أبّكمُ القهوةْ#اكتملت.

#البارت الأول.

- ڤوت ، كومنت اذا ممكن.
- كل خاطرة تنتهي ب ( ج ) هي من كتابتي
عدا ذلك إقتباس.
- تويتري؛ood_ii.
- انستا؛jelf9_
- إستمتعوا ♥️.

———

ومررتُ منكِ قاصداً كوب قهوةً
لم أكُ يوماً أعلمُ أن قهوتي نهايتي
زادَ تعجبي في كُل مرةٍ حتى ظننتُ
أن م تضعونهُ ليسَ سكراً وإنما؟
سحراً ظاهراً وغيرُ ذلك لا يكونُ ... ج!

_______

القصة تبدأ في كافيه صغير على نهاية الشارع ، كافيه هادي كل اللي يصدر منه صوت مكائن القهوه وريحتها ..

يسود على شكل المكان اللون الرمادي الداكن والاضواء الخافته وطبعا عبارات من أشهر الأغاني هذا غير عبارات محبي القهوه أكيد.

( داخل الكافيه )

ريما وهي تمسح الطاولات : ع بابي واقف قمرين واحد بالسما
.. - تغني -
جود تضحك : ياروقانك ي ريما
ريما تلعب بشعرها : تحسبيني مثلك نفسيه من الصبح
جود تضحك : فيني نوم مو نفسيه عاد حرام
ريما : يعني بالله ايش احسن من هالمكان تبدين فيه يومك
جود : الله اكبر يالمكان ترا كل ابوه كافيه

.........

ريما / بيضاء ، عيونها واسعه وعسليه ، شعرها طويل وبني داكن ، قصيره ، ملامح هاديه ...

جود / حنطيه ، عيونها سوداء ، شعرها قصير واسود ، بيبي فيس ...

...........

يقاطعع حديث ريما وجود دخول اول الزبائن اللي كان شيء يصير بشكل روتيني ويومي .. !

إيلان يكتب طلبه : واحد امريكانو لو سمحتي
ريما : مع سكر ولا بدون ؟
إيلان : بدون
ريما : ان شاءالله تفضل ع مايجهز طلبك
إيلان يجلس : ......
جود : طبعا امريكانو بدون سكر
ريما تضحك : هيه
جود : شو سالفته من اشتغلنا وانا اشوفه كل يوم
ريما تمزح : يمكن معجب فيك
جود : لا والله شكل اليد اللي تسويله القهوه فيها سحر - تقصد ريما -
ريما تضحك : طبعا حاصله ريميه تسويله قهوه
جود تخزها : سوي الطلب وانتي ساكته بس

............

إيلان كان الوجه المألوف على ريما وجود كل صباح الساعه ٨:٠٠ بنفس الطلب اللي ما تغير لأشهر طويله والحيره كانت تملي المكان ، شو سر هالشخص مع هالتوقيت والطلب ..؟؟

إيلان / اسمر ، عيونه واسعه وخضرا ، شعره اسود لرقبته ، ملامحه حاده ، طويل ، ابكم

.............

ريما تناديه : تفضل طلبك
إيلان يكتب : شكرا
ريما ترد وتهمس لجود : حتى نفس الطاوله مايغيرها
جود : بجرب اجلس فيها يمكن تعطي فلوس شيء
ريما تضحك : حتى لو تطلع فلوس على نحاستك انتي مابيطلع الا التراب
جود تستهبل : الله يسامحك ع هالقسوة بس
ريما : انزين شو يكتب عاد ابا اعرف؟
جود : خليه يولي اشتغلي انا اقول
ريما : مليت من الشغل وتعبببت - تتأفف -
...............