بارت 9 للكاتب كاظم العربي 🌹🌹
اني مااحجي بس من احد يسألني احجي اخاف أغلط واستحي
بس رونق تحجي وعرمه تلبگ بالحجي
امه كالت خلصو راح انروح نختار فساتين العرس والحنه
حتى ماتكول بدله كالت فستان ناس غير طبقه
كالت ام العريس لبسو حجابكم العريس وابوه جاين يسلمون ع العروس وعليه
صعدت اني لبست جبه وخليت ربطه ع راسي وجبت الرونق ربطه ونزلت بسرعه
انطيته
صاحت ام العريس منتظر اتفضل ابو منتظر
يالله بِسْم الله الرحمن الرحيم
سلمو ودخلو
العريس لابسه دشداشه وشعره يخبل وهو كلش وسيم
بس ابو هم بعد مو جبير ولابس ملابس رجل دين
سلم علينه ورحب بينه وكال ان شالله مرتاحين
والأب كال للرونق اطلبي اي شي تردينه
بيج خير وامراي
شكرا عمو
اني بيني وبين گلبي احسدها ع هاي القسمه
مال الملوك
راحو وتركونه يم النسوان أسمعهم يحجون ويه العروس اذا مايعجبها اهنا يخلوها بغير قصر
وراح يخلون خدم عندها من الهلكلام
اني اسمع بس مااستوعب. كلام قوي
لعد اني وين عايشه. واني احلا. واصغر من هاي
لو اني هسه هاي العروس
ظليت بكلبي حسرتي
صارت الساعه ١١ كالت الام روحو بدلو نروح نسوك من بيروت
اني اسمع بيروت بس بلا أفلام المصريه
&
&
&
#روايه_عاهره_في_طيات_العمائم ..
..
بارت 10
لبستنه وطلعنه اخذونه الام والعريس واني والعروس
هذول مايستعملون فلوس يستخدمون كارت شنو هذه مااعرف
اني باقيه بس اصفن واحجي ويه روحي
يشترون ملابس بلا عد اي شي اتاشر عليه يشترونه
اني عجبني ملابس تشبه مال السلطانه هيام ع لون احمر
كمت اكلب بيه خطيب رونق اخذها واتحاسب عليه اني كلش استحيت
وكلت للرونق عيب
كالت لا ليش شنو هو نمونه اعتبريه هديه مني
صدك فرحت نص نهار نفتر بالسوك
دخلونه مطعم بنص بيروت يبوووووو جمال مو طبيعي
اني بديت افكر بطريقه
ان لازم ابقى اهنا مااريد. ارجع للعراق لازم اعيش مثل هاي الناس
بديت أخطط
ثاني من اخذونه الى مركز تجميل خاص
عالم ثاني
اني صبغت شعري وسولي شغلات البشره
كولهم يجون يتفرجون ع شكلي عبالي باربي
اني من شفت الناس معجبه بجمالي
فكرت لازم اشوف طريقه ابقى اهنا بالبنان
خلصنه كل شي وحددو تسريحه العرس
واتفقو تجي للبيت أسويها ام الصالون
رجعنه. لازم انكون مرتاحين خصوصا العروس ماتتعب
رجعنه نسولف ونظحك واجي شيخ زاهي يمنه
من شافني انصدم
اني هم كمت ادلل عليها واتعلمت من رونق اشلون اتخلي خطيبها يريد رضها
كتله مشتاقتلك شنو صار يومين بعيد عليه
هو اتخبل كال راح أحجز فندق وانروح
مااكدر كدام الناس اجي وياج
بدلع كتله معليه مااكدر اليوم اريد اشمك
هو عيونه ظلت تلمع
اجه السيد الجبير اني لبست حجابي اتعشينه سوه
وسولفنه اني عيوني ع السيد الجبير
أخطط عليه طلع عند مليار حتى طياره
اني كاعده يم زاهي مديت ايدي عليه وعصرتها
خطيه هو ظل يلوب
جان كال اني اليوم اخذ زوجتي واروح للفندق
السيد كال ليش يابه البيت واسع
كال لا اريد افرحها
المهم
صارت بالتسعه اجاه تليفون
&
&
&
#روايه_عاهره_في_طيات_العمائم ..
..
