السلام على من اتبع الهدى........
شلونكم ،،،،
شخباركم،،،،،،
يااااارب الكل يكونون بخير
..............................................
موضوعي اليوم صارله فترة يدور ببالي وما جاي الگاله جواب مقنع تعالو نتناقش سوا وكل شخص يبدي رأيه مثل ما يعجبه واكيد الاّراء حتختلف من شخص لآخر هذا شي طبيعي
المهم....
موضوعي هو نسمع عن ناس تكيت بحفلات ومناسبات وقبل فترة شفت ڤيديوهات لراقصات او أياً كان مسماهم سواء كانت گاعده او ترگص يجي المحروس يكيت الفلوس عااااادي بدون وجع گلب
الي اريد افهمه انو هذا الي كيت الفلوس شنو راح يستفاد ؟؟؟؟؟؟ شراح يدخل بجيبه ؟؟؟؟؟
يعني انه ببالي اگول لو هاي الفلوس الي تتكيت وتنشمر جوه الرجلين والي تحرق بالملاهي والحفلات لو يتبرع بيها للمستشفيات وللمرضى والفقراء مو احسن؟؟؟
يعني بعيني شفت ناس ماعدها تدفع كشفية الدكتور وهم مرضى كلش وماعدهم يشترون الدوا وهم ما يگدرون يعيشون بدون علاج يعني اذا يساعدون هيچ اشخاص مو افضل من انو يشمرون فلوسهم بأماكن اشبه بالمستنقعات وعلى ناس اراذل خلق الله
لو تشوفون مرضى مستشفى الطفل في البصره وتشوفون الاطفال المصابين بمرض السرطان والله احس گلبي يبچي مو بس عيوني واحس اتگطع تگطع صح احنه الناس الي على گدنه نساعد بس بأشياء بسيطة وخاصةً احنه الي ماعدنه عمل او راتب ثابت نساعد بالي نگدر عليه لكن ذولي الي عدهم الدفاتر والبلوكات حسب ما يسموهن والله الدفتر الواحد شگد راح يساعد ناس وشگد راح يساعد اطفال 💔💔
اووووووف اوووووف 😢😢😢انتم شنو تگولون اتمنى تشاركوني آرائكم
صراحة سبب طرحي لهذا الموضوع لان صراحةً استفزني بشكل لا يصدق لان صادف في نفس اليوم الي شفت بعض الرجال او أشباه الرجال يكيتون دفاااااتر دولاراااات على وحده بس مجرد گاعده ولابسه ملابس غير محتشمه وبنفس اليوم شفت مرة رادت تروح للطبيب وماعدها علاج ولمينالها فلوس حتى تگدر تروح والله يجازي كل انسان يفعل الخير ويجعلها في ميزان حسناته
هذا مثال واحد عن الي حچيت عنهم
اعتذر عن تنزل هيچ ڤيديو بس ردت انزل دليل على كلامي
وهذا مثال عن الحالات الإنسانيه الي لازم نساعدهم بدل ما نشمر فلوسنه على زبايل(اعتذر عن اللفظ)بس شي يقهر والله
💔💔💔💔💔💔😭😭😭😭😭 ترى والله واقع مؤلم ويبچي
انتظر ارائكم
في رعـــــاااية الرحمـــــن وحفظــه❤️❤️❤️❤️❤️
