بارت 17 للكاتب كاظم العربيَ
صعدت فوك دزيت بوسه رساله للسيد
قراها بس ماجاوبني
احس روحي تعلقت بيه بقيت يمها بس مرات بالخطف اشوفه
المراءه دللتني كانت رونق وزوجها شهر عسل بلامارات
اني باقيه بيتهم
ثاني يوم من طلقتني السيد
كتبلتله رساله
اني اشكرك وربي يحفظ الي
دز شكرًا
فرحت ع هاي الشكرا
وره يومين كمت البس واكخشك وانتظر جيته
هو يحاول يتهرب حتى من النظره الي
ظجت لازم اجيبه باي طريقه
وكفت بالباب انتظر جيته دخل عليه
اني بوجه سلم وعيونه بالكاع
كتله ليش ماتباوع عليه
كال انتي شتردين طلاك وطلكتج بعد شتردين
كتله بهمس
اريدك ........احبك
ورحت للغرفه
هو دخل ورجع للمكتب مالته خطيه اتعثر بخطوته
اني رجعت كعدت بالاستقبال
ولا. كانما صار شي
بقيت كاعده شويه وكتله خاله اريد انام
تصبيحين ع خير
صعدت دكيت عليها ماشاله
كتبتلك ليش ماترد
كتب بسرعه كانما ينتظر مني رساله
كال انت شتردين
كتله احبك مااكدر موبيدي
انت سحرتني
اني احبك ومستعده اصير جاريه تحت قدمك
كلشي مااريد منك بس اباوع بعيونك
موبيدي سحرك شدني
ماجاوب
كتبلته تصبح ع خير
ونمت فرحانه
الصبح دزيتله بوسه وصباح الخير
واستمريت تقريبا يومين ثالث يوم اني كلت هذه الابسني
واشوف كتب صباح الخير
ردت أطير
من الفرحه
اهنا بدت علاقتي بالسيد الجبير . حبيته وحسيته مثل الطفل
اول مره أحب واعيش الحب
شهر عبالك اعرف من عشر سنوات
حب ماكو منه
اجت رونق وشافتني
اتعجبت ع بقاي ابيت السيد
ظلت تحجي لكن العلويه كالت مالج دخل بيها
السيدا لجبير سمع
كال لاتخافيني
كال للعلويه ايه اجينه عليها خطاب واني راح انطيها
كالت منو
ابن صديقي بغير دوله
وراح اوديها
&
&
&
#روايه_عاهره_في_طيات_العمائم
بارت 18
كيفت العلويه اني اتعجبت من حجيه
كتبلته صدك
كال لا معليج اريد ابعدج عن البيت
صدك وره اسبوع اجت عليه سياره
وسائق وداني للبيت حلو وجبير
بيه عجوز عمرها بالثمانين
جبيره كلش استقبلتني ورحبت بيه
ماعرفت هاي منو
وليش اني اهنا
من شافتني اتعجبت من جمالي وحلاتي كالت ماشالله
كعدت خايفه صدك. كان عد العجوز ابنيه تشتغل قدمت كهوه وحلويات
اني بحاله ذهول
كاعده اسولف
ودخل السيد
من شفته ردت روحي الي حبيبي
باوعت بعيونه وهو هم سلم وكعد
كال ايه هاي اختي جبتج امانه يم اختي ومن تخلصين عده اعقد عليج
ماصدكت راد گلبي يوكف
وكال مصرفج ماشي وشنو تردين امر
وندار ع العلويه اخته كالها هاي امانه
ضحكت وبعدين
كالت سيد وإذا درو اهلك هسه اني شنو موقفي
مال محد يدري اخذها منا للغير مكان بس تخلص عده
يبووووووو صاعقه كهرباء ونشطت عقلي وگلبي
بقيت يم اخت السيد كانت المراءه مثقفه وكاتبه وشاعره
كانت تعرف ناس مو عادين طبقه مثقفه من الناس
الكعده ابيتها استفاديت واتعلمت حتى عقلي احسه كبر
كان السيد اقل شي يحجي وياي بالتليفون عشر مرات
وينطيني كل تفاصيل يومه
صرت خبيره بالبس والمكياج وعندي كم صديقه عدهم محلات ملابس عالميه يعني ماركات
خلصت العده. اجه السيد عقد عليه حتى محكمه وأخذني من بيت اخته الى مكان مو بعيد عليه بيت اشتراه لي هديه عرسي واثاثه ع ذوقي
الاثاث كله من الخارج
عرست وهدالي طخم الماس. كلش غالي
وماسويت عرس بس هو وعدني يعوضني هذه اليوم
خلاني انسانه
حسيت حياتي بس ويااه
صار كل حياتي وصرت كل حياتها
كان كل مايروح دوله اروح وياااه
&
&
&
#روايه_عاهره_في_طيات_العمائم
بارت 19
وكان يحضرلي احد يرافقني اخاف ينشغل عني
عوضني حياتي دللني
اشترالي بيت ثاني والاجار الي
قررت افتح مشروع مع احد صديقاتي
واقتنع وأخيرا ضحكتلي الدنيا
ماصار عندي
راجعت أطباء هواي ومن كل دوله لكن ماكو فايده
كالو مابيه اي شي
ردت بس شي يربطني بالسيد ماكو
