#روايه_عاهره_في_طيات_العمائم# الكاتب كاظم العربي
قصه جريئه اشويه ان شالله تعجبكم
سوي متابعه على حسابي الخاص لكي يوصلكم بكل نشر شعار
بارت 1🌷
قصتي قصه حقيقيه من واقع حال أكثير من نساء مظلومات في المجتمع الشرقي عامه وبالعراق خاصه
اني لا أتكلم ع جهه معينه او حزب معين اتحدث عن مجتمع كامل وبيئيه نعيش بيها وعن امراءه ضاعت وراه ستار يسمونه الدين والشرع مع احترامي الى ديني ........أتكلم ع ناس مزيفون زيفو الدين والدنيا
أبدا قصتي من بدايه حياتي
اني أيه ........ اني اصغر وحده بالولد والبنات
عندي ٣ اخوه وا٢ اخوات اني ثالث وحده بالبنات اصغر وحده بيهم
امي وابويه اكبار بالعمر
اني كنت كلش جميله صحيح مو عيوني ملونه لكن صاحبه عيون وساع ورموش كثيفه وبشره صافيه وملامح ساحرة وعندي جسم جميل وبيه جاذبيه
من صار عمري ١٢ سنه. الناس تخطبني
اهلي ناس عاديه من طبقه وسطى
ناس عدهم البنيه اول وتالي للزواج .....
اني بصف سادس الكل تخطبني ... ابويه عنده اخوان اهواي عمي الصغير حاجزني الى ابنه منذر
يعني من صغيره محجوزه الى ابن عمي .... كنت طفله مااهتم لهذه الموضوع طفله حياتي عباره عن لعب امي وابويه مدلليني لان اني اخر العنقود
اخواني مزوجين وعايشين ويانه كل واحد غرفته وملحقاتها بس غرفه لأمي وابويه..... والبنات مزوجات كل وحده عايشه ويه زوجها .....
كانوا اهلي منتظرين ابلغ حتى يزوجوني منذر
كان منذز عمره تقريبا ٢٥ سنه كان موظف بالتصنيع العسكري. اسمر وسيم جدا
يعني اني وهو مناسبين للبعضنه كلش ....... كل مااكبر. يزداد جمالا
اشويه بدا اوعي. وبدا تنمو عندي غريزه الحب يعني بدايه مراهقه
بدا يجينه منذر يباوع. عليه نظرات
واني هم اباوع عليه حسيت نفسي احبه
اجي أتعمد. أفوت يم كدامه حتى يباوع عليه
مرات يغمزلي من جوه للجوه
افرح وكلبي يفرفر
أيه
هااا
تعالي شيلي هذه الاستكان
رحت شلت الاستكان كبل جرني وباسني اول مره واحد يبوسني غير ابويه وامي
اني طفرت كبل للسطح بعد مااعرف شنو جرالي
صعد ورايه
أيه اشبيج طفرتي
اني كبل غمضت اعيوني من المستحه
تعالي لا تستحين اني بعد كم شهر واصيرين مرتي
وجرني.
