#ذئاب-بشريه
ام احمد
السابع
الحياة صارت تخنك كلما يتقرب موعد زواجي بهيثم بديت اكل بروحي اكل وشلون بالورطه الي اني بيها بعد يومين اعقد محكمه وعد سيد وشلون ماادري استمر لو ابطل احسن الي حتى ماانفضح وخواتي خطيه كلهن يتطلكن من ورايه واذا ظليت بلا زواج شلون ويه اخويه وحرشته صرت اكره واتخبل من شوفته مااريد بعد يلمسني ظليت لااكل ولانوم واجه يوم الي اعقد بيه شلون بيه خابرني هيثم من صبح
صباح الخيرات حبي شلونج
صباح النور هلا بيك
شبيج صوتج مبينه تعبانه
لا مابيه شي لاتخاف
خاف مرتبكه كيف راح نعقد وتصيرين حلالي
ههه لا مخايفه بالعكس حتى نتخابر براحتنه
حياتي جايج بالطريق اني وابويه احبج
اني هم
سديته وكمت اباع عل فستان الي راح البسه اوف كلبي يوجعني وحايره شلون اكمل واني هذا وضعي سبحت ولبست حطيت مكياج عدلت حجابي لبست عدسات وامي صاحت رقاوي يلا اجه خطبيج كلبي وجعني ماادري اكله لو لا منو كال راح يتقبل موضوع اكيد راح يفضحني
كملنا اجراءات حسيت كل فرحان امي وابويه وهيثم بس اني كوه اضحك والعصر سوينا كعده مال مهر خواتي ماقصرن ويايه بس اني هم بداخلي مينحجي ولاينكال لااحد وشلون اتصرف ماادري باليل مكدرت افتح خط عل هيثم ظليت اتكلب وافكر بمصيري اوف من طيش مراهقه شسوه بيه نمت وراها جان جمعه وسبت صح ظل هيثم زعلان مني علمود برود اني بيه وعدم اهتمامي بس هو ميعرف النار الي بگلبي
يوم احد جان يوم عصيب عليه وظليت بالساحه ابجي لان بالبيت جان لازم امثل دور سعيده عليهم واهنا اذكرت ام حانوت مالتنا جانت ابنيه مو راحه واني اعرفها من زمان وهيه سمعتها سباقه رحت عليها واني اعرف هيه تكدر تساعدني جنت هلكانه من تعب مبين عليه وارهاق حته لوني اصفر لان رحت ذبلت من سهر وتفكير حته اكل مالي واهس بيه اول مدخلت للحانوت شافتني
هلا بهل طير طاير وينج اخبارج
زينه
هاي شبيج شكلج يكطع الخلفه
محتاجتج بشغله واريد تساعديني
مويامر الحلو شنو شمسويه احد ضاحك عليج وتردين تركعيع
هاي شبيج فضحتيني
لا ماكو احد كلهم بالدروس تعالي ادخلي يمي
باعي اريد دكتورة تفحصني
ها فهمت صار اعرف وحده اذا تردين وره دوام نروح عليها
اي فدوه بس تشوفني ابنيه بعدني
خوش ياحلوه بس انت لاتنسين الحلاوه مالتي
ميخالف
انتظرج براس شارع مال مدرستنا زين
صار
طلعت منها واني بين الخوف والفرح راح اعرف اني باكر لو لا كمل دوام ورحت لراس الشارع شفتها تنتظرني صعدنا تكسي ومشينا وصلنا للدكتورة حجزنا ورجعنا وكالت باجر نروح عليها نطلع من وكت حته اهلج ليحسون رجعت للبيت واني ميته من التعب وارهاق اكلت لكمه ونمت كعدت لكيت عشرة مكالمات من هيثم حالتي النفسيه تعبت اتصلت عليه اتعاركنا وهو حقه بكل شي بس هو ميدري بمصيبتي رحت جمعت الي جم فلس عندي حته اتحضر ليباجر مشى الوكت بطئ قاتل اني خلكي ضيق وهمزين اخويه مسافر وخلصانه منه ومن قرفه عدا لليوم عل اعصابي من صبح رحت بوجهي عل ام حانوت واتفقنا نطلع الدرس الرابع ظليت عل اعصابي الئ ان رحنا عل دكتورة ودخلنا الها اول مدخلنا كالت يلا حبي اصعدي عبالك تعرف اني عل شنو جايه واهنا ام حانوت كامت تلغمط الها وكالت هاي مرت اخويه عروس جديدة اشو اخويه اخذها ومطلع دم نريد تشوفيها اني من نظرات الي بينهم حسيت اكو شي بينهم وگلبي لعب منهن حسيتهن متفقات عليه مهم فحصتني وكالت يلا مامه كومي انت مو ابنيه اني اهنا راسنا كمت ابجي دفعت اجرة وطلعت من غرفه حتئ بلا ماانتظر ام حانوت ظليت بالشارع امشي وابجي بحيث رجعت للبيت مشي ومسافه كلش بعيده عقلي مجاي يستوعب صعدت لغرفتي وابجي قفلت الباب وقفلت مبايل وقررت انتحر خلص ماظل صبر عندي كافي الي شفته بحياتي ومااكدر اخلي خواتي يتعذبن من ورايه بسبب لحظه طيش مراهقه همه يدفعون ثمنها كعدت بالكاع وبديت اشرب باادويه حبوب واني اذكر شريط حياتي وابجي الى ان اغمه عليه
