Mga Tanda ng ating Pagmamahalan

Ikalawang Tanda

                                                                                          Kuwit

                                                     Isang panadang ginagamit sa paghihiwalay

                                                                               ng pangungusap.

                                                      Panandang nagpapaalala sa ating hindi

                                                                      na tayo tulad pa ng dati. 

                                                  May nagbago at hindi na maibabalik pa.

                                     

                                    Nilagyan mo nang pananda ang pagmamahalan natin. 

                                                       Tandang nilagyan mo na ng pagitan 

                                                                      ang ating mga puso. 

                                                              May espasyo. May puwang.

                                                          Sapagka't siya ang ipinalit mo sa 

                                                         puwang na may roon ang puso mo.

                              

                                                                    Itinulak mo ako palayo.

                                                     Palayo sa bagay na pinakaiingatan ko.

                                   Masakit man ay tinanggap ko na sa bawat paglingon

                                     mo hindi na ako ang nakikita at hinahanap mo

                                                   dahil mayroong sya sa pagitan natin.

                                      Syang pinili mong ipalit sa pwesto ko sa buhay mo.

                                                    Ngunit sa ngayon, sa ating dal'wa'y 

                                 ako ang may puwang sa puso, isang malalim na butas

                                        na walang makakapunan maliban lamang sayo.

                                                                Sa ikalawang pagkakataon 

                                               muli mo na naman ako itinulak palayo sayo, 

                                 hindi lamang maliit na espasyo kundi malaking pagitan 

                                             hanggang sa hindi na kita muling makita pa.

                                                             Nilayo mo ako ng sobra sobra.

                                              Idagdag mo pa ang tuldok na iyong inilagay 

                                                                      matapos ng kuwit.

                                                 Nangangahulugang hanggang doon 

                                                                    na lamang ang lahat.

                                   Ikaw. Kuwit. Pagitan. Kuwit. Puwang. Kuwit. Tuldok. Ako.

                                                  Kuwit na naghiwalay sa ating dalawa.