مشهد...
بَقايا حُطامْ
بقلمي كوثر هاشم
انا ومن انا انا انت انا هي انا هم انا كل شي ولاشي انا بقايا انسان انا بقايا ركام انا بقايا حطام
واكفه ع المغسله اباوع وجهي صاير اصفر وجوه عيوني سود بسبب قلة النوم
وشهيتي الي قطعتها والكوابيس الي احلم بيها والاشياء الي اتخيلها شديصير وياي
يلا يلا اقبال صحصحي مو وكت صفناتج غسلت وجهي ورحت للمطبخ احظر الريوك
اووي نوارس كاعده لاهلا ولامرحبا
ناقصني ساره تنزل وتكمل عليه السالفه
_صباح الخير صباح الخير حجيه
_هلا بهالصباح هلا بالورده شلون صرتي ؟؟
نوارس: وشبيها هي تدلل هاي عبالها الناس خدم من جوه ل جوه ..
غلست مالي خلكها من الصبح
الحجيه.. نوارس كملي ريوكج وكومي على شغلج
دارت وجها معاجبها
الحمدلله والشكر زينه حجيه بس الكوابيس مجاي تعوفني صار اسبوع ونفس الحلم
( اركض اركض بمكان اضلم وايد سودة لازمتني من ايدي متقبل تعوفني وبس كلمة اتأخرتي اسمع)
_باجر يمه حظري نفسج نروح للامام بلكي من تزورين ترتاحين
_اي والله حجيه
_واني اخذكم بالسيارة صباح للخير يمه..
الحجيه :صباح للخير يمه عمران اكعد اتريك حتى تلحك عليهم لان طلعوا جا وين المسعده مرتك تسويلك ريوك؟
_لايمه هسه تنزل بس بلا امر ياريت ام ايهم تسويلي جاي سريع
_اي صار عمران شكد مكروه الله ياخذك
_مشكورة ام ايهم شلون صرتي ؟
_ لا الحمدلله احسن
صبيتله جاي خليته يمه كال مشكورة اقبال وحمدلله على سلامتج ولو تأخرتي عليه!!!
كلتله الله يسلمك بس صفنت على شنو تأخرت!!!
ردت اسأله وفاتت سارة
شكد مكروهين هو ومرته
عفتهم وطلعت بده موشح سارة وي عمران مشاكل من الصبح
رحت كعدت حماتي امنه هي اقرب وحده الي بلبيت
_امنه امنه امنه اكعدي
_عوفيني انام
_كومي عدنا حمله اليوم
_والله خوش ٣ جناين بلبيت واكوم اني اشتغل
_لج كومي عندي خبر الج
_خبر خبر احجي شنو الخبر
_مااحجي
_احجي لتصيرين مغثه كن الصبح
اول شي وعديني تجين باجر وياي للزيارة بدون حجج
تدرين بيه مااطلع اذا مااكول ل سمعو
_امداج انتي وسمعوا
_لج تعاي عليج الله احجي شنو الخبر ؟؟
_سارة وعمران تعاركو هههههههه
_وجع طيرتي النومه ع هالخبر قابل اول مرة
_يلا كومي اني رايحه اعزل الاستقبال
وي وكفتي الدنيا افترت بيه
فتحت عيوني عمران يضرب بخدي
راسآ نفضت جسمي من عنده وكمت والدوخه بعدها بيه ورجعت وكعت
اسمعه يكول على كيفج بس ارتاحي كلشي منريد وامنه تلطم فوك راسي ماتت ماتت هسه مابيها شي
صاح بيها عمران كافي بنت الكلب
سارة ... على كيفك عيني شكالت قابل
فتحت عيني كوة اريده بس يروح من يمي شكد تلعب نفسي منه
عمران.. اوديج للمستشفى
كلتله :شكرا ابو نور اني زينه اذا اتعب اخابر على زيد
امنه تعالي كوميني
لزمني من زندي خزرته ابتسم ابتسامه خفيفه كال سلامتج وراح
زيد عمران امنه سارة نوارس خلدون جواد سمعو سهير مروة ...... يوسف
انا انثى انا امرأة انا ام
انا دمار لكل من حولي
سانتقم ولو كان اخر يوم لي
احببت تألمت فتعلمت وكان الدرس قاسي جدا
بقايا حطام....
هذا مشهد عن الرواية انتظروني قريباً
شكر خاص لصديقتي ومصممة الغلاف AbeerAL_Hussnawy
أنت تقرأ
بقايا حطام
Randomقبل عدة اعوام كُنت شخصًا بريئً نقيًا ، يتبعُ نيتةُ وكان يظّن إن جميع الناس تكُون نيتهم صافيةً ، كان اكبر خطأ انني افرُط في البرائه وحُسّن النية ! كُنت اتألم كثيرًا بسبب الافعال والاقوال وردود الفعل من الاوغاد الذين اعطيتهم نفسّي الذين اعطيتهم كُل ا...