من فتحت عيوني عبالي ميته طلعت بالمستشفى عبالك موت ميريدني وصار صعب عليه امي جانت تبجي ويمها هيثم والكل مستغرب من الي سويته محجيت شي بس من رجعت ظلوا خواتي يمي يسالون بيه قنعتهم بخوفي من حياتي الجديده واني بعدني احب حسام باليل نمت ودموعي حاره ينزلن واهنا اذكرت سجاد اني حافظه رقمه وكلت اتصل عليه دكيت مرا مرتين مجاوب بعدين جاوب
الو هلو شلونك سجاد
خير شذكرج بيه
سجاد اني اعرف اني مقصره وياك بس اهلي كلهم جانوا ضدي واني بعد مكدرت اقاوم
خلص موضوع وانتهئ شتردين مني
اسالك كم سؤال
اي اتفضلي
عل ليله جنه بيها سوا
شبيها
سجاد بعد شهر زواجي اني ماادري انت اخذتني لو لا
اووووف منج شااكول الج ماادري مو كتلج اخذج واستر عليج
سجاد ظروف جانت قويه اقوه مني
مهم اني ازوجت هسه وعندي ابنيه بس اكلج الي صار ان الي سويته ويه مرتي مو مثل الي سويته وياج
شلون يعني اني بعدني ابنيه
اكيد انت ابنيه اني جنت واعي واعرف الي صار ميفض غشاء بكاره مالتج
سجاد انت متاكد
اي
ودم الي نزل مني
يجوز انجرحتي بس اني مااخذتج
هاي بيها تطير ركاب كلي الصح
لاتخافين ازوجي وانت بعدج ابنيه
ريحتني هوايه
الله يريح بالج
مع سلامه
مع سلامه
حسيت دنيا ضوت الي وتاكدت ان ام حانوت جانت تريد تسحب مني فلوس وان هناك اتفاق بينها وبين دكتورة ارتاحيت شويه بس ظليت بخوفه وقلق
الصبح اجه هيثم وظلينا سوه شويه طلعنه واتونسنا مشت ايام واني بعدني بخوفه من كوني مو ابنيه صرت بالنازل بوزني اكثر واكثر وانتبهت امي عليه وكالت لااختي جبيره واجت اختي وظلت تحجي ويايه وحصرتتي حصره الئ ان كتلها عل الي صار بيني وبين سجاد اتخبلت ولطمت عل راسها بس مكالت لاامي بس هيه كالت عوفيها عل الله وخلي ايمانج قوي وهيه تنحل وظليت بقلق وتوتر الى نجحت من خامس وبعد اسبوع زواجي اني شنو صرت هيكل عظمي من تفكير وقلق بس اني ظليت ادعي الله يسلمني مو لخاطري لخاطر امي وخواتي واجت الحنه والكل فرحانه وتركص واني واختي نتحرمص حرمص خلصت الحنه وصار العرس اني حته قوة ماعندي بقيت ظليت ابجي وادعي من الله تخلص هاي ليله عل خير وانسد باب علينا اني مبقه امام منخيتها ولادعاء مدعيته وظل هيثم يبوس بيه واني بعالم اخر الى ان تعرينا تماما جان عيني عل هيثم وجه اخاف منه الى تمت عمليه وطلع من دم اني كمت ابجي واحمد الله واشكره هو اتصور اني ابجي من الم بس اني من فرحه ابجي ورحت عل مبايل دزيت رساله لااختي ابشرها وظلت هيه تحمدت الله وتشكره جانت ايام صعبه وليله صعبه كلما اذكر تفاصليها اريد يغمى عليه رجعنا من فندق عل بيت عيالي واني من ذاك اليوم مفاركت صلاتي ولاقرائتي للقران وهيثم جان زوج غيور كلش وهوايه يحبني اني خدمته وخدمت ابوه بعيوني والله بعد سنه رزقني باابنيه حلوه سميتها نور لان حياتي صارت للاحسن ويه زوجي وبنتي الي جنت احبها واموت عليها واخاف عليها من ليروح احد يستغلها مثل مااستغلوني
اشخاص الي جانوا سبب بضياعي
ابويه كلش اتمرض وبسبب الشرب صار بيه تشمع بالكبد
خالي سبحان الله مثل ماسوه بيه صار بنته بالضبط
اخويه ظل بين سكر وعربده مالته ومرته ظلت تعاني منه بسبب انحراف وسوء اخلاقه
ضياء ازوج وحده وخانته ويه صديقه وكتلها ودخل السجن
رساله من صاحبه القصه الكم
(وهيج خلصت قصة حياتي اني محد جبرني عل كتابتها بس اني ردت اوصل رسالتين مني اولا للاهل ان ينتبهون الى اولادهم وبااخص بناتهم ولايخلون مشاكل تلهيهم عن استماع الى اولادهم همه امانه عدكم لاتضيعوها بالمشاكل مالتكم عينكم عليهم لاتامنون لا بااخ ولاخال ولاعم
ورساله ثانيه للبنات ان لاتضيعين روحج بمسمى الحب ترا راح تتعذبين لوحدج وانت وحدج ادفعين الثمن غالي)
خلصت قصتي الكم اتنمى ان عجبتكم واخذتم منها العبره والبطله مالتنا جانت ابنيه ضحيه اب مستهتر وام غافله ادى الى ان يستغلها اقرب ناس الها وصح هيه اخطات بس محد معصوم من خطا وخير الخطائين التوابين
ودمتم برعايه الله وحفظه
اختكم ام احمد
