اليتيمه وما تعيشه

بارت 9

هلو شلونكم اتمنى تكونو بخير وانتو جاي تقرو هذا البرات نبتدي بالبرات ونكول بسم الله الرحمن الرحيم
___________________________
انا ابنيتك يابويه ارجع اليه 😢💔
بعدك ما تمر راحه عليه 👁😔
هاي الدنيه من دونك اذيه 😣💕
ادعي كون تمرني المنيه 💓🙁
{}{}{}{}{}{}{}{}{}{{}{}{}{}
ازهار: ماما واني هم شتاقيت الج هواي ما بقه شي راح ارجعلج يروحي
حوراء: بعد عمري انتضرج بالسلامه انشاءالله
ازهار: انقطع الخط ونهاريت بالبجي اجت قمر حضنتني
قمر :ازهار شبيج ليش هيج
همام: ازهار ع شنو تبجين شصار
ازهار: لو ابوي اهنا كان هو الي انقذني وكان هو الي يساعدني
قمر :يا روحي كافي بجي ابوج ما راح يكون مرتاح بقبره وانتي هيج حالتج
ازهار: فهمت كلامه ومسحت دموعي
اي صح اني ما راح أذي بابا
همام :انتي يتيمه
ازهار: ها اي 😔
همام: الله يرحمه برحمته الواسعة وأسكنها فسيح جناته
ازهار: شكرا الك
همام: العفو
كيان :اجيت وجبتلكم خوش اكل
~~~~~~~~~~~~~~~~~~~
وهسه صار دور تعريف الكامل لهمام وكيان
همام :اني همام عمري 19 مرحله اوله تجاره امي وابوي الحمدلله عايشين عندي اخت واخوان ثنين اختي تدرس صف اول متوسط اخواني واحد صف ثالث والثاني مخلص دراسه ومتزوج شخصيتي عاديه متواضع مع انو احنا من الاغنيء ابوي عمله دكتور جامعه وامي ربت بيت ما احب الزحف وترقم وهاي السوالف واني هادي وقراراتي صارمه شجاع ما اخاف

كيان :يبووي شكد يحجي كافي يا اخي ثبرتنه
همام: هسه ادفرك يله غرد
كيان :هلو عرفتو اسمي كيان بعمر صديقي الصدوق طبعا اني وهمام اصدقاء من الطفوله المهم عمري 19 ادرس مرحله اوله تجاره حديقه وعن قريب راح اصير بستان هههه

قمر :انجب وكمل

كيان :فديت العصبيه المهم اني مرح بس مو خفيف كلش شكلي نفس الي بالصوره ما احب السوالف المكسره بس اهواي احب القمر

قمر :ازهار اخذي القلم منه لا اموته هسه
ازهار :ههههه ماشي انطيني القلم
كيان :تفضلي خلصنه تعارف
همام :وتحجي عليه شكد احجي ما تشوف نفسك
نرجع للقصه
~~~~~~~~~~~~~~~~~~~~~~
ازهار :دخل كيان وجابلنه اكل
قمر :اي اني جوعانه
ازهار:كرصت قمر عيب
قمر:اااخ وجعتيني والله مو بيدي جوعانه من البارحه ما ماكله شي
همام: ازهار اتركيها كيان انطيهن الاكل
كيان: تفضلي ازهار
ازهار :شكرا هاج اخذي اكلي اني ما اشتهي
(انتباه من انخطفن ازهار وقمر كانت ازهار بصف اول متوسط وهيه عايده سنه يعني لازم بصف ثاني ع هيج كلامها وشجاعتها مثل ما تشوفون وهيه عاشت حياة صعبه لان لا ابو ولا اخو اكبر منها كان عدها بس اخوان اصغر من عدها فصارت قويه الشخصيه )
ازهار :صار هدوء محد يحجي همام اكل بس اشوي وكيان ضل ياك وقمر همين تاكل واني ضليت ساكته وسمعنه اندك الباب
همام:تفضل
ازهار: دخل شرطي عرفت جاي يحققون
المحقق:السلام عليكم
همام وكيان وازهار وقمر :وعليكم السلام
المحقق:اكدر اعرف شنو سبب اصابتك لازم نحقق بالموضوع
