#ذئاب - بشريه
ام احمد
ثالث
الي صار بعدين ان أبويه طلع مابيه شي ومشتكي عل خالي ظل خالي يومين وطلع كفاله بطلعت خالي وجانت امي وبيبي بالمركز وياه من رجعوا للبيت شافت امي البيت خرابه لان زوجة خالي كلشي ممسويه شغل كل مواعين مكومتها ودنيا مكلوبه طبعا امي سكتت وبدت تنظف خالي صعد يم مرته وجان تحركه عل أن احنه بنات كلشي منشتغل وجان ينزل خالي سرمد وباايده صونده وسد باب علينه احنه بنات وأخذ اختي جبيره للحمام يضرب بيها كأنما جاي ينتقم من والدي من خلالنا وظل يضرب بااختي وامي تدك باب عليه يفتح الباب حتى تنقذ اختي منه وهو ساد باب البيت رئيسي حته خالي جبير ميكدر يدخل وينقذنه منه ظلت امي دك باب مال حمام سباحة وخالي جبير هم بس ماكو فايده اني انهزم وختلت بين غراض وحته صوت مطلعت ولاكدرت ابجي اخاف اطلع صوت ليندل مكاني ويضربني بهل أثناء كدر خالي الجبير يدخل للبيت ويخلصونه من ايد خالي سرمد امي ظلت حاضنه خواتي وتبجي مكدرت تحجي شي بس كالت النه أن راح تخلصنا من هل عذاب بهاي فتره أبويه خسر كلشي ومابقى عنده ولافلس ولاعانه كلها صرفها عل شرب وأم رشا الي فتحت برأس أبويه صالون واشتريت 🏡 بيت الها
احنه جان عدنه هيكل أبويه مكعد بيه ناس فقره بلا إيجار مساعده
امي راحت عليهم وكالت الهم تطلعون خلال شهر لان احنه ماعدنه بيت اني فرحت لان راح اخلص من خالي سرمد وتحرش مالته الي زاد عليه لان كام ينزعني داخليات ويضل يتلمسني جان يهددني أن يذبحني إذا حجيت جنت أظل ساكته ومااحجي ابد اخاف منه
امي طلبت من خالي أحمد يساعدنه لان بالخارج ويدز النه فلوس ودز النه كم فلس كدرنه نكمل بيه كم حاجه بالبيت صح بيت ناقص شبابيك جان بس امي قررت تخلصنا من خالي وبطشه واتحولنا لبيتنا جان بيت جبير بس كله نواقص ومنطقة شعبيه بس كعدنا وامي كامت تخيط وتصرف علينا وخالي أحمد يساعدنا يدز هل الله قاسمه النه جنه نسمع أخبار أبويه أن يبات بالشارع بعد خسارته كلشي بهل أثناء خوالي اتفقوا أن يبيعون البيت وكلمن ياخذ حصته خالي الجبير هو اشتراه كله وأنه كل واخذ حصته واهنا أجه ورث لاامي كامت كملت بيه البيت وحطت النه جام جنه نموت برد لان البيت مابيه جام واهنا أبويه قرر يرجع النه امي قبلت لان وحدها بالبيت ومنطقة شعبيه ناس مترحم بس أبويه رجع النه حاقد عل امي وخالي سرمد لان ضربوه وهانوا لهذا رجع ينتقم من امي وظل كلما يدخل للبيت هو يضربها ويضربنه اني جنت انهزم منه واختل اسمع صوت خواتي يتباجن بس هو والدي ظل ويه ام رشا يزورها بيتها ويحبها ويضل مكابل شارع حتى يشوفها ويوم الي ميشوفها يكلبها علينا عزا امي ظلت تتحمل كل هذا جان عمي جبير ميقبل عل تصرفات والدي وينصحه بس ميفيد بيه ظلينا عايشين عل خياطه مال امي وفلوس الي يدزها خالي أحمد بس من سمعت مرته أن والدي رجع النه دزت إله خبر ان احنه ممحتاجين وابونا موجود فخالي قطع عنه فلوس نهائي هذا أدى إلى تدهور الوضع عدنا وقضيناها عل محروك اصبعه أو نام بلا اكل مرات علينا أيام عصيبه ضكنا الجوع ودكنا الفقر
طبعا خالي سرمد جان يجي يزورنا بس اني من اشوفه اتخبل منه ويضل هو يتعارك ويه أبويه لان جان يضرب امي هوايه ولأن ميشتغل ويضل ياخذ فلوس من امي ويسكر بيها بس هو جان يباع عليه نظرات تخوف مرا كمشني وكلي إذا كلت لااحد شي إله اموتج خلاص اني هم اسكت ومااحجي ومن يروح أبويه يشد بلزايد عل امي وعلينا يطلع قهر خالي براسنا حته ميخلينا نطلع من البيت وراد يبطلنه من دراسه بس امي مرضت وظلت بينهم مشاكل زيد متنقص إلى أن أمي هيه وخالي طردته من البيت اهنا شويه ارتاحينا من مشاكل صح خالي سرمد جان سند امي بس هو أكبر كابوس إليه جان بديت أكبر وتظهر ملامح جسمي جنت حلوه واجذب نظر اهنا بدت مرحله لخ بحياتي وظهر شخص آخر يستغلني غير خالي😞
