انثى بهيئه رجل

النهايه

كعدت ثاني يوم واني عبالي جنت حلمانه كمت غسلت وفتحت الانستا شفت منشورات ع وفاته صحت : لاااا امجد مستحيييل * بجيت كعد سامي وحضني : اششش حياتي لتبجين سولفيلي شنو تكولين بسببي
توهقت : ااا حبيبه امجد صديقتي متزوجه من فتره وهوه مايدري يحبها بجنون الصبح جنه نريد نروح للصالون حجيت بموضوعها وان تزوجت وماجنت ادري بي وراي وسمعني هوه انهار وراح يركض اهئ مات بسببي مو
سامي : هاذ قضاء ربي مو بسببج حتلو هوه يحب صديقتج ودره تزوجت منج ولهلسبب سكر وتعرض للحادث بس مو انتي السبب قضاء وقدر
فطم : سامي اطلبك كول تم
سامي : تم يروحي كولي
فطم : اريد اروح للفاتحه بصفتي فهد
سامي : شنوووو لا مستحيل
فطم : اهئ تكفى والله راح اضل ببالي اني السبب وشايله هم وراح اتعذب فدوه بس خل اروح اودعه اريد اروح ادفنه بيدي
سامي مايكدر يشوف حبيبته هيج : ماشي بس نروح وياج اني و سليمان
فطم طفرت : تمام
سامي : واهلنه الي راح يجون يباركولنه
فطم : مانتاخر فدوه
سامي :يلا حبيبي كومي تجهزي *كمت بسرعه لبست من ملابس سامي وركبت الشوارب واللحيه ولبست الشماغ وطلعت ابتسملي سامي : يلا سليمان ينتضر * صعدت بلسياره سليمان كدام واني وسامي وره وراسي ع جتفه ودموعي ينزلن
سامي حاضني : خلص حبيبي كافي
سليمان يغير جو : شوواذ
ابتسمت : معليك * وصلنه نزلنه شفت جاسم منهااار حقه اقرب اصدقائه ومصطفى كذالك رحت سلمت ع جاسم و من اجيت لمصطفى كبل حضني واني تجمدت تذكرت من حضني وجنه نشوف اللعبه واجه امجد من غار ودفعه عني كبل بجيت .. سحبني سامي وحضني : ترا ارجعج كعدي عاقله * هزيت راسي ب اي .. نزلوه للقبر وصرخت : لاااا عوووفوووه خلووه لاتدفنونه * مسكني سامي وحمد ربه ان جاسم بعيد جان اكيد عرفني : خلص فهد كافي لتعذبه * دفناه ورادو يرحون
فطم : سامي روحو للسياره هسه اجي
سامي : لا مااخليج لوحدج
سليمان : اني يمها روح انت * راح سامي وانفجرت : كووم امجد خلص اني الك كووم لتوكف كلبي كوووم ليش حبيتني لييش سويت روحي ولد كله مني كله منيييي * ضليت اضرب بنفسي سحبني سليمان لحضنه ... كعدنه شوي واني كاعده احس يغمي علي
اختنكت : سلوم امشي نروح مابيه بعد *كام سليمان وشمرت روحي عالكبر ابوس بي : راح اشتاقلك حبيبي *كمت ورحنه للبيت نفسيتي حييل تدمرت و مأنبني ضميري ماجنت نفسي فطم الي تضحك وكل همها المغامره صارت كل حياتي بدون طعم وسامي حاول يطلعني من هالجو ماكدر اني نفسي حاولت بس ماكدرت ... بعد سنتين وبيوم ذكره زواجنه حلمت بي من بعد سنه كامله رجعت شفته وسمعت صوته اجاني العام بذكره زواجنه يبجي يكلي اذيتيني وهسه اجه وجهه شاحب ومتضايج اني مسكت راسه وابوس بي واتعذر منه كلي ممسامحج اني نزلت راسي وبجيت رفع راسي بايده : انتي مالج شغل بموتي اني متت قضاء ربج اني ممسامحج لان جاي تأذيني وره موتي بدموعج من اشوفج ممبتسمه من اشوف فطم الي حبيتها ماضلت مثل ماهيه فطم رجعي لحياتج ويه زوجج وابنج رجعي فطم الي حبيناها اني وسامي وخليني دائما ع بالج واذا تذكرتيني لتبجين اريدج تبتسمين ع ذكرياتنه وحبنه الي بقه حته وره موتي * فزيت بدموع ع خدي وابتسمت : مشتاقتلك امجد
