صحيت ليل من النوم وبتقول : اهو اليوم اللي بتحلم بيه اي بنت جيه مش في ميعاده ومش مبسوطه بيه زي باقي البنات حاسه نفسي مكسوره او مجبوره ع حاجه لاول مره... قامت كعادتها استحمت واتصلت بكارمن ليل : ايه يا بنتي كان المفروض تبقي هنا من ساعه الساعه بقيت 10 كارمن : يا خبر انا كنت نايمه ومعملتش حاجه نص ساعه بالكتير هبقي عندك ليل : لالا خليكي هاجي بعربيتي انا ومايا تحت بيتك اخدك ونروح المول نشوف الفساتين كارمن : ماشي متتاخريش انا هلبس اهو .. سلام ليل :سلام راحت ليل ع اوضه مايا وخبطت ودخلت ليل : يلا يا مايا انا جهزت مايا : ماشي ثواني بس اجيب شنطتي نزلو وسلمو ع اهلهم وقالو انهم وايحين لكارمن ويختارو الفستان .. بعد نص ساعه وصلو عند كارمن خدوها وراحو ع المول فضلو يلفو حوالي 3 ساعات لحد ما اختارو فستان ياخد العقل وليل لبسته مايا : بجد مش مصدقه عمري ما شوفتك بالحلاوه دي كارمن : فين ليل صاحبتي انا مش شيفاها وشايفه واحده زي القمر قدامي ليل : ع فكره انا طول عمري قمر بس انتو مش واخدين بالكو اشترو الفستان وكل واحده راحت ع بيتها اتبقي يوم واحد ع الخطوبه .. نامت ليل وهي مش عارفه تفرح عشان فرحها ولا تزعل ع حياتها اللي معاشتهاش *-*-*-*-*-*-*-*-*-*-*-* اخر يوم ع الخطوبه صحيت ليل ع جرس تليفونها بيرن الساعه 9 الصبح ليل : الو.. مين مجهول : ايوه يا ليل انا امير ليل : عايز ايه دلوقتي سيبني انام .. وقفلت التليفون في وشه .. تليفونها فضل يرن يرن يرن ردت ليل : عايزه انااااااام امير : طب اسمعيني هقولك ايه ليل : ها (بصوت نايم) امير : انا هبقي عندك كمان ساعه تكوني جهزتي نفسك عشان هخطفك انهارده ليل : انت بتقول ايه ؟؟ الساعه 9 الصبح امير : باي وقفل في وشها .. قامت ليل وجريت ع الحمام استحمت ولبست طقم كاجول وحطت ميك اب عباره عن بودر - ايلاينر - روج خفيف ونزلت سلمت ع اهلها ليل : امير بيقول انه جاي ياخدني دلوقتي ماعرفش ليه يسرا : روحي يابنتي عادي بس متتاخريش اوي ليل : يعني انتو متعرفوش هو عايزني ليه فاروق : لا والله يا بنتي وبعدين كل ما يجي يخرجك هتتخضي كده طب ده انا ياما خرجت امك (ولسه هيحكي قصته هو ويسرا والباب رن) الخادمه فتحت.. امير امير : عاملين ايه معلش جيت ع فجأه فاروق : لا يابني البيت بيتك امير : ربنا يخليك يا عمي.. ها ياليل يلا ؟؟ ليل : يلا... باي يا جماعة خرجو من البيت و ركبو عربيه امير امير : ايه العسل ده هو لما الواحد يلبس بسرعه بيبقي حلو كده ليل بكسوف وباصه في الارض : ميرسي.. هنروح فين دلوقتي امير : عايزك تسيبي نفسك انهارده خالص ليل : بس لازم اعرف هنروح فين امير : معلش انهارده بس صمت... وصلو ع باب حديقه الحيوان ليل : اللللللله .. (ونزلت من العربيه جري ع باب الحديقه زي الاطفال ) امير ابستم وركن عربيته ونزل ودفع تذكرتين ودخلو فضلت تجري ومبسوطه وتشد ايد امير ع الحيوانات وتقوله عايزه اكل الدب امير : تسابقيني ليل : اكيد هتخسر امير : هنشوف وعملو سباق وامير سابها تغلبه لحد ما كسبت ووصلو عند الدب ليل : مش قولتلك هتخسر امير : عندك حق مكنتش اعرف انك سريعه كده اكلو الدب ومعظم الحيوانات وتقول لامير عايزه اتصور ويصورها كانها بنته واتصورو مع سوا كتير والناس عماله تبص عليها ومستغربين اسلوبها الطفولي ده وانها ازاي متجوزه رغم سنها الصغير لحد ما تعبو واعدو وهما اعدين شافت غزل البنات راحت عنيها لمعت وابتسمت اوي راح امير راح واشتري واحده ليها عشان مش بيحبه راحت فرحت اوي وكلتها وبعدين قامو لعبو واكلو بقيت الحيوانات لحد ما بقت الساعه 5 والراجل صفر عشان يقفل الحديقه راحو خرجو وركبو العربيه امير : مبسوطه ؟؟ ليل : طبعا انا بقالي كتير ملعبتش كده امير : يارب دايما مبسوطه 💙.. مش جعانه ليل : ده انا هموت من الجوع امير : ماشي نروح ناكل دلوقتي وبعدين نكمل رحلتنا ليل : ايه ده هو احنا مش هنروح امير : بالسهوله دي.. لا طبعا ليل : ماشي (وهي مبسوطه ) راحو ع مطعم شيك قالتله : لالا انا عايزه مطعم وجبات سريعه بس متقولش لماما امير : ماشي بس اشمعنا ليل : عشان مانعين عني الاكلات دي بيخافو عليا منها بس انا باكلها انا وكارمن من وراهم فيلا بينا امير : يلا بينا راحو ع كنتاكي وطلبو الاكل وكلو كتير لما شبعو وليل دخلت الحمام ورجعت كان امير حاسب خلاص ومشيو ليل : هنروح فين دلوقتي امير : هاخدك في مكان محدش يعرف مكانه غيري انا وبس ولما بفرح او بزعل بروح في المكان ده عشان بابا الله يرحمه كان ع طول بيوديني هناك بس متقوليش لحد عليه ليل : خلاص ماشي راحو جنينه مفيهاش الا زرع وبحيره وبس شكلها يجنن .. كان شكلها كده
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ليل : واو.. المكان يجنن امير ركن العربيه وخد ليل من ايدها واعدو عند البحيره.. صمت مفيش كلام فضلو يتكلمو عن نفسهم وامير يتكلم عن ذكرياته مع والده وكده لحد ما ليل راحت في النوم ع كتف امير *
