أبّكمُ القهوةْ#اكتملت.

#البارت السادس عشر(النهاية-جزء١).

( غرفة ايلان )

رون تدخل وتنحرج : اوه انا اسفه ماكان ع بالي شسمه هذا بس باي
ريما ب احراج : تعالي ادخلي عادي
ايلان يضحك : وش فيكم كذا؟ تعجمتوا مره وحده
رون بربكه تطلع : لالالا خلاص من تخلصون بكلم ايلان
ريما لإيلان : شفت كيف فضحتنا الحين الناس ع بالهم فيه شيء
ايلان يرجع يقرب : ليش يعني مافي شيء ؟ - يغمز -
ريما تتوتر وتهرب : شيء لك انت لا طبعا تخسي

......... ايلان يحاول يمسكها ..........

( الصاله )

جود : شف البزران بس يالله صبرك
ريما تجلس جنب جود : هش هش يلا
رون تنادي ايلان : تعال شوي لو سمحت
ايلان لريما : حظك اني مشغول ولا صدقيني مامشت علي
ريما : انقلع بس انقلع
رون : بس خلاص انت وياها تعال ايلان

............

( برا الشقه )

رون : ايلان لو سمحت
ايلان يقاطعها : عشان ريك صح !
رون بزعل : لاتقول خليه انا قلبي عنده والله احاتي تسوي فيه شيء
ايلان : مابتقدر تسوي شيء لريك
رون بخوف : ما اقصد تضره بس اخاف يعني
ايلان يكمل عليها : خايفه يرجع يحبها صح؟
رون : قلبي عنده خلاص والله مابي يودرني رجعه ايلان لو سمحت ؟ 
ايلان : انا خايف اخرب عليه يمكن يكون مفكر بشيء
رون : مابي ايلان خ نخرب عليه ماعندي مشكله بس يرجع بخير هنا
ايلان يرفع شعره : طيب بشوف شو اقدر اسوي
رون : ماتصرفني صح؟ بتقدر تطلعه؟
ايلان يهديها : ما اصرفك والله بس اهدي انتي وريك بيطلع ان شاءالله
رون تدخل : طيب ان شاءالله

...............

رون بدا ياكلها قلبها كونها تعرف ان قلب ريك للحين يحب زينه ع كل شيء صار ؟ الا انه من يقدر يلوم ريك في حب عمره ؟ اللي فنظره بدون عيب او خطأ.

..............

( بيت زينه )

اليس تستهزء : يعني لمتى هالعناد خلاص ماله لزمه اهجدوا وارجعوا لبعض وانتهت القصه
ريك يضحك : الحمدالله والشكر حقيقي انا اول مره اقابل ناس مرضى هالكثر
زينه : يعني كل هذا بسبب رون؟ رون غيرتك لهدرجه؟
ريك : رون صحتني على نفسي ورتني اني اللي ذابح روحي عشانها ما اهتممت لي اصلا
زينه تضربه كف : انا لي اسم تسمع ولالا ؟؟؟ ومافي شيء بكيفك تسمعني
ريك يعصب : فكيييييني فكي الحبال وبعدها تفلسفي علي واضربي بنشوف فكيي
زينه تخاف وترجع :..
ريك يصرخ : تحسبيني برجع لك كذا ؟ غبيه انتي؟ كرهتيني فيك وفاليوم اللي حبيتك فيه ماسويتي شيء ترا صدقيني كارهك
زينه تسكت :..
اليس تحاول تتدارك الموقف : تعالوا امسكوه لي - تكلم الشله -
ريك : ماتقدرين الا فيهم فكوني طيب وقتها نشوف من يغلب ؟
اليس تضربه ابره : هالابره بتسكت صراخك شوي !
زينه : وش ذا ؟؟
اليس : لا تحاتين انتي الثانيه مسكن ترا خليه ينام شوي صدعنا