همام: اي طبعا تفضل اكعد
المحقق:اكدر اعرف هذن البنات منو
كيان: حضرت المحقق سالفه طويله
المحقق :اريد اعرف شنو صار من البدايه للنهايه
همام: انشاءالله حضرت المحقق تكدر تبدي بالبنات هنا راح يبدن واحنا انكمل
المحقق :تفضلن بناتي منو تحجي بناتجن
ازهار :باوعت ع قمر وقمر تباوعلي
همام :ازهار قمر احجن لا تخافن راح يساعدونجن
ازهار: ماشي عمو راح احجيلك من البدايه
المحقق :تفضلي اسمعج
ازهار: عمو احنا كنه بالمدرسه طلعنه وشفن السياره متروسه بنات فالسايق كال النه راح اوصل هاي البنات وادز عليكم السايق الثاني
المحقق:اي وبعدين
ازهار: اني وصديقتي ضلينه ننتضر وكان الوقت ضهر والشمس حاره وتعبنه فاجت سياره ووكفت كدامنه
المحقق:اي وشصار
ازهار: حاجانه الرجال الي بيها كل اني من طرف السايق يله صعدن مو صح قمر
قمر :اي صح
المحقق:كملي
ازهار :احنا حسبالنه صدك من طرف سايقنه فصعدنه طبعا كانو ثنين ف من صعدنه اجه الي كاعد كدام وصعد يمنه اني صرخت وكتله ليش جاي اهنا كال ولا حرف وطلع اكلينس وحط ايد ورا راسي والثانيه الي بيها الكلينس علا حلكي وبعد ما اعرف شنو صار تكملك قمر
قمر : من بعد ما خدرو ازهار صرخت والي كان يسوق كضني من حلكي لان اني كنت وره كرسيه وهمين دوخوني
ازهار: بعدها كعدنه ببيت مهجور وسادين حلوكتنه حتى لا نصيح بعدين اجه وضل يستفزنه بالحجي وبعدين اخذ ارقام اهالينه وتصل عليهم وطلب منهم 50 مليون ع كل وحده منه وبعدها عافنه وراح وضلينه انصيح ونصيح لمن
همام: لمن ما اجينه احنا اني وصديقي حضرت المحقق اني راح اكمل الك
المحقق:تفضل
همام:كنه اني وصديقي نمشي بالبر يم بيوت مهجوره احنا كنه دائما انروح هناك لان نحب ذاك المكان
كيان: صحيح حضرت الضابط دوم نروح اهناك انصور بالمكان
المحقق: كمل
همام: فجنه نمشي وسمعنه صوت صياح اتبعنه الصوت ووصلنه للبنات شفناهن مربطات وكالن ساعدونه انخطفنه من المدرسه احنا فتحناهن وطلعنه وجاي ننهزم بس اجه الخاطف وضل يرمي خفت ع البنيه صرت وراها فاجت الطلقه بجتفي
ازهار: صحيح
همام: بعدين حاولنه شكد ما نكدر نشرد وشردنه وصلنه للشارع واخذنه تكسي وصلنه للمستشفى ومثل ما تشوف كدامك هاي احنا وهسه ردنه نطلع حتى نوصل البنات لاهلهن
المحقق :فهمت هسه اريد من البنات يوصفولي شكل الخاطفين وينطوني عنوان بيوتهم ورقم اهاليهم حتى نكمل التحقيق ونلقي القبض ع الخاطفين
ازهار :حاضر حضرت المحقق
تسريع احداث
ازهار حجت للمحقق كولشي
المحقق:وهسه ما عليكم بشي احنا راح نتكفل بالبنات ونوصلهن لاهالين
همام: براحتك حضرت المحقق
ازهار: اشكركم همام كيان من كل كلبي واكيد ماما راح تشكركم بنفسها من تشوفكم تشرفونه ببيتي المتواضع
همام وكيان:ولو ازهار ما سوينه اله واجبنه
قمر :ازهار فرحانه راح ارجع لاهلي واخيرا
ازهار: الحمدلله
قمر:الحمدلله
قمر :مع السلامه همام كيان
همام :مع السلامه
