#ذئاب_بشريه
ام احمد
الخامس
احنه ممعصومين من خطا وراح ندفع ثمن خطئنا بمرور الزمن رساله لكل بنت مني ان لاتكوني مغفله وتنطين نفسج بااسم الحب شهوة ساعه تكلفج العيش العمر كله بعذاب الي صار ان اني جنت مندفعه متهورة وماااهتميت بس ان اكون ويه سجاد مااهتميت ان افقد عذريتي (مثل مجنت متصورة اني فقدتها) مهم اتونس وياها اهمال اهلي الي وتحرش خالي واخي خلاني اعيش بفراغ وهذا الفراغ سجاد ملاه اليه نرجع للحدث
رحت للحمام وشفت شي نزل مني معرفت شنو ولاحتى خفت رجعت للغرفه وكلت اله
سجاد هاي شنو شوف شنزل مني
هاي شنو لج ممعقوله اني اخذتج لا (گام يبجي)
يعني شنو
رقيه هسه انت مو ابنيه يعني معقوله اني هيج سويت بيج اني رجل اعرف الي صار ميفض غشاء بكاره علعموم لاتخافين مراح اتخله عنج العمر كله وراح اجي اخطبج من اهلج
صدك حبيبي
اي حبيبتي انت دنيتي وحياتي كلها
حضني وباسني من راسي وكلي خلي اروح زين واسبوع واجي اخطبج
فرحت بالي كاله سجاد وماااهتميت لشي ابد مهم عندي اظل وياه وره اسبوع كلت خواتي عل سجاد واهله يردون يجون يخطبوني امي كالت ميخالف خلي يجي ونكول لوالدج عليه اني هم فرحت حيل ان راح اصير مرته واخلص من اخويه وحرشته بيه واجوي نسوان يشوفوني اني كلش،جنت فرحانه حتى امه كالت هاي مين لكيتها شلون جمال وشلون اخلاق من راحوا نسوان والدي جان ممرتاح لان اهل ولد حالتهم معدومه كلش واجه عليه للغرفه وكلي
بنتي هذا الي حاي يخطبج حالته كلش تعبانه حتى غرفه خاصه بيه ماعنده وعايش بالمحافظات جنوبيه يعني هناك راح تلبسين عبايه وراح تتقدين بحريتج واضافه ان ماعنده شغله عطال بطال
اي بابا ادري واني راضيه بيه
شنو راضيه بنتي فكري الف واحد يتمناج وانت بعدج صغيره
ميخالف بابا اني راضيه
زين شوفي انت اختاريتي بس بعدين من تتاذين متجين وتكولين عندي اهل اذا رجعتي والله اطردج من البيت
اهنا اني انهاريت وظليت ابجي خفت هوايه شلون اروح اعيش بغير محافظه وشلون اعيش بالفكر واني هسه غرفتي وحدي وعيشتنا زينه ظليت ابجي وابويه راح امي وخواتي من سمعوا بحاله الولد ظلوا رافضين للموضوع وظلوا يقنعون بيه ان ارفض اهنا والدي كلي خلص اني راح ارفض اني ضليت منهاره وابجي لان كل رافضه للموضوع رضخت الهم ودزوا خبر للولد انوا احنه رافضين وجان يتصل سجاد بيه باليل يبجي ويكلي احبج مااكدر اعيش بلاياج ظليت اني مابيدي شي لان جان الكل رافض للموضوع بس اني ميأست وظليت ويه سجاد وظليت عل اتصال بيه وخابره اهنا اني رسبت بالثالث متوسط لان كلش اتاذيت وحته اكل مااكل وذبلت كلش وكله حابسه روحي بالغرفه وظل سجاد مامل هو واهله يوميه يخطبوني وابويه يطردهم بس اني رحت انتهيت لا ايد ولارجل من شافوا اهلي هيج وضعي ابويه كال خلي يجون واهنا فرحت كلش وخابرته وكتله وصدك اجوي ودخلت عليهم وشفته كاعد واني من فرح احس كلبي يريد يوكف ظليت بالمطبخ ادعي الله يهديه لاابويه بس ابويه كلهم اخذ راي البنيه واجه علينا وكلي بنتي هاي حياتج واني عليه اكلج ترا الولد واهله حالتهم تعبانه وحتئ لاشهاده ولاشغله شراح يوكلج ويه الجيش الي بركبته اذا كلتي اي اني معليه بعد بيج وبس ترجعين النه اطردج اني دموعي كامن يصبن وامي ظلت تكلي يمه شيفيدج الحب وهو حافي تتندمين بعدين كتلهم هايه مثل متردون فرحوا وراح ابويه كال الهم اهنا سجاد اتخبل وكام عل حيله وكال الله لاينطكم بعتوها عني واني اريدها والله لروح لاابو الفاضل العباس وادعي عليكم فرقتوني عنها نفسي بيها لو بعد 70 سنه اريدها ضل يعيط واهله يسكتون بيه ابويه طردهم واني اهنا اغمى عليه من قهر من صحيت عرفت كلشي انتهئ وسجاد راح مني داومت سنه ثانيه ثالث ونحجت كوه واخويه ظل يوميه هو يتحارش بيه الئ ان فد يوم دخل عليه وشافني احجي ويه سجاد كام اخذ مبايل مني وكلي اذا تردين تحجين وياه انطيني الي اريده اني اهنا كتله اخذ مبايل مااريده بس حل عني اني اندمرت بالزايد ونفسيتي تعبت وحتى مبايل اخذوا مني ظليت لا اكل ولاشرب وفكرت انتحر بس جنت خوافه وصادف امي اخذتنه ورحنا للزياره واول مدخلت الحضره ضليت اشهك وابجي وادعي من الله يبرد گلبي من ناحيه سجاد واكدر انساه ضليت ابجي الى ان ارتاحيت شويه بمرور ايام حسيت روحي احسن وبديت امارس حياتي يوميه واتجنب اخويه واقفل باب غرفتي حته لايدخل عليه باليل
