أبّكمُ القهوةْ#اكتملت.

#البارت السابع.

فقدان شخص تحبه يولد أحيان فقدان عقلك معاه ؟ لدرجة انك ممكن تسوي أي شيء عشان ترجعه حتى لو كان الشيء هذا بيضره!.
...........

( الكافيه )

مالك الكوفي : صباح الخير
الكل مستغرب : صباح النور
مالك الكوفي بحزن : انا حاب اعتذر لكم اول شيء عن اللي بتسمعونه مني بس للأسف مابيدي حيله خلاص وكل شيء كنت اقدر اسويه سويته
جود : شو صاير؟
مالك الكوفي يكمل : انا خسرت كثير على هالكوفي وللأسف ماعندي باقي عشان رواتبكم ومصاريف الكوفي ف اضطريت اني ابيعه
ريما بصدمه : تبيعه كيف!! ايرادات الكوفي تمام والحسابات موجوده
مالك الكوفي : اعرف هالشيء لكن ماعندي استثمر فيه زياده ف اضطريت ابيعه
ريك يدخل : وانا اشتريته منه عشان مايروح عليكم شغلكم وتعبكم فهالمكان ع الفاضي
ايلان يعصب : كنت اعرف انك ورا هالسالفه الكوفي مافيه شيء بس اغريته بالفلوس اكيد
مالك الكوفي : لا هالشيء ماحصل انا قريب بفلس لو تميت اصرف ع الكوفي ووجود ريك انقاذ لكم كلكم
ريك : انا مابكون المالك وتنازلت وصار بإسمك - يقصد ايلان -
ايلان : من قالك اني احتاجه منك انت اصلا!!!
ريك يحط الاوراق : انا اعرف انك ماتحتاجه عشان كذا فلوس هالكوفي دين عليك مو هديه.
ايلان : شيل اوراقك من قدامي لا والله تشوف شيء ماشفته
ريك : مشكلتك مخلي زعلنا فالشغل وها مب علامه زينه لمدير جديد! ركز بشغلك وبالكوفي حقك وبالتوفيق

............... ريك ومالك الكوفي يطلعون ................

جود : عادي اقول شيء؟
ريما : وش ؟
جود : من مصلحتنا الكوفي يكون ل ايلان بنسوي كثير اشياء وبنكبر المكان وبنطوره صدقوني مو مهم مين اشتراه المهم انه ملكنا
ايلان : مابا اكون محل شفقه عند ريك ويمن علي بيوم بشيء سواه لي
ريما تجلس جنب ايلان : اعرف انك بتأكلني خرا بس صدقني انت ربحان وبعدين بفلوس الايرادات تقدر تدفع لريك وتفك نفسك فالنهايه ماراح يقدر يقولك شيء
ايلان يحك راسه : مادري شو اسوي
جود : خلونا نقفل الكوفي اليوم ونطلع مكان كلنا ونخطط شو نجدد وشو نخلي ! هالمكان صار لنا انتوا مستوعبين!

.............

في وسط فرحة جود وريما بالمكان الا انه ايلان كان حاس بقهر وضعف قدام اخوه ريك! ريك دايما يقدر وايلان لا ريك دايما عنده وايلان يدينه فاضيه ؟ ياترى التحدي اللي دخله ايلان بيكون في صالحه ولا عليه ؟.

................

( غرفة ريك )

زيد : يعني كذا انت بتكسبه؟
ريك : هيه يعني اشتريتله الكوفي وش اكثر؟
زيد يضحك : انت كذا حسسته بضعفه وزدت السالفه عليه كان المفروض تتقرب منه مو تشتري له الكوفي وتصير فوقه بمراحل
ريك يجلس: والله ماصرت اعرف وش تبوني اسوي !
زيد يجلس جنبه : مو كل شيء فلوس ريك افهمني احيان كلمه ممكن تغير معك مليون الف شيء والله
ريك : شو تبيني اسوي ؟ خبرني
زيد : كلمه حاول معه ورييه انك حوله ياخي
ريك يقوم : والله دخت معك ترا! انا اشتريت له الكوفي يعني اني حوله كيف ابين اكثر من كذا
زيد : رجعنا لنفس الموال مو كل شيء فلوس لا اهفك الحين كف !