كيان :مع السلامه قمر 😔😔
ازهار وقمر مسكو بيدين بعض ومشو
ازهار :صعدنه بسياره الشرطه ووصلونه للبيت دخلت للباب وشفت ماما كاعده بالعتبه ومدنكه راسها
ازهار : ماما
حوراء رفعت راسها :ازهار زهرتي
ازهار ركضت لحضن امها :ماما شتاقيت الج
حوراء وهيه تحضن بازهار:يا روح امج الف الحمدلله رجعتي الي بخير وضلت تبجي من الفرح
ازهار :لا تبجين يالغاليه ادموعج اعز من روحي
ازهار شفت سرمد ومرتضى وبيبي شافوني واجو عليه ركض
ازهار :بيبي شلونج
ام سجاد :الف الحمدلله رجعتي بخير وسلامه
سرمد ومرتضى :ازهاار شتاقيت لعرايكج ويانه لا ترحين بعد
ازهار: عرفتو غلاتي ها ولكم تعالو احضنكم اشتاقيتلكم
مرتضى :الحمدلله ع سلامتج زهرت حياتي
ازهار: تسلملي يا اغلى اخوان
ازهار : خل ندخل جوه تعبانه
حوراء :امشي ارتاحي
ازهار: دخلنه جوه وبدت الاسئله كلتلهم ع كولشي صار وماما وبيبي اصرن اله يلتقن بيهم وكلتلهم رقم همام عنده
ازهار :انطيني اتصل عليه واكله يحاجيج وهمين انشوف شلون صارت ايدة
ازهار: اتصلت ع الرقم دك
طوط طوط طوط طوط انفتح الخط
همام:الوو
ازهار: الو همام وياي
همام:اي منو وياي
ازهار: اني ازهار
همام: هلا ازهار وصلتو للبيت
ازهار :اي الحمدلله بفضلك وفضل كيان كدرنه نرجع لاهلنه
همام: الحمدلله
ازهار: اتصلت اطمن ع ايدك وهمين ماما تريد تحجي وياك
همام: ايدي الحمدلله زوينه اي عادي مو مشكله احجي وياها
ازهار: هاي هيه
حوراء:السلام عليكم
همام: وعليكم السلام شلونج خالى
حوراء:الحمدلله بشوفت بنتي صرت بخير انته شلونك ايدك شلون صارت
همام: الحمدلله صارت احسن
حوراء:ابني صدك ما اعرف شلون اشكرك انته وصديقك ع الي سويتو
همام: ولو خالى ما سوينه اله واجبنه
حوراء :اريد اعزمكم ع غده يمنه واتمنى ما تردني
همام: والله ما اعرف شكول انشاءالله خير اذا اكدرت انشاءالله اجي
حوراء:مشكور خالى يله اخذ راحتك
همام: مع السلامه خالى
حوراء: الله وياك
همام:بعدني ما سديته وسمعت ازهار تحجي
(ازهار: شسالفه يمه لزكتي بالولد
حوراء:غير اشكرا على مساعدته)
ضحكت وسديته
نرجع لازهار
*****************
ازهار :يمه جوعانه اريد اكل من طبخج
حوراء:اي مو تدللين نص ساعه ويجهز الاكل
ازهار: اوك راح اتمدد اشوي
ازهار :تمددت وباوعت للسقف تذكرت الاحداث مثل الشريط تذكرت من اتصاوب وصاح ومن شفت الجرح
اووووو ازهار شبيج كافي كافي تفكير
اااااه تعبت وما حسيت نفسي ونمت
**********
نجي لقمر والي صار وياها
قمر:وصلنه ازهار وبعدين وصلوني للبيت فتحت الباب وما شفت احد غريب وينهم دخلت لكيت عائلتي كلها كاعده بالهول
قمر:اني اجيييت
ابو قمر ام قمر وخوات قمر واخوها :قمااااااار
قمر: اجو كلهم حضنوني واني ضليت ابجي من الفرح
☆
☆
☆
☆
☆
☆
☆
☆
☆
☆
☆
☆
☆
☆
☆
☆
☆
☆
☆
☆
☆

هلو خلص البرات 1237كلمه اتمنى يصير تفاعل بالقصه وتال اعجابكم وشكراا يا ورودي 😙😙تحيه خاصه من البطله ازهار 🤗🤗