اليتيمه وما تعيشه

بارت 3

بت عمي تركت المدرسه لان كسلانه فصرت اروح وارجع للمدرسه مشي فمره جاي امشي وشفت واحد مخبل مو بعقله واخرس اني اخاف منه فسرعت خطواتي وهو ضل يركض وراي
ازهار هيه وتركض: يماااا لحكيني اااا وتبجي
والخرس يصيح ما فهمت شي منه :اببب ادده خبببر
ازهار :كولشي ما فهمت وضليت اصيح واركض وابجي
وصلت للبيت الحمدلله شفت بيبي جاي تكنس بالطارمه (المنطقه كدام الباب)
ام سجاد: ها ليش تبجين شنو صاير بعد
ازهار: بيبي هذا المخبل ركض وراي بعد ما اروح لوحدي والله اخاف يكتلني
ام سجاد: خوش اكول لابن عمج يوصلج
ازهار: دخلت للبيت باوعت ع المخطبخ لان المطبخ يم باب الخروج شفت امي تطبخ لان وكت صبح تطبخ غده رحت شبكتها
ازهار: ها يمه شنو غدانه
حوراء: فاصوليه
ازهار :ايي احبها
حوراء:جوعانه لو لا
ازهار :اي والله يمه جوعانه
حوراء: روح بدلي واصبلج غده
ازهار: خوش يمه
ازهار:رحت دخلت للغرفه شفت مرتضى نايم وسرمد مو موجود بالمدرسه كلت خل اسوي خباثه
ازهار طفرت ع مرتضى: بوووو اكعد يا حلووو لقد جاء الوحش ليئكلك من شدت الجوع
مرتضى :وثول حتى ثول بعد اجت ست ازهار البيت راح ينكلب كلاب امشي ولي اريد انام
ازهار :ماااا اريد انام يمك
مرتضى رجع نام
ازهار :اهووو بعد لو نام يهو يكدر يكعده
ازهار :كمت بدلت ملابسي وعدلت كصيبتي لان امي ما تقبل افتح شعري لان كان طويل وثخين وبالكوه يتمشط المهم خلصت ورحت للمطبخ ها مامي خلصتي
حوراء: يله كعدي تغدي
ازهار :اوووف جوعانه
ازهار: اباوع ع امي نفس كل يوم حجيها قليل ما تبتسم بسهوله تغديت وخلصت ورحت غسلت وشغلت التلفزيون وطلعت قناة سبيستون كانت باديه دروب ريمي كلش احب سبيبستون والحد هسه احبه بس غيروها كانت برامجها حلوه والحد الان اتذكر جملتهم (سبيستون قناة شباب المستقبل)
مر اليوم عادي باليوم الثاني نفس الشي مدرسه بس وصلني ابن عمي ع البايسكل وبالرجعه نفس الشي مرت ايام واسابيع وشهور وسنوات عاديه ما بيها شي وصلت صف خامس ابتدائي ويوم من الايام بدرس اجت الفراشه صاحت بأسمي ازهار سجاد اني كلت
ازهار :نعم
الفراشه:المديره تريدج
ازهار برتباك :نعم ست اكدر اطلع
المعلمه :روحي شوفي المديره شتريد
ازهار : شكرا ست
المعلمه : ولو حبيبتي يله روحي
ازهار : طلعت امشي للاداره واني خايفه شنو تريد مني دخلت للاداره
شفت غرفت المديره كانت المديره عصبيه والكل يخاف منها بحيث اذا كانت فرصه وطلعت المديره من الاداره الكل يخاف ويروح لصفه
ازهار دكيت الباب :نعم ست اني ازهار سجاد
المديره :انتي يتيمه من الابو
ازهار نزلت راسي :نعم ست اني
المديره وهيه تقدم علاكه ما اعرف شنو هيه :هاج هاي الج اخذيها وروح لدرسج
ازهار: نقهرت وما اعرفت شنو اكول اخذتها لان اخاف تعصب عليه ورجعت لصفي واني مقهوره والدمعه بعيني وصلت لصفي دكيت الباب وانتضر المعلمه دكولي تفضلي
المعلمه :ها ازهار شنو تريد منج المديره
ازهار قدمت العلاكه للمعلمه :هاي ست انطتني هاي العلاكه لأن اني يتيمه
ازهار :سمعت ضحكه من البنات
المعلمه :ليش الضحك ع شنو
الطالبات :ست شنو بالعلاكه
المعلمه :وانتي شكو تدخلين بأشياء ما تعنيج
ازهار ومنزله راسها :ست اكدر ارجع لرحلتي
المعلمه :اي حبيبتي
ازهار :رجعت للرحله والدمعه بعيني
خلص الدرس وراحت المعلمه اجن بنات ثلاثه
البنت1 :هههه اكلج اليوم بابا راح يطلعنه بالسياره
البنت2:اووووي صدوك اكولج اني امس بابا اخذني للسوق اشترالي بدله 55الف
البنت3:خايبات انجبن اني بابا راح يسفرنه لتركيا نبقه شهر او اكثر
البنت1:اي الحمدلله الله يحفضلي بابا وخلي الي احسن من بعض الناس
ازهار: حصرتني البجيه طلعت بن الصف رحت للحمامات دخلت وضليت ابجي ع كلامهن ع المديره واتبت بابا ليش عافني شوي وحسيت شي ينزل من خشمي حطيت ايدي وشفته دم بجيت اكثر لان هذا الشي اني ورثته من بابا خلص الدوام ورجعت للبيت واني مقهزره وتعبانه ما تغديت وما حجيت ويه احد حطيت راسي ونمت
باليوم الثاني اني كرهت نفسي اتمنيت الموت لا دراسه ولا شي صار روتيني سكوت الاكل قليل ونوم هواي

609 كلمه تفاعلو حتى انزل بعد اتمنى تعجبكم