لا عفيه استحي لا يشوفونه
وإذا شافونه
لا عفيه فرغت روحي بالكوه ورحت يم امي
سرحانه ورايحه بعالم الحب والغرام اول مره بحياتي أحب واعشق
كنت مااعرف شنو البلوغ صارت علامات
خفت كمت ابجي
ظليت خايفه مااعرف شسوي استحي احجي
بينت علامات. زوجه اخويه شافتني
راحت كالت لامي
المهم مااطول السالفه
اشتهرت كلها درت يمكن حتى الكصاب هم عرف
تقريبا شهرين جهزو العرس
حضرو النيشان والجهاز
اني كلشي مااعرف. اعرف ان العروس تلبس بدله
بيضه ........واتخيلي حمره وابدل .....ماعندي فكره ع الزواج وشنو هو
صار يوم أربعاء سولي حنه وحفله واني أتعارك هاي ليش جايه مو اني مزاعلته
وكل اشويه اكول طلعو الجهال وأريد اكوم اباوع ع روحي كوه مكعديني ع الكرسي
واكل جكليت يعني طفله مااعرف كل هاي الشغلات
صاررر العرس زفه وموسيقى اخذوني للصالون
طبعا تسريحه ومكياج
الناس الي يباوع يظل صافن ع جمالي
إجاني منذر .... هاي شطالعه يمومه. مرتي كمر
استحيت ودنكت شاورني اليوم اكلج اكل
اكول بكلبي هذه مخبل شنو اني كرصت خبز وياكلني من كل عقلي
عرس حلووو واني متت جوع
كل شويه اكل لامي جوعانه امي اتعض بشفتها عيب استكتي العروس ماتاكل
ادري شنو متاكل يعني اموت جوع والله هسه اطفر ع الأكل
اختي اجت يمي كالت من يزفوج اني اصعدلج عشه
كتله زين سويلي لفه اصغيره
ولج عيب لاتحجين واني اتعظ بالاصبع وبالشفه
زفونا ........ اختي حجتلي هيج وهيج ع السريع اي كلمه من الي حجته مااستوعبته
دخل منذر هيبه وطول
دخل كال هلا بمرتي
&
&
بارت 2🌷
كتله عليك الله لاتاكلني هسه انعام اجيب عشى
هو ظحك كال ياعشه اني اقصد اكلج
بدات شغلات العروس والعريس
بالكوه صار الي صارررر بين العرسان
ظليت اسبوع ابجي واخاف
الى ان اتعودت ع منذر وهو يفهمني اشويه اشويه
منذر فتح عيني ع العالم
احبه بجنون وهو هم مدللني
اخوان منذر سبعه اربعه طالعين والباقين بالبيت خمسه مزوجين واثنين بعدهم عزاب اني انطوني شغل بالبيت
اني طبخ مااعرف اطبخ ابد
عمتي تطبخ وتخبز
اني انظف البيت
ومرت حمايه هم اتنظف
احنا مسوين ايام جدول الشغل يعني مرتاحه بديت اصير احلا وأحلا من اطلع الناس تحجي ودائما يتعارك منذر
حتى بيت عمي مرت حمايه من يجي رجالها اتكول اصعدي للغرفتج
قرر منذر البس بوشيه حتى محد يشوفني وجهي وجسمي كل ماانطلع يتعارك ويرجع يضربني
قرر بعد مايطلعني ال للضروره واني مثل العميه كله اي اي ....بس اكول احبه فتحت عيني
مره الايام شهر ... شهرين ....ست اشهر منذر بدا شكله وضعه ينزل شنو السبب مااعرف
اني اهنا عمري ١٥ سنه بعد الزواج سمنت وجسمي بدا يكبر اكثر واكثر
منذر صحته مو تمام شنو يأكل يتقى (يزوعه)
اني ماكنت افهم هاي الأمور
اهله بدا يراجعون بيه الأطباء
واهنا اكتشفو عنده سرطان القالون
العياط والنَّاس والبجي خطيه كان يتأذى اهواي ومرات يباوع بعيوني اعرف بيهن حجي هواي بس ضامه بگلبه .... من اتمرض بعد ماوصل يمي
بدا ياخذ علاج الكيماوي.
