الى وزيرة الصحة اللاعديله حمود👐🏻👐🏻
وحدة كاتبة لوزيره الصحه هالسيناريو
انشاء الله من اطلعين تقاعد وتخلص الفلوس الي نهبتيهة من الشعب تكعدين بالبيت ومحد يحترمج وليلة من ليالي الصيف الحار تتدهور حالتج ياخذوج لمستشفى شيخ زايد ويدخلوج على الدكتور الخفر شاب زغير لابس كلادة وسوار ومكنك حتى ما يباوع على خلقتج ويطلع جهاز الضغط من الديلاب لان يخاف ينباك ويقيس ضغطج يطلع صاعد فول لان زوجات ولدج حاطات ملح زايد لان يكرهنج المهم يكتب مغذي من برة ينوموج على سدية كلهة دم وريحة ويروح ابنج يجيب المغذي من برة ويجي ينطي للمضمد يطلع ناسي الكانولة يرجع للصيدلية يلكيهة معزلة يقترح المضمد يشد كانولة مستخدمة من سلة النفايات مال واحد بي ايدز يبقى يملخ بايدج ما يطلع وريد هالحجي قطن ماكو يمسح الدم بالبردة وديتول مال ارضيات اخر شي ما يدبرهة يدزون على ازهار المضمدة ورة ساعة تجي ازهار تريد اتشد الكانولة يخابروهة على مريض تروح ورة ساعة تجي وتحجي شلون نبطل ما نخابر هاي الحجي الهتفون باذنهة المهم هالاثناء تضربج جلطة ويحولوج لابن النفيس يروحون لابو الاسعاف يكول ما عندي بانزين اجرو سيارة ياخذوج بسايبة وسايقهة سكران ومتيه بغداد المهم توصلين الفجر المستشفى كلهة نايمة تطلع دكتورة لابسة حصر وتعلج وتكلج وين الرنين والايكو والمفراس سويهن الا اكدر اشوف حالتج تروحين للرنين يكلولج سراج بعد شهر يرجعوج للبيت تنشلين ومحد يداريج ويلكوج ميتة بفراشج الساعة وحدة الظهر ياخذوج يطلعلولج شهادة وفاة الا ب ٤٠الف المهم بين ما يكملون الاجراءات ينتهي الدوام تباتين بالثلاجة مال الاموات وتطفا الكهرباء ويجون اهلج الصبح يلكونج معفنة ياخذوج ويرحون للنجف يجي علي العمية ما يقبل يدفنج الا ياخذ صورة ويه خلقتج وينشرهة ويحصل مليون لايك و راهة يحفرون قبرج ويطلع صخر ولليل الا يكملون قبل الاربعين تطلع البلدية ويكصون قبرج لان دافنيج بشارع من شوارع المقبرة واضيع معالم القبر ورة خمسين سنة ايصير مكان قبرج فندق والمجاري فواكج ورة مئات السنين تتحللين واصيرين نفط يستخرجوج ويصدروج للصين واصيرين تاير مال سايبة موديل ٤٠١٨ ويصدروج للعراق يشتري التاير سايق ورة ٣ تيام يطك ويذبوج بالزبالة تجي الجهال تحركة بليلة من ليالي عاشور وتصيرين رماد اسود تذروه الرياح .....
والى مزبلة التاريخ كل سياسي حثالة
لحد يلومني رجاءً البصره في حاله يرثى لها الالاف تعرضو للتسمم ماي شط العرب صار سم الأمراض تفشت المتظاهرين لازالو معتصمين وقسم اخر يتظاهرون والحكومة والسياسيين في نعيم ولا حياة لمن تنادي
