أبّكمُ القهوةْ#اكتملت.

#البارت الرابع

( غرفة ريما وجود )

ريما تبكي : الكلب كلها خاطره وعنده كثار يعني ليش يسوي فيلم ؟
جود : ماما؟ انتي فاهمه غلط مو مندي هو عنده كثير ! خواطره ذي تعبه وتفكيره وحوسته
ريما : انزين يعني عجبتني
جود : عجبتك تسرقينها ي الطمطمه - الخبله - ؟
ريما تضحك : لا خذتها انا
جود تشد شعرها : الله اكبر !! فرقت يعني لو انك مستأذنه يمكن يعطيك
ريما تقوم : يعني اروح استأذن؟
جود تفرها بالكتاب : ماشيء كرامه م شيء خجل من النفس ؟ توه ماسكك سارقتنه
ريما تجلس وتتأفف : اففف ياربيي ! كله لا لا 

........... إيلان يدخل ......

إيلان بدون نفس : بكره لارحتوا الدوام صحوني؟
جود تلف عليه : شرايك نسوي لك فطور
ايلان يقهرها : تسوين خير والله خلاص بكره بفطر من ايدك
ريما تضحك : احسبيني معه
ايلان : حطي للحراميه صحن بعيد عني ماباها عندي اخاف تعديني
ريما تقلده : اننن ترا كلها خاطره بكلمتين
ايلان : ليش سرقتيها عيل يوم كلمتين !
ريما تلف الصوب الثاني : انا احسن انام

............

فيلم توم وجيري بدأ والقصه توها تحمى واللي بياكلها ع الاكيد جود!.

.............

( بيت ايلان )

ريك يدخل : سلام
ام ايلان : من وين بيجيني السلام اذا انت موجود؟
ريك يصارخ : يعني كل هذا عشان واحد اصلا مو ولدك لا ومريض نفسي بعد
ام ايلان تطلع : ع الاقل ماكان يرفع صوته علي ياللي تسمي نفسك ولدي
ريك يطلع : اوهههوه علينا انا اطلع احسن لي
ام ايلان : روحه بلا رده ان شاءالله

..............

( عند اليس وزينه )

اليس تضحك : طلع ريك رايح فيها معك والله!
زينه : عاد زينه انا مب اي احد طبيعي
اليس : ما سألتيه شو صار معهم ؟
زينه : الا لا امه ولا حد يكلمه فالبيت وطبعا ايلان طلع للشقه خلص ويشتغل بكافيه
اليس تضحك بقو : اما اييلان فييي كافيييه - تمد بالكلام-
زينه تلعب بشعرها : هذا مصير اللي يحط راسه براس زينه
اليس : ويت ويت عندي فكره؟
زينه : وش ؟
اليس : نروح له الكافيه ابا اشوف شكله
زينه تضحك : امشي والله
اليس : لكن ويت وريك؟
زينه : افف خليه يولي هالريك تعبني ناشب لي في حلقي

.............

مشكلتنا الحقيقيه ان نحن مانقدر نشوف مكانتنا فقلوب اللي نحبهم فنضحي ونعطي ولا حتى ننتبه انه نحن جالسين نهلك قلوبنا ونرسم نهايتها ع ايد بشر ماتستاهلها ...!

.............

( الكافيه )

جود : امسك الكاشير بيكون اسهل عليك كبدايه بس شوف لو ايش مايصير تم هادي ولا تتننرفز
ريما : لان بتصادف زبايل بس مشيها لهم
ايلان يستغرب : لا والله ؟؟؟ م امشيها لاحد
ريما تتأفف : تعالي شوفي شغلش مع هالمستجد
جود تضحك : يا ايلان ي ايلان الناس كذا انواع فيه اللي بتحب تتتعامل معه وفيه اللي بيكرهك فالكاشير
ريما : وطبعا ٩٥٪؜ منهم بيخلونك تكره عيشتك ف ركز ع الطلب وابتسامتك مهمه
ايلان : تعليمات ثانيه معاليكم ؟
جود تمزح : لاتفرح مو كل يوم تمسك كاشير حلو؟ بتكرف داخل بعد
ايلان يضحك : ماعندك مشكله
جود بصدمه : طلع ادمي مثلنا يضحك !!!
ريما : اقول خلوا عنكم السوالف يلا اشتغلوا

.......... يقاطعهم دخول زينه واليس ..............

