عصابة الماكنى لاين ( مكتملة)

البارت الاول اول يوم مدرسة

#عصابة_الماكنى_لاين

انا اسمى ريا ريا سامح بنت عادية عيشة فى مصر مع ماما و بابا و حسن اخويا الكبير
عمرى 16 سنة فى 2ثانوى النهاردة اول يوم مدرسة بس حسا احساس غريب كأن حد هيضربنى كف ( صفعة)✋ استر يا رب
خرجت من قوضتى ( غرفتى)
"صباح الخير"
حسن"صباح النور يا ريا "
ماما"صباح الهناء يا حبيبتى "
بابا " صباح الخير"
اخدت سندوتشاتى وركبت العربية مع حسن🚘 وصلت المدرسة نزلت
حسن "خلى بالك على نفسك احنا بنحبك جدا "
انا "اى يا بنى انا ريحة المدرسة هو انا ريحة حرب"
حسن "بفكرك بس يا لمضة "
  راح حسن لجامعته
دخلت سلمت على صحابى ودورت على فصلى بعد وقت لقيته دخلت وحطيت شنطتى فى مكان مناسب لنظرى لانى نظرى ضعيف وبعد مدة المدرسين خلونا ننزل علشان طابور الصباح
والمدير وخطاباته الطويلة اتمنى مش عارف اى لطلاب السنة مش عارفت اى وفى النهاية شغل الطابور يابنى و الشباب يعملوا تمرين والبنات وقفين زى قلتهم
" تحيا جمهورية مصر العربية "الحمدلله خلص الطابور طلعت فصلى
"رجعنا للمخروبة( المدرسة 😂) من تانى😩"

قالت صحبتى الله يخليها يارب احباط من اولها

"حسبى الله ونعم الوكيل فيكى يا شيخة دا احنا اول يوم ملحقناش ندخل المدرسة بطلى نكد شويا يا تسنيم "
رديت عليها وانا بضحك

"صلاح ازازة الماية بتعتى معاك ؟"
صرخت لان اخوها صلاح فى الدور الثالث و احنا فى الرابع لان الرابع بنات بس

"لا يا تسنيم ازازتك فى شنطتك "
فتحت تسنيم شنطتها علشان تتاكد
"اه صح خلاص"
لقيت الازازة معاها فضحكت

"يارب عندى اخت متخلفة "
دعاء بصوت عالى علشان يتريق( يتمسخر) عليها

(تسنيم : صحبتى من ابتدائية تحديدا من سنة رابعة وقت ما انتقلت هنا وهى نكدية جدا بالنسبة للمدارس غير كدا باردة فى نفسها
صلاح:اخو تسنيم التوام بيحبوا يتخنقوا كتير وبيتريق عليها علشان بتنسي كتير)
سبت تسنيم تشتم فى صلاح وصلاح يشتم فيها هم اخوات انا مالى بيهم
بدأت الحصة الاولى وفى نصها جات المرشدة الاجتماعية للفصل
"الطالبة ريا سامح "
"نعم 👋"
"انزلى لمكتب المدير المدير عيزك "
"حاضر "
نزلت وانا حطة ايدى على قلبى خبطت على الباب وانا مغمضة عينى
"تفضلى يا بنتى"
"هى دى اللى انت تقصدها "
صوت مدرسة الانجليزى المفزوع وكأنى مطلوبة فى جريمة خلانى افتح عينى وانا خيفة واول ما شفت هى كانت بتكلم مين فكرين ان انا قلت انى حسا ان حد هيضربنى كف انا حسيت بالكف دا على وشى وبصدمة السؤال خرج منى
"محامى كانج؟"
المدير والمدرسه اصنموا فى مكانهم لكن المدرسة سألتنى "انتى تعرفيه؟"
"ايواه اعرفه" ردت وانا لسه مصدومة
"واضح انك ورثتى الذاكره القوية من مامتك انسة بارك مينا" اتكلم هو او بالاصح رمى على كل كلمة وهى بتدمر الوهم اللى عملته لنفسي وبترجعنى لذكرى قديمة جدا لاخر مرة سمعت فيه كلمة (بارك مينا)
الماضى
المحامى كانج"اهلا مدام بارك "
ام ريا ومسكة ريا وهى عمرها 8 سنين "محامى كانج جهزت الاوراق؟"
المحامى كانج "طبعا *نزل مستوى ريا*من النهاردة مش هتسمعى اسم بارك مرتبط باسم بنت تانى مش كدا يا ريا"
ريا مردتش لانها متعرفش انه بيكلمها
ام ريا"ردى على المحامى كانج يا ريا"
ريا *بتتلفت حولها وبتتكلم ببراءة*"انا؟! ماما انا مينا مين ريا دى؟"
محامى كانج "لا من دلوقتى انتى ريا مينا دى انسيها علشان ماما متزعلش منك "
ريا *ببراءة*"يعنى لو قلت ان اسمى ريا ماما هتخليني اروح عند بابا واخواتى "
ام ريا *بغضب*"ريا امسي بابا بارك واياكى تقولى عنهم اخواتك وانتى ملكيش اخوات ومش هتشوفيهم تانى "
ريا *بتعيط*"انا عيزة بابا عيزة اروح لجيمين وتشان 😭😭"
ام ريا من عصبيتها ضربت ريا قلم ✋خلاها تقع على الارض