استمرت سعادتي ويااه سنتين
احبه حد الجنون كنت اخابر اهلي وادز لامي فلوس مرتين امي زارتني رحت للحج وامي ويااه وطلبت طفل
لكن ماكو
اني دللت السيد دلال مو طبيعي خليته مثل الطفل وامه
واني وفيت ويااااااه
كنت اعيش بالبيت وحدي وعندي امريه اسمها ام حسن
كانت مره تطبخ واساعدني بالتنظيف بس من يجي السيد هي ماتجي
فديوم محد بالبيت بس اني كنت منتظره جيت حبيبي ولابسه متحضره الي
اندك الباب
اني رحت فتحت كنت اظنها ام حسن
واشوف العلويه ام منتظر ورونق بالباب
فتحت الباب شفتهم أنصدمت العلويه كبل اغمى عليها
وكعت. بالباب
ورنق ظلت تغلط عليه
اني ماعرفت شسوي دخلنه المراه اللبيت شافت البيت رونق
وجبت مي ذبيت ع المراءه صحيتها
كعدت وظلت تعيط وتبجي وتدعي عليه
وجان كامن اثنينهم عليه ملخوني وهلسو شعري وعظ. للحد ماوكعت فاقده
ماحسيت ال اني تكعد بيه ممرضه واشوف مشدده اديه
والسيد يم راسي وهو يباوع عليه
فزيت كلشي بجسمي يوجعني
كال لاتحركين حبيبتي
نكسرت اديهن ان شالله
ال اكسر اديهن
اني كمت ابجي ع حظي لو من الوجع مااعرف
بس ماحجيت
خطيه جنت اشوفه حزين وضايج
اني كنت أظن عليه
بقيت ٣ ايام بالمستشفى وطلعت للبيت هو اعتذر
دخلني البيت واترتاح وكال عندي شغل
حسيته تعبان وحزين عرفت اني من ورايه
ومرته واولاده عرفو اكيد
كلت خليه ع راحته مااظغط عليه
احبه والي يظوجه يضوجني
هذه الشخص ملك كل احساس بداخلي
كتله سيد خليك ع راحتك حتى لو ماتجي الي وانت مرتاح اقبل باسني من راسي وكال اعوف الدنيا كلها ومااعوفج بس عندي مشاغل حبيبتي
فديتك وفديت اتراب رجليك
باسني وطلع يوم ماكو لا رساله لا تليفون
قافل التليفون
اني عقلي ياخذ وينطي افكر وگلبي مثل النار مدري قلق مدري خوف مدري غيره
هذاك اليوم مااعرف شلون خلص
مانمت ولا غمضت ام حسن أتهدي بيه
واني ادز بالمسجات ماكو. رد
مانمت. ولا غمضت عيني
بس افكر وافرك واكل بااظفيري
صبح الصبح واني كاعده
مااشوف دك التليفون
كبل فتحته لو
لو حبيبتي خير ظل بالي ليش قافل التليفون
&
&
&
#روايه_عاهره_في_طيات_العمائم
بارت 20
كال ام منتظر بالمستشفى كلبها مو زين واني يمها
احس روحي طلعت هذه يم مرته
كلش ضجت بس الخاطره مابينت اني ضايجه
الف سلامه حبيبي ماعدها غير العافيه
اخذ راحتك حبيبي
اشكرك حبيبتي
ماصدك سد التليفون
واني ضليت. اكل بروحي اكل
مرات اكتبله. وره ساعتي يالله يرد ورد بسيط
عرفت هو يم مرته
اسبوع ع هالحال. احس روحي طلعت للسمه
خابرته ردت
كتله اليوم تجي لا أحرك روحي
كال بِسْم الله اشبيج
كتله شنو صار اسبوع ماتسال عليه
كال والله روحي مشتاقتلج بس مااكدر اعوفها سوت عمليه للقلب واني السبب ولازم ابقى يمها
للخاطري اتحملي
كتله اذا ماتجي. أحرك روحي
وسديت التليفون
اعصابي تلفت اني اكلي قل وصرت اعصاب
العصر والباب انفتح هو اجه
كبل اني بلا تفاهم ذبيت روحي بحضنه وبجيت
كتله ليش هيج اتعوفني
كال والله مايبعدني عليج غير الشي القوي
والله بالي يمج بس كتلج ضروفي واصبري عليه هل شكم يوم حضني
وبَقى وياي ساعتين
سبح وطلع لازم اتحمل للخاطره موبيدي
احبه
صدك عشر ايام ورجع السيد يجيني صحيح مو يوميه بين يوم ويوم
كال ايه حبيبتي لازم يوم الج ويوم الها مااكدر ائذيها خطيه
كتله شنو اتحب انت اني راضيه
اهم شي راحتك
كال الله يخليج الي
ويخليك الي ياروحي
فلوس دلال وأملاك وسفر وحب.
كلت بعد مااريد شي من رب العالمين
سعادتي ماتنوصف عشت بعز ودلال
الى اجه يوم الشوم
اني نايمه كان هذاك اليوم يوم مرته ام منتظر
اني غافيه اسمع السيد لا ياخاينه ياسافله
انتي مااصير الج جاره
&
&
&
#روايه_عاهره_في_طيات_العمائم..# الكاتب كاظم العربيَ
