قَصِيـــــــــــــــــرَتِــــــــي

-🍓1-

😔ﺍﻧﻚ ﺍﺗﻜﻮﻧﻲ ﻗﺼﻴﺮﺓ ﻫﺬﻩ ﻣﺶ ﻣﺸﻜﻠﺔ ﺍﻟﻤﺸﻜﻠﺔ ﺍﻧﻚ ﺍﺗﺠﻲ ﻓﻲ ﻣﺠﺘﻤﻊ ﻋﻤﻼﻕ

ﺍﺳﻤﻲ ﺍﺧﻼﺹ ﺳﻨﺔ ﺭﺍﺑﻌﻪ ﻃﺐ أﺳﻨﺎﻥ ﻳﻌﻨﻲ آﺧﺮ ﺳﻨﻪ 😏 ﺷﻌﺮﻱ ﻃﻮﻳﻴﻴﻞﻫﻠﺒﺎ ﻟﺪﺭﺟﺔ ﻧﻘﻌﻤﺰ عليه

ﻋﻨﺪﻱ ﺍﺧﺘﻲ ﺍﺻﻐﺮ ﻣﻨﻲﻭﻣﺨﻄﻮﺑﺔ ﺍﺳﻤﻬﺎ أﺭﻳﺞ ﻭﺧﻮﺗﻲ ﺍﻟﺰﻭﺯ ﻣﺘﺰﻭﺟﻴﻦ ﻣﺤﻤﺪ وأحمد

طولي1.55 م ﺍﻳﻴﻴﻪ ﻫﺬﺍ ﻃﻮﻭﻟﻲ
ﻛﻤﻠﺖ ﺗﻌﺮﻳﻴﻒ ﻉ ﻧﻔﺴﻲ

أهلا بيكم في معاناة سيدة قصيرة في منتصف العشرينات 😌❤️

غيرت حوايجي بسرعةوطلعت مستعجلة قعمزت ع طاولة الفطور اللي مقعمزة عليها أمي ومرت خوي وولدها الصغير
أريج كالعادة مشت مع محمد في السيارة بما إن جامعة الحقوق ع طريق عمله

- ﺻﺒﺎﺍﺍﺣﻮﻭﻭ ‏

ﻭﻓﺎﺀ ‏( ﺍﻣﻲ ‏) : ﺻﺒﺎﺍﺡ ﺍﻟﺨﻴﺮ ﺷﻦ ﻫﺎﻟﻨﺸﺎﻁ ﻣﻦ ﺍﻟﺼﺒﺢ !!

😍😍- ﺍﻟﻴﻮﻡ ﺍﻭﻝ ﻳﻮﻡ ﻓﻲ ﺍﻟﺴﻨﺔ ﺍﻻﺧﻴﺮﺓ ﻣﻦ ﻋﺬﺍﺑﻲ وأخيراً بنبدا دكتورة

ﺍﻣﻲ: ﻭﺍﻟﻠﻪ ﻣﻨﻈﺮﻙ ﻣﺎﻣﻨﻈﺮ ﻭﺣﺪﻩ ﺑﺘﺘﺨﺮﺝ ﻣﻦ ﺍﻟﺠﺎﻣﻌﻪ 😂😂

ضحكت عليا هي ومرت خوي كالعادة هزوة العيلة الرئيسية طولي

- ﻣﺎﻣﺎ ﺗﺬﻛﺮﻱ ﻓﻲ ﺍﻟﻤﺮﺍ ﻳﻠﻲ ﻗﻌﺪﺕ ﺟﻨﺒﻚ ﻟﻤﺎ ﺟﺒﺘﻴﻨﻲ !

ﺍﻣﻲ: ‏ ﺍﻳﻴﻪ ﻋﻼﺵ ﺗﺴﺄﻟﻲ!!!🤔

- ﻣﺘﺄﻛﺪﺓ ﺍﻧﻜﻢ ﻣﺎﺍﺑﺪﻟﺘﻮﺵ ﺍﻟﺼﻐﺎﺭ ؟؟

ﺍﻣﻲ: ﺧﺰﻳﻲ ﻋﻠﻴﻴﻚ ﺷﻦ ﻣﺶ ﻋﺎﺟﺒﺎﺗﻚ أﻣﻚ أﺻﻼ ؟ ﻫﻲ ﺟﺎﺑﺖ ﻭﻟﺪ 😑😑😑

- ﻻﻻ ﻋﺎﺟﺒﺘﻨﻲ ﻭأﺣﻠﻰ أﻡ ﻓﻲ ﺍﻟﺪﻧﻴﺎ ﻟﻜﻦ ﺷﻮﻓﻲ ﻛﻠﻜﻢ ﻋﻤﺎﻟﻘﻪ ﺣﺘﻰ ﺍﻟﻤﻔﻌﻮﻭﺻﻪ أﺭﻳﺞ ﻧﺨﻄﺒﺖ ﻗﺒﻠﻲ ﻉ ﺧﺎﻃﺮ ﻫﻲ أﻃﻮﻝ ﻣﻨﻲ 😥😥

ﺍﻣﻲ: ﻃﺎﺍﻟﻌﻪ ﻟﻲ ﺟﺪﺍﺍﻙ ﻃﺸﺸﺸﻪ ﻛﺎﻧﺖ الله يرحمها

- ﺍﻟﻠﻪ ﻳﺮﺣﻤﻬﺎ ﻫﻴﺎ أﻧﺎ ﺑﻨﻄﻠﻊ 😞😞

ﺟﺪﺍﻱ ﻫﺬﻩ ﺍﻟﻮﺣﻴﺪﺓ ﻳﻠﻲ ﻛﺎﻧﺖ ﻣﻌﺎﺍﻱ ﻭﺗﺤﺴﺲ ﻓﻴﺎ إﻥ ﺍﻟﻘﺼﺮ ﺣﺎﺟﻪ ﻓﺨﻤﻪ

ﺗﻘﻮﻟﻲ ﺷﻮﻓﻴﻬﻢ ﻛﻴﻒ ﻳﻨﺰﻟﻮﻟﻲ ﺑﺎﺵ ﻳﺴﻠﻤﻮﺍ ﻋﻠﻴا ﻭﻣﻦ ﻳﻮﻡ ﻣﺸﺖ ﺣﺴﻴﺖ ﺭﻭﺣﻲ ناقصة
ساويت وشاحي قدام المراية اللي ع المدخل

ﻭﻃﻠﻌﺖ ﻣﻦ ﺍﻟﺒﺎﺏ ﺯﻟﻘﺖ ﻗﺮﻳﻴﺐ ﻧﻜﺴﺮﺕ ﻋﺮﻓﺖ إﻥ ﻫﺎﻟﻌﺎﺍﻡ ﻣﺶ ﺣﻴﻤﺸﻲ ﻉ ﺧﻴر