حبيتك صدك يفلان

البارت الرابع

البارت الرابع

حبيتك صدك يفلان

للكاتبه :

   •••••••••••••••• ام جعفوري•••••••••••••••

مساء الخير والعافيه متابعيني
شلونكم ..

يهل تنشد الحالي حالف اني
وبس الحزن بعدك حالفاني
وابد مااحب غيرك حالف اني
واجتف روحي الك بثنين ادية
واذا جتفها بيدك انتة حلها
وروحي تحب عشرتك وانتة حلها
لغز صارت محبتك وانتة حلها
دحلها بساع حتى تصير الية
ونصير احباب منك وانتة منا
وامل ماعدنا صدك وانتة املنا
شكد نحلم بشوفك ونتمنة
شجاك وبالوصل تكطع علية
احنا الما كطعنا بيوم وصلك
لان شخصل نعرفة منين واصلك
صيامك مايفيدك بعد وصلاك
لان دم بركبتك ضل الية
لاون ناسي الكتلني والدفني
وخذت بالعشك فني ودي فني
لون تدري انا شودي ودي افني
ديار اهلك هذيج العلوطية

☆☆☆○○○○☆☆☆○○○○○☆☆☆○☆☆○○○○○

احمد ... يابه بنت عمي سيف يريده ومااكدر أخذه  بقت زينه روحو وشوفوهه

ابو احمد ... هاي هي العصر اروحلهم واخلي اختك تحاجيهه

احمد ... مثل مشوف ياابه

.......

هاجر ... بدت العطله وبدت الجمعات والمات مالت العائله بين فترة وفتره ننجمع بيت

فهل اسبوع ننجمع بيت خالتي  صدك فرحانه عجل اشوف الغالي وما افرح يووم عيد عندي يصير واني من زمان مشايفته 😍😍

ابو عمار... وينكم تعالوو هينه خلصونه

ام عمار .. جايين خلصنه بعد بس ام حامد شوفه بطريقك كملت لا بين مانطلع

هاجر... يمه يرحون بس ولده مايروحون

ام عمار ... عجل صيحي لختج ولمياء  ويلا امشينه

هاجر... صحتلهن ورحنه كلنه نفس السياره صرنه طرشي 😂😂
وحده بحظن الثانيه كاعده .....
وصلنه الهم لكيناهم مجمعين كلهن بس هو ماموجود ادحج عليهم واحد واحد شفت درة  يربي شلون اسئله وشكللهه

درة ... هلا بهاجر شلونج يولوو اشو متبينين عجل هيج الدراسه تاخذج

هاجر... هههه لا مو هيج بس تعرفين ثالث وبكلوريا لازم  ادرس زين ... تعالي اكلج

درة.. كولي

هاجر... اشو الولد مجايين 😐

درة... هاااا 😶 ... مو عدهم شغل بمكان ابويه راحوو

هاجر ...اهااا هييج ... الله يرزكهم ان شاء الله

درة ... تسلمين ... بلله شكلله اليوم اريد نخطب زينه .. وشلون اذا وافقت .. هف يااحمد ادري كل هلحب وماامبين ...