صعب أن الي لازم يحميج ويكون سندج بالحياة هو نفسه الي يذبحج ويستغلج بعد خروجنا من بيت أهل امي وتخلص من ذيب بشري وفرحت بهل شي بس الي صار أن هناك من جان يتربص الي ذيب آخر أكثر وحشيه أقدم الكم اخويه الي مفروض اني عرضه ويخاف عليه بس هو جان غير مراهق وأصحاب السوء ودلال امي إله افسدوه وبدأ يتحرش بيه من جنت انام احس اكو احد يتلمسني بس اصحى مااشوف احد جنت اعرف هو اخويه لان جان عل طول يكرصني من صدري بحجه الشقه واني جنت استحي مرت ايام وحرشه مال اخويه اطورت وصار يجاهر بحرشه الي حته كدام خواتي اهنا اني عمري 13 سنه بزعت منه وكرهت جسمي واتجرات وكلت لاامي عليه
يمه اريد اكلج شي
مو هسه اني مشغوله
يمه هسه وضروري
خيرج
اخويه
شبيه
يمه اخويه مو خوش
يعني شنو مو خوش مافهمت
اوووه هاي شبيج يايمه شوكت تنتبهين علينا من فتحت عيني واني اعيش برعب المشاكل
َوج تعالي شبيج انت تخبلتي
اي تخبلت خبلتوني مشاكل ووو
و شنو
شوفي يمه ركبتي
هاي شنو يمعزايه
معزايه اني
وج احجي هاي شنو
هاي ابنج هيج سوا بيه
يبوووو صخام براسج وبراس خلفوج
وجان تضربني راشدي
تضربني إليه اني ضحيه مو ذيب اني كل يوم اخويه يتحرش بيه
اسكتي لااموتج
تموتيني هو اني عايشه حتى تموتيني
ظلت امي تدگ عل رأسها وتبجي واندارت عليه وكالت الي
هو اتقرب الج طلع منج دم
دم شنو
جرتني حيل من أيدي وكعدتني عل كرسي وضلت عاصره ايدي حيل
احجي طلع منج دم
يمه مين يطلع دم
وج من اتقرب الج
لا يمه مطلع هو جان يبوس بيه ويتلمسني ويضل يلعب بجسمي إلى أن يرتاح بس ميطلع مني دم
اسكتي كافي كومي ولي من خلقتي
كمت منها واني ابجي نفسيتي اندمرت بلزايد بس مهم كلت الها حته تحوشه عني لان تعبت منه هوايه لليل أجه اخويه واستلمته امي عراك وضربته بس هو مراهق وظل يرادد بيها وكال الها هاي جذابه اني ممسوي الها شي ظلوا يتعاركون وعل أصواتهم وخواتي سمعوا كلشي ظليت اني ابجي واهنا سمعت امي تكله من الصبح خالك سرمد هو يحجي وياك ويضبك من سمعت اسم خالي متت خوف 😱 هذا نفس الي نهش لحمي گبل اخويه يعني اني بكل أحوال بين ذيابه تنهش بيه😭نمت ذيج الليله وكوابيس مترحم بحالي من صبح الصبح سمعت صوت خالي سرمد متت خوف ياربي شراح يخلصني منهم وظلوا يحجون ويتصايحون وسمعته لخالي يكلهم صيحوها اني احجي وياها ☹️
رقيه تعالي خالج يريدج
مااجي اريد أبويه
وج اسكتي ابوج سكير ابو گح.....
مااريد انزل
تنزلين وتحجين ويه خالج
نزلت واني اعرف خالي وعمله جنت امشي عبالك رايحه للموت اطرافي كلها بردت واني اذكر إلي جان يسويه بيه واذكر أنفاسه نتنه من نزلت جوه وصرت كباله بغرفه استقبال اندار عل امي وكال عوفونه وحدنه اني كمشت ايد امي وكتله لاتعوفيني وياه☹️
اسكتي هو هسه يعرف الحقيقة
نظرات توسل الي جانت بعيوني امي مافهمتها وسلمتني للجلاد
وراحت وسدت الباب اني لااراديا دموعي يصبن من خوف جان يكول
تعالي
شتريد مني
تعالي لج لااجي اشگج شگ
رحت يمه جان يلزمني من أيدي حيل شسوه الج
جاي تأذيني
شوفي إذا كلت شي لاامج عل جان بينا اموتج افتهمتي
اي افتهمت محاجه تكلي
شسوه الج اخوج
مثلك هو واحد ساقط
جان يضربني راشدي وكعت بالكاع ابجي أجه كومني وكلي
بنت سكير ساقط شوفي كلمه لخ اذبحج افتهمتي
بت سكير بس أبويه مو متحرش مال أطفال
ام لسان طويل اصبري شسوي بيج
كام ضربني قوي ونزع حزامه وظل يضربني بهل أثناء اجت امي علينا تريد تخلصني منه هو استمر يضربني ويفشر عل أبويه وخرتني امي منه وانهزمت لغرفتي اسمعها تگله شكو ليش تضربها
اربيها معرفتي تربيها
احجي سرمد اخوها هو هيج سوا بيها
لا جذابه وحقيره لاتصدكين بيها
اوف منها إلا أعلمها تجذب عليه
عوفيها مراهقه وتريد تجذب انتباه لاتخليها بالج
مثل متكول اني ملتهيه بالعيشه وهاملتها
يلا اروح اني
الله وياك عيوني
ضليت ابجي وصعدت لغرفتي اشهك وابجي واني عايشه ويه ذيابه لابسه لبس مال نعاج تمثل عل ناس برائه وعفه وهمه بالأصل عفن ماكلهم اكل
ام احمد