بدا منذر يضعف حتى شكله اختلف الى ان وصل الى نهايته وخلو راْسه ع القبله
بدا الناس تجي وحضرو كلشي اني رغم شكلي مال امراه لكن عقلي گلبي مال طفله
من سمعت العياط من مات كمت ارجف وخفت شفته اخر مره هيكل عظمي ونايم
مات منذر اني بعد خوف ع رعب ع خزن كمت اعيط واملخ بشعري
أنجمعت الناس والأقرباء استمر العزاء سبع ايام
بعد بدا الناس كلمن يروح للبيته
اني بقيت يم عمي ومرت عمي
كالو ابقى اهنا يمنه
منذر وصه عليه لكن ... شلون ابقى ونسولن حمويني مايشوفني من الحقد
اني كنت مزوجه محد طايقتني هسه ومنذر مات واني بعدني زغيره
&
&
&
#روايه_عاهره_في_طيات_العمائم 😻🦋
بارت 3🌷
نسًوان حمويني بدا يحكولي شي بس مااعرف شنو
وبيوم مااحس ال حماي الي ويانه بالبيت سحلني من شعري ويدفر بيه
عمي صاح اشبيك وياها
يابه هاي موتت منذر
ولَك شلون
كبل طلع حصو مااعرف شنو
كال هاي مشربته سحر وموتته
صار ظربي عمل شعبي
طبعا اني مااعرف شنو السالفه اخذوني سحل للاهلي
وصارت مشاكل
ابويه اهنا كان متوفي بس امي
كالت تعالي اكعدي وياي راسي ع راسج يايمه
بقيت اسبوع اون من الوجع والضرب
حتى اهدومي وذهبي وغراضي اخذوهن مني بست عمي
بقيت تحت رحمه الجناين لا مصرف لا شي اني وامي
ياكلون كلهم والباقي الي والامي
قهر بقهر
صار ست اشهر بعد موت منذر
دخلت علينه جارتنا سلمت وكعدت يم امي
فتحت ويه امي موضوع ابن حماتها يتيم يريد يزوج
هو خوش ولد بس فقير
اسمه فلاح
طبعا اني كيفت بس خلي اطلع
اني فاتحت اخواني بدون محد يسال وافقو عليه
اجه فلاح كان اسمر وضعيف شكله مو حلو مو بشكل منذر طول وجمال وهيبه
بس كلت المهم هو رجال يستر عليه
جاب خاله جيرانه وخطبني بس حلقات
وكال راح اجر مشتمل
وره شهرين جهز حاله عقدنه جاب بس كم قطعه ملابس وكلشي ماكو يعني فكرررر
هم كلت ميخالف
عرست
شفت اول ايام العرس حباب ويستحي
اسبوع اسبوعين صحيح فگر وكوه العيشه بس ميخالف
كاعده بخرابه واكول ميخالف شهر تقريبا بدا الولد يتغير
ظهر ع حقيقته
يجي يطوطح مرات سكران وريتحته تذبح
ومرات يطوطح من الحبوب
هم كلت يالله احسن من حكم نسوان اخواني
بس بدا يظربني وابالضرب يقسى عليه حيّل ياذيني
بسب وبدون سبب وشنو السبب لو نايمه وهو جوعان لو مااسمعه من يصبح
صااااار عليه وحش استمر هذه العذاب تقريبا ٣ اشهر الى إجاني فد يوم عصبي وسكران
صاح كتله هسه اني كلت هسه لو ابتليت
كطعني تكطع وبعد ركض ع السجينه اني من شفت السجينه .
اخذت عباتي وطفرت من البيت اركض بلا وعي اكو برأس الشارع ابو محل اتلاكاني
هااا بويه شبيج
عمي احميني
خيرج بويه
رجلي يريد يذبحني
ليش يابه
اني كبل دخلت بمحله وكعدت بزويه
كال لاتخافين انتي دخلتي عدي دخيله بس انت شمسويه
والله عمو كلشي مامسويه
الرجال صافن بوجي ويحجي
اني ارجف من الخوف
زوجي طلع ورايه بس مالحك بيه بس شافني مااعرف دلووو عليه
دخل ع ابو المحل وكاله اريد مرتي
ابو المحل كعده وجابله مي
كله ارتاح يابه
شبيكم ليش يابه اتريد تحركها بالسجين
كال بكيفي اني &&&
#روايه_عاهره_في_طيات_العمائم للكتب KazemArabi
سوي اعاده توجيه للي تحب يقرا معاك
