اول يوم في الدراسه ليل : مبسوووطه كارمن : انا مش مبسوطه ابدا انا ملحقتش افرح بالاجازه ليل : كانت ملللللللل كارمن : بس احسن من الصحيان كل يوم بدري ومحاضرات ممله ومذاكره وامتحانات و.. و.. ليل : خلاص كرهتيني في نفسي.. يالا روحي ع محاضرتك كارمن : طيب.. سلام 😒 ليل : سلام بعد مرور اسبوع -*-*-* يوم الثلاثاء ليل في غرفتها بتذاكر الباب بيخبط ليل : ادخل يسرا : عامله ايه في المذاكره يا ليل ليل : كويسه بس اشمعنا يسرا : فاكره امير اللي جالنا قبل كده ليل : امير! مين امير ده ( بتستهبل) يسرا : شريك باباكي اللي جيه مره عندنا.. افتكرتيه ليل : اه ماله يسرا : جاي يوم الخميس بعد بكره ليل : هو كل شويه هيجي ولا ايه يسرا : انا هحكيلك قصته زمان لما كانت شركه ابوكي لوحده كانت اوشكت ع الافلاس وكان عنده صديق بيحبه اوي اسمه محمد طبعا مهنش عليه ان شركه صاحبه تأفلس فدخل معاه شريك في الشركه والشركه رجعت زي الاول واحسن ومن سنه محمد ده مات فابنه امير ورث كل ما كان يملك بما فيهم نص شركه والدك وهو اللي بيدعم الشركه بالفلوس وليه جمايل مغرقانا واكيد هنعزمه كتير يمكن نردله حاجه من جمايله ليل : اه فهمت بس هو مش صغير ع اداره شركه وكده يسرا : عشان هو الوريث الوحيد فمضطر بقي وبعدين ده عنده 22 سنه مش صغير اوي برضو ليل : خلاص ياماما متقلقيش مش ههرب المره دي يسرا : اوعي تصغريني اودامه عشان خاطري ليل : حاضر متقلقيش يسرا : تصبحي ع خير ليل : وانتي من اهله نامت ليل وكانت معجبه جدا بالشاب ده بس مكنتش بتبين ابدا وبتكدب نفسها خلصت اولي جامعه وكان امير بيزورهم كل اسبوعين ع الاقل ويزيد اعجابها بيه وفي يوم جيه يزورهم مع امه وشكله متشيك فوق العاده وحلو اوي وليل كانت لابسه الفستان ده
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وطلب امير ايد ليل من باباها ليل فضلت مصدومه طبعا اول حاجه لانها لسه صغيره تاني حاجه فرق السن وتالت حاجه انها مبتفكرش في الجواز دلوقتي خالص وانهم اصلا ميعرفوش بعض اوي ومبيتكلموش مع بعض فاروق (بابا ليل) : بس ليل لسه صغيره امير : مش هخليها محتاجه حاجه والله ليل جريت ع اوضتها وفضلت تعيط وتقول انا ملحقتش اعيش حياتي مش عايزه اتجوز مش عايزه بعد نص ساعه فاروق قال لامير هنفكر ونقولك ومشيو وفاروق ويسرا دخلو اوضة ليل فاروق : ايه رائيك يا ليل ليل : ايه رائيي ؟؟ انت بتسالني طبعا مش موافقه يسرا : قبل ما تفكري في نفسك فكري في ابوكي واللي هيحصل فيه لو امير فكر انه يسيب الشركه هنبيع كل حاجه وابوكي يمكن يتحبس من الديون اللي ع الشركه والقرض وغيره وغيره و غيره ليل : انتو مسبتوليش اختيار فاروق بدا يعيط : يا بنتي قال انه مش هيخليكي محتاجه حاجه و طيب وابن حلال ليل بعياط : مش عايزه اتجوز مش عايزه كنت عايزه اسافر واشتغل واعمل حاجات كتير يسرا : ما امير برضو هيخليكي تعملي كل ده ليل : سيبوني افكر وهرد عليكو بكره يسرا وفاروق : ماشي مستنين وخرجو من الاوضه وليل بتعيط بتعيط وبعدين غسلت وشها وبصت في المرايه ليل : هتسجني ابوكي يا ليل يرضيكي؟ ومش كده وبس هتبقي فقيره ومش هتلاقي تاكلي واصحابك هيبعدو عنك و عارفه لو وافقتي مش هتسافري ومش هتشتري الارنب اللي انتي عيزاه ومش هتخرجي مع اصحابك بحريه وهيبقي حد بيسالك رايحه فين وجايه منين غير بابا وماما.. انا هتجنن ونامت ليل وصحيت الصبح وتحت عينيها اسود من كتر العياط واستحمت ولبست وراحت لباباها ومامتها ع الفطار ليل : صباح الخير يسرا و فاروق : صباح النور ليل : انا موافقه ع امير بس عيزاكو تعرفو انه عشانكم مش عشاني يسرا : حبيبتي يا ليل كنت متاكده انك هتقولي كده تعالي في حضني الف مبروك يا روحي فاروق : ربنا يخليكي ليا يا ليل ربنا يسعدك يا حبيبتي مايا : هقولك مبروك معنه مش من قلبي عشان عارفه انك مش موافقه من جواكي ليل : محدش يكلمني في الموضوع ده تاني اتصلو بيه وقولوله موافقه اتصلو بيه وقالوله ان ليل موافقه وحدده ميعاد عشا عشان يتفقو ع ميعاد الخطوبه وكده وامير ومامته جم واتفقو ان الخطوبه الجمعه الجايه ليل كانت في بلاكونه الفيلا لوحدها راح امير ووقف جنبها بهدوء امير : ازيك يا اميرتي ليل : كويسه امير : ع فكره انا مش وحش زي ما انتي فاكره انا هسفرك وهخليكي تخرجي مع اصحابك وهديكي حريتك والله انا مش سجن ليل : وايه كمان ؟ امير : بجد والله هخليكي مبسوطه بس انتي ثقي فيا ولو حبه صغيره ليل : عارف انا مضايقه من ايه امير : من ايه ليل : عشان لما اتجوز هحس نفسي كبيره وانا عمري ما حسيت نفسي كبيره اد دلوقتي انا طفله انا اكبر طموحاتي اني اشتري ارنب *بدات تعيط* واني اروح الملاهي مش زي ما انت فاكر بس ممكن اسالك سؤال امير : اتفضلي ليل : اشمعنا انا امير : عشان انتي حلوه وزي القمر وطفله وحسيت فيكي كل حاجه انا عايزها وخوفت تضيعي من ايدي ليل ببتسامه صغيره : بجد يعني مش بتستغل بابا امير : انا عمري ما فكرت كده انا حاسس ان لولا الشركه دي مكنتش هقابلك ليل ابتسمت وفرحانه من جواها شويه صغيره الضيوف مشيو وراحت ع اوضتها ونامت ع السرير وبتقول في نفسها ما هو ده اللي انتي كنتي بتعاكسيه وحابه شكله وثقته في نفسه نامي بقي عشان تلحقي تختاري الفستان بتاع الخطوبه بكره *****