بارت 11
كالي جهزي حالج بعد عشر دقايق انروح
اني طياره صعدت فوك
اخذت ملابس وفستان السلاطنه وعطر
ونزلت
رحنه اني ويااه
هو حجز فندق يبووووو عبالك قصر وكله احمر
اني لابسه بوشيه
انطه جوازي وجوازه. ابو الفندق كال اريد العقد او شي يثبت هي زوجتك
كال السيد ماعندي اني مزوجه متعه
ماقبل ابو الفندق
وصارت اطلابه وحجي قوي
اني خفت والسيد كام يهدد ابو الفندق
المهم اجه منتظر خطيب. رونق
وكال زاهي. تعال اكو شقه مال اختي اخذ مرتك وروح. اترك الفندق
اقتنع ورحنه اشويه مكان بعيد وأشجار كان لليل مااشوف
واني هم فشلت من الموضوع ولنقهرت لان ماكو شي يثبت زواجي
دخلنه بالشقه واني من الظوجه كلبت خلقتي
زاهي وزوج رونق يحجون واني ساكته واعظ بظارفي من القهر
طلع الولد بقينه اثنيه.
اجه عليه بالهفله اني دفعته
وكمت كال اشبيج روحي
ماحجيته رحت اشوف الشقه وأدور ع غرفه النوم
طبعا الشقه عبالي قصر وأثاث قصر
كلها فرو
دخلت غرفه النوم. مال ملوك والله
وداخل الغرفه حمام بالنص البانيو
اني اهنا شفت العجب
جاي اتفرج السيد گبل طفر عليه
واني زعلانه وادلع عليه
وهو بس يريد يراضيني
حاول بكل طريقه
اني هم دخلت واخذت جنطتي
والبست شغلات اغراء
اتخبل السيد
المهم دلع وإغراء
كال اطلبي شتردين
كتله اريد ابقى اهنا بالبنان كال
اتفاجئ بالحجي
كال مااكدر
زعلت عليه
وكمت ابجي
كال حبيبتي لاتبجين
&
&
بارت 12
المهم سويت روحي اعيط واني لبسه البسي الناري
كال خليني افكر. طفرت عليه. حظنته
وووووو
الصبح كعدنه وفتحت الشبابيك
شي بالخيال الشقه بعماره والعمارة بنص غابه والجبال داير مداوير البنايات
ياااارب سبحانك ع هااطبيعه والجمال
رجعت لبست شورت وفانيلا تعلاكه واجيت اتكلب يمه
خطيه السيد راح ينجلط
وصار عندي عقل وخطط جهنميه لازم ابقى بعد مااريد ارجع اهناك
صارت الساعه ب١٢ اليوم عرس رونق
لازم اجهز روحي
كتله اريد فلوس كال صار
كتله زاهي اريد كرت
ظحك كتل لازم عندج اكاونت واحساب
كتله ماعليه اريد
كال. هاج هذه الكرد مالتي بيه فلوس
طبعا اني مااعرف شنو كرد شنو احساب
وشال فلوس وكال يالله جهزي روحج اوديج للبيت العريس عيب هسه شيكولون
حاضر حبيبي
طبعا ماتريكنه بس سبحنه وطلعنه
وصلت البيت الكوافيره موجوده جاي يجهزون بالعروس والبيت هوسه. وكلمن مشغول بروحه اني هم جهزت روحي ومن خلصت العروس بدت بيه الكوافيره
لبست فستان السلطانه
ظلت النسوان اصفن عليه واني صابني الغرور
جهزت العروسه واخذوها بقاعه بس نسوان اني بقيت اجهز أغراضها حتى أخذهم واخليهم بالسياره للفندق الي حاجزينه
اني بقيت اخر وحده بالبيت يجي عليه زاهي
ويأخذني نزلت واني بكامل جمالي أتمشى بصاله أهل العريس
ال ويجي بوجي الشيخ الجبير ابو العريس
هو ضَل صافن واني كلت هاي فرصتي خلي اتموع
لازم اخذ الرأس الجبير ابو الملايين
اني سويت نفسي مصدومه
من شفته
خطيه هو داخ
ماعرف شيحجي اني اخذت الجنطه وأخذتها وطلعت واهز بجسمي هز
ضَل صافن المسكين
طلعت بالمدخل الباب كان مفتوح قبل لا اطلع اندارت عليه وبطرف عيني غمزتله
&
&
&
#روايه_عاهره_في_طيات_العمائم# الكاتب كاظم العربي