زينه : احم احم
اليس : صباح الخير ايلانو
ايلان : تفضلوا شو طلبكم؟
زينه تضحك : ماشاءالله مدربينك بعد لا حلو اخيرا فلحت بشيء
اليس : يعني لو ساكت ومسوي نفسك ماتعرف شيء احسن من هالحال
زينه : ارتحت يعني يوم عرفت الحقيقه وانرميت!
ايلان : تبون شيء ولا ؟
زينه : هيه اباك تعرف انه مب زينه اللي تحطها براسك لاني بفجره من اساسه فهمت
ايلان ببرود : اوكيه ي القنبله الموقوته
زينه تنقهر : وتستعبط بعد
ايلان يضحك : عاد شسوي كذا الواحد يتعامل مع الكذابين يمشي لهم بس
اليس : احترم نفسك انا اقول
ايلان يطلع من الكاونتر  : ياربي والله خفت حقيقي من بعد كلامك انتي بالذات
جود تجي : شو مستوي بسم الله؟
ايلان : مافيه بس زباين فله وكذا
اليس : مشينا بس خليه يصب قهوه وهو منقهر ع حاله
ريما : تتفضلوا برع ولا ندق ع الشرطه! وانتوا لاتردون ع هالاشكال - تكلم جود وايلان -
ايلان يضحك : لا امانه خليهم يونسونا شوي
زينه تنقهر وتطلع : اوريك الحين شو بيصير

................

( برا الكافيه )

زينه تدق ع ريك : ريك اسمعني ترا ايلان زودها معي
ريك : شو اللي صار؟؟
زينه : نفس حركاته واليوم جينا الكافيه وكنت بعتذر له اذا انا السبب في شيء من اللي هو فيه
ريك يعصب : ليش تسيرين له اصلا انا مافهمت !!!! تعتذرين ع شوه لاتجننيني
زينه : انا كنت بعتذر بس وهو على نفس حركاته
ريك : خلاص روحي من عند الكافيه وانا بجيه وبتصرف ! ولاتسوين شيء من راسك ممره ثانيه

............

يخلق ناس تصدق لمجرد انها تحب بدون لاتفكر او تستخدم مخها شوي ! بالتالي ننتهي بظلم اشخاص مالهم ذنب

.............

( الكافيه - بعد ربع ساعه من الاتصال - )

ريك يدخل ويصرخ : يعني ما تتأدب ابدا ومصر تاكل زق
ايلان : هييي هييي احشم عمرك شوي المكان مكان عام
ريما : وين عايشين نحن داخل تصارخ علينا كأنك ثور هايج
ريك يصفقها كف : والله ما الثور الا انتي والخمه - الزباله - ربعك
ايلان يمسكه ويبدا يضرب فيه : تمد ايدك عشان وحده خاينتك ياغبي ي حمار فتحح مخك شوي
ريك يدفه : لاتتكلم عنها وانت اللي مسوي هالمشكله كلها
جود تصرخ : ي مصارعه ي wwe توقفون المهزله بالله؟
ريك : كثرانين حولك ماشاءالله ومستقوي فيهم ها - يكلم ايلان -
جود : ايش مشكلتك انت جاي تصارخ شتبي
ريك : خبرها ش ابي خبرها ي محترم ليش انا جاي اصارخ
ايلان : الطيب هذا يقول اني اتحرش ب الانسه حقته
جود تضحك : ام العقارب؟
ايلان يضحك : ليش فيه غيرها
ريك : نعم انتي الثانيه !!! ش الخمه اللي انا بينهم
ريما : انا عندي حل فيه كاميرات بالكافيه شوفها وشوف مين الغلطان ع الثاني وانتهينا
ريك : مابا اشوف فيديوهات ولا شيء خلك بعيد عني وعنها !!!
ايلان : طبيعي لانك عارف انه هي الغلطانه بس ماتبي عشان ماتخسرها
ريما تشغل الفيديوهات : هذا فيديو اليوم وين التحرش ف حرمك المصون
ريك يشوف ويسكت : ...
ايلان يرجع التسجيلات : وهذا اللي قالتلك انا تحرشت فيها بعد ما انت رحت
ريك ساكت : .......
ايلان : عشان تعرف بس اني مالي مصلحه اخرب بس هي تخون هي ماتحب هي هنا عشان نفسها بس
ريك يطلع : ......

.............

الصدمات م يجي قبلها انذار يجهزك لشيء بيكسر قلبك وخاطرك !

#انتهى.
# البارتات بتكون قصيره لان مافي تفاعل وماكنت انوي اكمل بس عشان فيه ناس تتابع حرام اتركها ♥️.
#كومنت وفوت إن امكن.

.........