اجه امجد يطافر : ماما .. ماما
شلته وابوس بي : ياعيون وروح ماما
سامي كعد شافني العب ويه امجد خله ايده ع جبيني : فطم تبتسم لالا مااصدك
ابتسمت : حبيبي اسفه لان ماعشت وياك طبيعي مثل أي زوجين بينهم حب وفرح ومشكوور لان تحملتني هالسنتين وصبرت علي
سامي حضني : جنت ادري ومتاكد راح ترجعين فطم الحبيتها وراح تتعدين هالفتره ...احبج
قاطعه امجد وهوه يبوسني دفعه سامي : لوسمحت مرتي مومرتك
امجد صار يبجي شلته وبحده : سااامي هيج بجيت الولد ...تعال حبيبي اممح ع عناد البابا
امجد صار يضحك ويباوع لسامي
سامي : شوفيييه شوفيييه شلون يحنصني
مسكت خده :فدييت اليغاار
سامي : لا فطم انتي حالتج مستعصيه اوديج دكتور
فطم :ههههه لا حبيبي ماله داعي
سامي : ضحكه وحبيبي بعد لالا اخقق انا : شالني وصار يدور بيه
فطم : ههههه مخبل نزلني الولد يبجي *نزلني : يلا حياتي اني رايح للدوام
مديت بوزي : بيوم ذكره زواجنه تروح وتعوفني
سامي : حبيبتي اعوضج باجر اممح ع عناد امجد
* ودعته وراح خل اسولفلكم شنو صار بلعائلات .. جاسم و ماري صار عندكم عبدالله ع اسم ابو سامي الله يرحمه .. روان وسلوم صار عندهم ريم و اريام تؤام و سجاد وحنان صار عندهم مصطفى اماا اني وسامي صار عدنه احلا مجوودي... الشباب كلهم داومو بشركه عماني ويرحون سوا ويرجعون سوا ... العصر
عمتي: فيييفي
حنان: فيفي عبدو هاهاها
اجيت : ها عمه
عمتي : اليوم ذكره زواجكم وهيج شكلكم
فطم : ياعمه همه وين همه ازواجنه بلدوام
عمتي : ميخالف يمه كومن لبسن وامشي نطلع
ماحبيت اردها : تامرين امر * كمت لبست فستان ماروني وشال بيج وحذاء بيج ولبست امجد بنطرون جينز وتيشيرت ولبسته نضاراته صار كيووت وبلنسبه للبنات حنان تنوره وبدي مشجر و روان عبايه اسلاميه
عمتي : روان روحي لبسي فستان * باوعتلي واشرتلها تروح * راحت لبست فستان سمائي
فطم : ليش مالبستي البنات وانتي مصطفى ليش ممبدل
روان : راح نعوفهم عند امي وعمه
فطم : لعد بقت علي اعذرني مووجي راح اوديك لبيبي
* وصلنه الجهال بيت اهلي واهل روان وحنان وطلعنه
فطم : اي عميمه وين نروح
عمتي : خلي نروح للمول نتسوك وبعدها نتعشه بلمطعم
روان تبوسها : فديييت عميمتي
دفعتها : عمتي مو عمتج
حنان تحضنها : لوو سمحتوو
عمتي تضحك وتحضنه : الله يخليكم الي
كلنه : ويخليج النه * رحنه للمول واكيد مسوااك ومكيااج و ملابس ووو
عمتي : ولجن كاافي تاخرنه هسه يامطعم ينتضرنه
فطم : عمتوو لعد وكت وبعدين انتي جبتينه تحملي ههههه
عمتي : يعني ازعل
فطم : لالا اله زعل الغاليه يلا بنات كافي زودناها * ركبنه بلسياره : راح اوديكم ع مطعم ال...
عمتي : لا اريد اروح لمطعم  ...
