انثى بهيئه رجل

مجنونه

هلاوو طبعا هاي اول روايه الي اتمنه تشجعوني 

الابطال فاطمه عمر 19 س تحب المغامره بشكل مو طبيعي ومحبوبه وعنيده الي براسها لازم تسويه 

سليمان ابن خال فطم عمر 20 س فقير مستحيل يرفض طلب لاي احد وهوه اقرب اصدقاء فطم 

ساره عمر 19 عاقله ورزنه عكس فطم بس صديقتها المقربه ومايهون عليها زعلها 

ابرار 20 س وكت الخبال خبله ووكت العقل رزنه 

امجد صديق اخو فطم عمر 23 

سامي ابن عمه فطم عمر 22 

بوكت حنه اخو فطم جاسم 

فطم : اكلج لاتحاولين خلاص قررت وماكو تراجع

ساره : لج انتي تخبلتي يهو يسوي سوايتج شنو ترحين للحنه شنو ولد
فطم : نننن 😐 كيفي معليج
ابرار :اوف من عنادج من هسه اذا كضوج اني مااعرفج
فطم : معليجن انتن  يلا راح اخابر سليمان يجي ياخذنه للصالونه و مناك اروح ولاتخافون ارجع قبل حفلنه (حفل الولد العصر والبنات بليل )
ساره : بس الله يستر شراح يصير
فطم اتصلت ع سليمان : هلا سلوم
سليمان : هلا خانو تفضلي
فطم : هههه فطيت اليفهم تعال اخذنه نروح لخاله ام حسن
سليمان : الي عدها صالون
فطم : ايه
سليمان : اوكي دقايق اني يمج *جهزت  ملابسي والمشدات والشوارب والحيه التركيب و طلعت اني وساره وابرار ركبت كدام
سليمان :كون تشوفج روان
فطم : اي والله كون تشوفني
سليمان تنهد و مشه .. وصلو نزلت فطم : ثانكس سوسو
سليمان : سوسو ف عينك .. من تخلصين دكي علي
فطم : ماشي .. * راح سليمان ودخلت ساره وابرار و فصخت العبايه و ركبت اللحيه والشوارب و عدلت حواجبي بلتاتو حته يبينن ممحفوفات و لبست شماغ و اني لابسه دشداشه رجاليه
فطم : ممم لازم اختبر بلبدايه * دكيت باب الصالونه ام حسن
بنتها ندى فتحت الباب  :هلا خويه أأمر
فطم بخشونه : ممكن تنادين ساره وابرار
ندى : اوكيه لحضه *دخلت
فطم تطافر :يس ندوش ماعرفتني * اجن ساره وابرار
ساره :نعم اخوي منو انت
فطم : افييش يالصوت
ابرار : احترم نفسك منين تعرفنه
فطم : كرار دزني هنا وكال اكو صاكات يطلعن بفلوس
ابرار : ال ... ال .... انت و هذاااك عبالي صدك يحبني
فطم انفجرت ضحك : وجع اصدك معرفتوني
ساره وابرار صرخو : فطموووو * صارو يضربون بيه واني ميته ضحك
فطم :باوعو اني راح اروح من تخلصون اتصلو حته اجي و امكيج اوكيه
البنات : تمام * دخلن واني اتصلت ع سليمان