من صارت العطله الصيفيه اختي اقترحت عليه ان نشتغل بمجمع بيه هوايه محلات وصدك رحنا اني اختي واهنا اشتغلت جنت ناحجه للرابع اعدادي بس اني كل صف ابقه بيه سنتين يعني هسه عمري 19 سنه اول ايام سويت الي صداقات ويه بنات هوايه جنت اني اجتماعيه كلش وهوايه اعتني بروحي وجسمي حلو واجذب النظر ومااطلع اذا مو اكون اخر كشخه وحته عدسات يوميه لون شكل وهنا انتبهت عل ولد بس يباع عليه طول وكت ويبتسم الي اسمه حسام طويل وحلو وصاحب غمازه جنت اروح واجي هو يسمعني كلام حلو الئ ان اعترف الي كلي
احبج واموت عليج مو هسه لا من قبل من جنتي تجين تشترين ملابس اني اباع عليج
اويلي من ذاك الوكت وانت ساكت
شعلتيني بجمالج وسحرج
ههههههه
فدوه للضحكه هاي عندج مبايل
لا
ليش
ظروف
بسيطه اني اجيب الج مبايل وشريحه حته نتخابر
اهلي ميرضون
لاتكولين خليه سري بس اني وياج نتخابر بيه
صار
فدوة هسه شغله دقايق وارجع جايبه
وصدق مرت ربع ساعه جاب الي مبايل وشريحه ردت انطيه فلوس مقبل وراسنا خزنت رقمه وراح هو عل شغله وكل شويه يدز الي اشعار مال حب ظلينا هيج شهر كله رسايل وحب بس محد يعرف من اهلي عندي مبايل سري
طبعا امي بمرور ايام انطتني فلوس وكالت اشتري مبايل اني هم اشتريت غيره واحدث كمت الليل كله احجي ويه حسام من صار عندي مبايل جديد رجعت الي شريحتي قديمه وبيوم اتصل عليه سجاد وجان مشتاق الي ويتوسل الي يرجع بس اني جنت مااريده گلبي صار ويه حسام 😍 كمت اتجاهله لسجاد واجاوبه برود واكثر من مره يبجي يريدني ارجع اله بس اني كتله مااريدك بمرور ايام كمت مااجاوبه وكل قضيته ويه حسام الي اهنا صار كل حياتي ومجمع كله عرف بحبنا اهنا اختي جبيره عرفت عندي مبايل سري وراحت كالت لاامي عليه امي اجت وشافته وشافت رسايل مال سجاد وعرفوا اني بعدني وياه ميدرون اني عايفته وكامت امي تضربني موتتني كتل وضلت تضرب بيه الى ان اغمى عليه ظل جسمي اسبوعين مزوك
قبل متجي مدارس حسام راح اشتغل غير شغله ويه اصدقائه يبيع ذهب وعاف مجمع اهنا صار حسام غير شخص الي اعرفه كام يكلي نطلع نروح للشقه واهناك ناخذ راحتنا بس اني اهنا مو نفس مراهقه الي جنت مندفعه صرت اعرف وافرزن الصح من الخطا صرت ارفض تصرفاته وظل هو يلح عليه اطلع وياه بس ظليت رافضه اهنا بدا هو يتغير عليه وكام مرات يكلي اخذي الي صور ودزيها الي اني حسيت بيه مو نفس الشخص الي حبني كمت ارفض اله طلباته جان يجيني يم مدرسه يشوفني واهنا كتله
حسام شوكت تجي تخطبني
اخطبج
اي
تردين صراحه اني كلت لاامي عليج بس امي تريد بنت اخته اخذ
واني حسام تعوفني كمت ابجي راسنا
اوووه هسه شبيج الا زواج خلينا هيج احسن
شلون يعني
هيج متونسين انت بس تعالي ويايه للشقه
حسام اتخبلت شسوي اروح وياك
باعي ولج اذا متجين والله اعوفج ولااحجي وياج
حسام اني احبك واريد اصير الك بحلال
اي اول تجين للشقه وراها اجبر امي تجي تاخذج مااكدر
شوفي باجر انتظرج هذا عنوان متجين كلمن بطريقه
وعافني وراح ظليت ابجي رجعت للبيت منهاره كلشي ولايعوفني حسام اتخبل مااكدر اعيش بلاه ظليت باليل احجي وياه بس هو قافل اله اروح وياه للشقه ومن صبح رحت للدوام واني لا ماكله ولاشاربه ظليت بالساحه بس ابجي مااريد حسام يعوفني وقررت اروح اله للشقه
ام احمد