روان مستغربه : منين تعرفين اسماء المطاعم هاا عمه عندج موعد 
فطم : اكلي زق ...يلا خلص ع مطعمج عمتي * نروح للمطعم ندخل ونشوفه فارغ
حنان : هاي صدك عزلو بهيج وكت
سجاد : لا عمري احنه عزلناه
ثلاثتنه : عاااااا سااامي /سجااد / سليماان
عمتي : ههههه اعتقد خلص شغلي يلا راجعه لبيت ابو جاسم
فطم : لا عمه خليج يمنه
عمتي : لااروح يم الجهال خاف يبجون * راحت عمتي اني تخصرت : يعني مفاجأه ومتفقين ويه عمتنه علينه
سامي : امي طبعا توكف وياي ... هسه بلا حجي زايد * مسك ايدي وسحبني لحضنه : اشتاقيتلج
ارتبكت : س س ساامي عيب كدام الشله
روان وحنان يضحكن علي الى ان سوو الشباب نفس الحركه باوعت 😏 ... رحنه كلنه لطاوله وحده سحبو الكراسي النه كعدنه واحنه متونسات شوي ودخل الكرسون جايب اكل
رواان : يااااي بيتزا
سليمان يغطي وجهه : هلاشكال اشكال مطاعم ورومانسيه
الكل : هههههه * اكلنه واشر سليمان للكرسون وشغل اغنيه انا كلي ملكك وتقدمو الشباب مدو ايديهم النه مسكنه ايديهم وكمنه نرقص ايدي ع جتف سامي والثانيه بايده وايده ع خصري ووجهه يم رقبتي وكل شوي يشمني حيل : احبج
فطم : واني هم احبك
سامي صرخ : تحببببني يااناااس اول مره تكول
حنان : صارلكم سنتين واول مره تكول
فطم
بغرور : مانكول الكلمه جذب
حنان وروان فتحو حلكهم : شنوو قصدج
فطم : ههههه قصدي تزوجتو ع حب اكيد تكولوها من اول يوم اما احنه ف حب من طرف واحد اني جنت احبه بس ماالي قوه اكولها
سامي : يلا تعالو نكص لكاتو * جاب الكرسون كيكه من ٤ طوابق الاول مكتوب بلجوه : كل دقيقه وانتي روحي h  كل ثواني وانته حبي s * وبلثاني : فدوه اروح لعمرج اني r  واني هم يابعد كلبي s  * وبلثالث تريد عمري هاك عمري هوه غير انته العمر f تريد روحي هاك روحي وانته تامرني امر s & وبلفوك : علا حبك خلي حبي خلي نبني حب جبير حته كل عام انته تبقه حبي الاول والاخير * الكيكه جانت كلللش جبيره وحلوه
سامي : يلا نكصص الكيكه
صرخت : اوووووكفوووو
الكل بخوف : خير/شصاير/ شبيج
ابتسمت : خل اكص صوره
سليمان : ووجع خوفتينه
فطم : نننن خوفتينه * صورت  الكيك و كصينه الطابق الاول كلنه و كل ثنين كصو طابقهم و انفصلنه ك زوجين سوا يتغازلون
سامي : حبيبي جبتلج الهديه الي ردتيها من زمان
فطم : يهي
سامي : شايفه محل السيارات الي عجبتج بي السياره المارونيه 
باوعتله بعين ونص : هسه اكلك يااي حبيبي جبتلي السياره وتكلي جبتلج فستان بنفس اللون لو تكلي اشتريتلج من المحل اليمه
سامي يضحك : لا عمري تعااي * سحبني طلعني بره واشوف السياره : عاااااااااا * حضنته : احبك احبك
سامي : لو ادري السياره هيج تسوي من زمان اشتريها
فطم : خلي نتجول بيها
سامي : يلا
فطم : سجااد سليمااان حنااان رواان تعالو * اجو باركولي عالسياره وطلعنه بيها ومشغلين اغاني ع اعلا صوت ومتونسين ... هنا انتهت قصتنه بيها فقدان وحب وانحرام بس بلاخير سعاده وطبعا فطم ابد مانست امجد و صار عندها بعد اطفال و ضل امجد ماتحب تزعله لان يذكرها بلمرحوم ... النهايه