعبون ومرتضى مايم رحت اساعد نسوان حمويني بالفطور مر الوقت وسجاد ما رجع
رحت اتصل عليه فتح الخط
حوراء: الو سجاد شو تأخرت يمته تجي
سجاد: اي حبيبتي هسه اني بالطريق شوي وتشوفيني يمج
حوراء: يله انتضرك لا طول الله وياك حبيبي
سديت الخط وحسيت سديت نفسي كلبي نبضاته قويه ما اعرف شبيه باوعت ع الجهال همه ويلعبون وشفت مرتضى كعد رحت يمه شلته من سريره حطيته بحضني اريد ارضعه للحضات ودك التلفون شفت المتصل سجاد خفت كلت توه احجي ويا ليش اتصل فتحت الخط واجاني صوت غريب
مجهول :الو اختي انتي زوجت سجاد
حوراء وصوتها يرجف: اي منو وياي
مجهول : زوج لحكته سياره وضلو يرمون عليه واجته رصاصه براسه البقيه بحياتج
حوراء وهيه مصدومه :شنوو وبعد ما حسيت بشي وره مده واني ما اعرف شكد طاولت فتحت عيوني وشفت عمه ام سجاد والدموع تنزل ع خدها
حوراء :عمه ليش تبجين شكو شصاير
ام سجاد : اووف وليدي راح راح شيخ الشباب راح سجاد وليدي البجر يا حسرتي عليك يا وليدي
حوراء : عمه شبيج سجاد ما بي شي هسه يجي يتفطر ويانه لا تخافين هسه يجي
ام سجاد : وين يجي راح وليدي سوده عليه
حوراء هيه ودموعها تنزل : لا عمه لا زوجي ما بي شي سجاااد تعال شوف امك شدكول لك سجاد انته ما تعوفني لك سجاد جهالك يهو الهم لك سجاد لا تيتم جهالك تعال ارجع اني سجاد اني منو الي وين اروح تعال ارجع تعال احضنك يا روحي
وراح سجاد وازهار واخوانها صارو يتيمين وحوراء صارت ارمله
حوراء :مرت ايام الفاتحه واني دقيقه اصفن دقيقه اضحك دقيقه ابجي دقيقه اعاتب سجاد واحضن بمرتضى وابجي ازهار كانت تكدر تنام لوحدها وسرمد كان ينام يم ام سجاد وره فتره مو طويله بعت السياره لحماي (اخو زوجي)
وبنيت بيت يم بيت حماي كان الاساس باني سجاد كانو يعرف بنفسه راح يموت ع هيج ضمن انو راح نكعد هنا اني واولاده
(وهسه ننطي القلم لبطلتنه ازهار)
ازهار : بعد وفات بابا ماما تغيرت ما صارت تهتم بينه هواي وضل صافنه ومتحجي ويه احد حقها الي صار مو شويه صار عمري 5 او 6 سنوات بيبي (الجده) سجلتني بمدرسه مستمعه (يعني مو العمر المناسب للتسجيل)
كنت اروح مشي للمدرسه واشوف الاطفال يضربوني بالحجار بس ما اعرف ليش هيج يسون بيه المهم كنت شاطر وذكيه وبسرعه اتعلم بس كنت هواي ازعل وانقهر من اسمع طفل يصيح ابو بابا انقهر لان اني ما كلتها المهم مرت كم سنه بين يوم وياك ويمو عليك صرت بصف ثاني ابتدائي هنا اني ما كان احد يعلمني ابد وكلشي ما اعرف صارت درجاتي كلش مو زينه فمره اجونه بيت عمو وزوجت عمي علمتني باليوم الثاني رحت وسولنه املاء اني جاوبت ف من صححت النه المعلمه وصاحت باسمي واني رحت اخذ دفتري مديت ايدي اريد اخذا وما احس اله ضربتني راشدي كدام كول البنات بالصف باوعت عليها وعيوني حمر اريد ابجي صاحت بصوت عالي
المعلمه :ولج تغشين
ازهار :لا ست شنو اغش والله ما غشيت
المعلمه :جذابه ولج انتي الكسولي اتجيبين درجه كامله
ازهار :لا ست والله زوجه عمو علمتني
المعلمه :ولج لا جذبين
ازهار : سكتت ما رديت رجعت لرحلتي ردت احط راسي ع الرحله وابجي باوعت ع الطالبات الكل تباوعلي وبعيونهم الخوف باوعت لمعلمه شفتها تباوعلي وبعيونها نار كانو تريد تهجم عليه وتفترسني
نزلت راسي حطيت ايدي ع الرحله وراسي بين ايدي وضليت ابجي خلص الدرس وخلصن الدروس كلهن وصارت وقت الحله طلعت انضر بت عمي اكبر مني بصف خامس طلعت كالتلي عندج فلوس كلتلها اي كالت انطيني انطيتهن الها واني ردت اشتري كيكه اكلها لان ما اكلت شي وجوعانه رحنه للمحل دخلت بت عمي واني ضليت بالشمس بت عمي يوميه تجي للمحل وتشتري سوارات وكلايد ومحابس واني انتضرها بالشمس ونرجع للبيت مشي رعد مدره بت عمي تركت المدرسه لان كسلانه ....

لحد هسه ونوكف اتمنى يصير تفاعل 695 كلمه اذا عجبتكم القصه شاركوها ويه اصدقائكم واحبابكم وشكرا لكم